🔯বঙাইগাঁৱৰ নাচনগুৰিত বজ্ৰপাত🔯

🔯বঙাইগাঁৱৰ নাচনগুৰিত বজ্ৰপাত🔯

🔯জ্বলি ভস্মীভূত হ'ল বাসগৃহৰ লগতে সকলো সা- সামগ্ৰী🔯

📝বঙাইগাঁওঃ১৬ জুুন: ধাৰাষাৰ বৰষুণ অব্যাহত থকাৰ সময়তে বঙাইগাঁও জিলাৰ ১ নম্বৰ নাচনগুৰিত বুধবাৰৰ নিশা প্ৰায় ২ বজাত এগৰাকী ব্যক্তিৰ বাসগৃহত বজ্ৰ পৰাত বিস্তৰ ক্ষতিসাধন হয়৷  জিলাখনৰ ১ নম্বৰ নাচনগুৰিৰ ইব্ৰাহিম আলী নামৰ লোক এজনৰ বাসগৃহত নিশা বৰষুণ পৰি থকাৰ সময়তে বজ্ৰ পৰাত অগ্নিকাণ্ড সংঘটিত হয় ৷ 

বজ্ৰপাতৰ পিছতে বাসগৃহটোৰ লগতে ভিতৰত থকা সা- সামগ্ৰীসমূহ জ্বলি ভস্মীভূত হয় ৷ সেইদৰে  লোকজনৰ ঘৰৰ ভিতৰত থকা এখন বাইক আৰু গেছ চিলিণ্ডাৰো জ্বলি যায় ৷ অৱশ্যে বজ্ৰপাতৰ সময়ত ঘৰৰ ভিতৰত কোনো লোক  নথকাত সৌভাগ্যক্ৰমে পৰিয়ালটো ৰক্ষা পৰে ৷ সমগ্ৰ ঘটনাই অঞ্চলজুৰি আতংকৰ সৃষ্টি কৰিছে ৷🔯