🔯যোৰহাট জিলাৰ ২০২২ বৰ্ষৰ হাইস্কুল শিক্ষান্ত পৰীক্ষাত স্থানপ্ৰাপ্ত ছাত্ৰীসকলক জিলা প্ৰশাসনৰ সম্বৰ্ধনা🔯

🔯যোৰহাট জিলাৰ ২০২২ বৰ্ষৰ হাইস্কুল শিক্ষান্ত পৰীক্ষাত স্থানপ্ৰাপ্ত ছাত্ৰীসকলক জিলা প্ৰশাসনৰ সম্বৰ্ধনা🔯

📝যোৰহাাটঃ জুন ১৬ : যোৰহাট জিলা প্ৰশাসনে আজি পৰীক্ষা ২০২২ বৰ্ষৰ হাইস্কুল শিক্ষান্ত পৰীক্ষাৰ ফলাফলত ৰাজ্যৰ ভিতৰত চতুর্থ, পঞ্চম আৰু অষ্টম স্থান লাভ কৰি যোৰহাট জিলালৈ গৌৰৱ কঢ়িয়াই অনা সমাদৃতা শৰ্মা, স্বেহনাজ অঞ্জুম য়াছমিন আৰু অলিভিয়া বৰাক সম্বৰ্ধনা জনায়।জিলা উপায়ুক্ত কাৰ্যালয়ৰ সভাগৃহত অনুষ্ঠিত কৰা অনুষ্ঠানত জিলা প্ৰশাসনৰ হৈ যোৰহাট জিলাৰ উপায়ুক্ত অশোক কুমাৰ বৰ্মনে ছাত্ৰী কেইগৰাকীক মুখ্যমন্ত্ৰী মহোদয়ে প্ৰেৰণ কৰা সম্বৰ্ধনা পত্র আৰু ফুলাম গামোচা, কলম আদি উপহাৰ প্ৰদান কৰি  অভিনন্দন জনোৱাৰ লগতে তেওঁলোকৰ ভৱিষ্যৎ উজ্জ্বল কামনা কৰে। জিলাখনলৈ সন্মান কঢ়িওৱা ছাত্ৰীকেইগৰাকীৰ বাবে অতি আনন্দ আৰু গৌৰৱবোধ কৰা বুলি উপায়ুক্তগৰাকীয়ে জানিবলৈ দিয়ে৷ সম্বৰ্ধনা জনোৱা সমাদৃতা শৰ্মা আৰু অলিভিয়া বৰা যোৰহাট বাঘচোং ডনবস্ক' স্কুলৰ  ছাত্ৰী ৷

আনহাতে স্বেহনাজ অঞ্জুম য়াছমিন টীয়ক বেনগাৰ্ডেন হাইস্কুলৰ ছাত্ৰী।অনুষ্ঠানত শিক্ষানুষ্ঠান দুখনৰ মুৰব্বী দুজনকো সম্বৰ্ধনা জনোৱা হয়৷ ডনবস্ক' হাইস্কুল আৰু বেনগাৰ্ডেন হাইস্কুলৰ প্ৰধান শিক্ষক(ফাদাৰ)ৰ লগতে ছাত্ৰী তিনিগৰাকীৰ মাতৃ ক্ৰমে চিৰঞ্জিতা শৰ্মা,জ্যোতি শইকীয়া আৰু মফিদা বেগমে বক্তব্য আগবঢ়ায়। অনুষ্ঠানত ছাত্ৰীকেইগৰাকীয়েও নিজ নিজ সফলতাৰ বিষয়ে দুআষাৰ কয়৷জিলা উপায়ুক্ত কাৰ্যালয়ৰ সভাকক্ষত অনুষ্ঠিত সম্বৰ্ধনা অনুষ্ঠানত অতিৰিক্ত উপায়ুক্ত ক্ৰমে দামোদৰ বৰ্মন, অৰুণ ব্ৰহ্ম,কবিতা কাকতি কোঁৱৰ, ছাত্ৰী কেইগৰাকীৰ পিতৃ- মাতৃ,জিলা প্ৰশাসন আৰু অন্যান্য বিভাগসমূহৰ বিষয়া কৰ্মচাৰীসকল উপস্থিত থাকে🔯