🔯হাইমাদ্ৰাছা পৰীক্ষাত বঙাইগাঁও জিলাৰ অভয়াপুৰীৰ মোস্তাক আহমেদৰ দ্বিতীয় স্থানদখল🔯

🔯হাইমাদ্ৰাছা পৰীক্ষাত বঙাইগাঁও জিলাৰ অভয়াপুৰীৰ মোস্তাক আহমেদৰ দ্বিতীয় স্থানদখল🔯

📝বঙাইগাঁওঃ ৭ জুনঃ দাৰিদ্ৰতাৰ স'তে সহাৱস্থান কৰিও বঙাইগাওঁ জিলাৰ অভয়াপুৰীৰ নিকটৱৰ্তী পিৰাধৰাস্থিৰ পিৰাধৰা হাইমাদ্ৰাছাৰ ছাত্ৰ মোস্তাক আহমেদে এইবেলি হাইমাদ্ৰাছা পৰীক্ষাত ২য় স্থান অধিকাৰ কৰি বিদ্যালয়খনৰ লগতে সমগ্ৰ জিলাখনলৈ সাফল্য কঢ়িয়াই অনাত উৎফুল্লিত হৈ পৰিছে শিক্ষক-অভিভাৱক-ছাত্ৰ-ছাত্ৰী তথা ৰাইজ।জানিব পৰা মতে বিদ্যালয়ৰ নিকটৱৰ্তী নসত্ৰৰ দুখীয়া কৃষক হাফিজুদ্দিন আহমেদ আৰু মাতৃ মফিদা খাতুনৰ পুত্ৰ মোস্তাক আহমেদে সৰুৰে পৰাই মেধাৰ পৰিচয় দি আহিছিল।প্ৰতিদিনে ৯- ১০ ঘণ্টাকৈৈ অধ্যয়ন কৰা মোস্তাকে অসমীয়াত ৪৭ , ফিক আৰু ইকুয়াৰ্ডত ৪৭, ইংৰাজিত ৮৮, সাধাৰণ গণিতত ৯৮, সাধাৰণ বিজ্ঞানত ৯১,আৰৱীত ৮২ সহ আটাইকেইটা বিষয়তে লেটাৰ নম্বৰ সহ ৫৫০ নম্বৰ লাভ কৰি ৰাজ্যখনৰ ভিতৰতে হাইমাদ্ৰাছা পৰীক্ষাত ২ য় স্থান লাভ কৰে। ভৱিষ্যতে চিকিৎসক হোৱাৰ লক্ষ্য বাছি লোৱা মোস্তাকে সফলতাৰ আৰঁঁত পিতৃ-মাতৃ, শিক্ষক-শিক্ষয়িত্ৰী থকা বুলি কয়। মোস্তাকৰ সফলতাত গৌৰৱান্বিত শিক্ষক ,অভিভাৱক তথা ৰাইজ। ইপিনে ফলাফল ঘোষিত হোৱাৰ পিচতে বঙাইগাওঁ জিলাৰ বিদ্যালয় সমূহৰ পৰিদৰ্শক জ্যোৎস্নাৰাণী বৰ্মন উপস্থিত হৈ ছাত্ৰজনৰ সহায়ক হোৱাকৈ পাঠশালা বজালীৰ  আনন্দৰাম বৰুৱা একাডেমীৰ সৈতে যোগাযোগ কৰি সম্পূৰ্ণকৈ বিনামূলীয়া অধ্যয়নৰ ব্যৱস্থা কৰে । কৃতি ছাত্ৰজনৰ মতে কঠোৰ পৰিশ্ৰম কৰিলে  সফলতা আহিবই ৷ এইক্ষেত্ৰত  লাগিব পিতৃ- মাতৃ আৰু বিদ্যালয়ৰ শিক্ষক - শিক্ষয়িত্ৰীসকল সহায় ৷🔯