🔯কৃত্ৰিম বানৰ কৱলত বিজনী মতিলাল বগৰীয়া মজলীয়া বিদ্যালয়🔯

🔯কৃত্ৰিম বানৰ কৱলত বিজনী মতিলাল বগৰীয়া মজলীয়া বিদ্যালয়🔯

🔯বিদ্যালয়খনত কালিৰে পৰা বন্ধ পাঠদান🔯

#বিজনী আঞ্চলিক ছাত্র সন্থাৰ প্ৰতিক্ৰিয়া প্ৰকাশ#

📝বিজনীঃ ১৫ জুনঃ বিগত কেইবাদিন ধৰি হৈ থকা নেৰানেপেৰা বৰষুণৰ ফলত কৃত্ৰিম বানৰ সৃষ্টি হৈছে বিজনী চহৰত। বিশেষকৈ কৃত্ৰিম বানত ক্ষতিগ্ৰস্ত হোৱা পৰিলক্ষিত হৈছে বিজনী মতিলাল বগৰীয়া মজলীয়া বিদ্যালয়।বিদ্যালয়খনৰ চৌহদৰ পৰা কোনো ধৰণৰ পানী ওলাই যোৱা ব্যৱস্থা নথকাত সম্প্ৰতি বিদ্যালয়খনৰ চৌদিশে এআঠু পানী। ফলত কালিৰে পৰা বিদ্যালয় খনৰ পাঠদান বন্ধ হৈ আছে।এইক্ষেত্ৰত বিজনী আঞ্চলিক ছাত্র সন্থাৰ সাধাৰণ সম্পাদক সুদীপ চন্দই বিজনী পৌৰসভা আৰু বিজনী চক্ৰ বিষয়াই গুৰুত্ব প্ৰদান নকৰাৰ বাবে সম্প্ৰতি এই অৱস্থাৰ সৃষ্টি হৈছে বুলি অভিযোগ উত্থাপন কৰে।বিদ্যালয় খনৰ কৃত্ৰিম বান ৰোধ কৰাৰ বাবে বিজনী আঞ্চলিক ছাত্র সন্থাই ২০১৯ চনৰ ফেব্ৰুৱাৰী মাহতে বিজনী পৌৰসভাৰ কাৰ্যালয়ত বিজ্ঞান সন্মত ড্ৰেন নিৰ্মাণৰ বাবে স্মাৰকপত্ৰ প্ৰদান কৰিছিল যদিও কোনো ধৰণৰ ব্যৱস্থা গ্ৰহণ নকৰাত বিদ্যালয় খনে কৃত্ৰিম বানৰ সমস্যাত ভুগি আছে বুলি অভিযোগ উত্থাপন কৰে। 

এইক্ষেত্ৰত বিজনী পৌৰসভা আৰু বিজনী ৰাজহ চক্ৰ বিষয়াই তাৎক্ষণিক ভাবে বিহিত ব্যৱস্থা নকৰিলে অনাগত দিনত বিজনী নগৰবাসী ৰাইজৰ সহযোগত আছুৱে আন্দোলন গঢ়ি তুলিব বুলি মন্তব্য প্ৰকাশ কৰে বিজনী আছুৰ সাধাৰণ সম্পাদক সুদীপ চন্দই। ইফালে বঙাইগাঁও জিলাৰ মানিকপুৰ উন্নয়ন খণ্ডৰ অন্তৰ্গত  ২ নং জামদহা আৰু ৩ নং জামদহা অঞ্চলত কৃত্ৰিম  বানপানী। প্ৰবল বৰষুণ আৰু আই নৈৰ মৰা সুঁতিয়েদি বৈ অহা পানীয়ে সৃষ্টি কৰিছে কৃত্ৰিম বানপানী। গেৰুকাবাৰী-৩ নং জামদহা  পথ উটুৱাই নিয়াৰ ফলত যোগাযোগ বিছিন্ন। ৩ নং জামদহা প্ৰথমিক বিদ্যালয় আৰু অঙ্গনৱাদী কেন্দ্ৰৰ পানীত বুৰ যোৱাৰ লগতে স্কুলৰ সন্মুখত এই পথ পানীৰ সোঁতে উটুৱাই নিয়াৰ ফলত ছাত্র ছাত্ৰীৰ লগতে গাঁৱৰ মানুহৰ যাতায়ত ব্যৱস্থা সম্পূৰ্ণ ভাৱে বন্ধ হৈ গৈছে। যাৰ ফলত স্কুলীয়া ছাত্ৰ-ছাত্ৰী তথা সাধাৰণ জনতাৰ  মাজত হাহাকাৰ অৱস্থাৰ সৃষ্টি হৈছে। উক্ত গাওঁ দুখনৰ শতাধিক পৰিয়ালৰ ঘৰ-বাৰী  কৃত্ৰিম বানৰ পানীত বুৰ গৈছে । এতিয়া লৈ চৰকাৰী বিভাগিয় কতৃপক্ষ উপস্থিত হোৱা নাই।🔯