🔯বঙাইগাঁৱত অসম পেট্ৰোলিয়াম মজদুৰ ইউনিয়নৰ ১৬ সংখ্যক সাধাৰণ সন্মিলন🔯

🔯বঙাইগাঁৱত অসম পেট্ৰোলিয়াম মজদুৰ ইউনিয়নৰ ১৬ সংখ্যক সাধাৰণ সন্মিলন🔯

🔯চৰকাৰে পেট্ৰোলিয়াম উদ্যোগৰ ওপৰত আক্ৰমণ কৰিব বিচাৰিছে,আমি এই ব্যৱস্থাৰ প্ৰতিৰোধ বিচাৰিছোঁ - মণি মহন্ত🔯

🔯গঠিত হ’ব 'উত্তৰ পূৰ্বাঞ্চল পেট্ৰোলিয়াম মজদুৰ ইউনিয়ন🔯

📝বঙাইগাঁওঃ ১২ জুন: 'ৰাজ্য বা দেশৰ অৰ্থনৈতিক নীতিত চৰকাৰে যেনেকৈ দেশৰ সম্পদ বিক্ৰী কৰিছে আৰু আমাৰ পেট্ৰ'ল উদ্যোগৰ ওপৰতো আক্ৰমণ যিদৰে আক্ৰমণ কৰি আছে এই ব্যৱস্থাটোৰ প্ৰতিৰোধ আমি বিচাৰিছোঁ'-এই মন্তব্য অসম পেট্ৰোলিয়াম মজদুৰ ইউনিয়নৰ কেন্দ্ৰীয় সভাপতি  মণি মহন্তৰ ৷ দেওবাৰে বঙাইগাঁও জিলা পুথিভঁৰাল প্ৰেক্ষাগৃহত এদিনীয়া কাৰ্যসূচীৰে অনুষ্ঠিত অসম পেট্ৰোলিয়াম মজদুৰ ইউনিয়নৰ ১৬ সংখ্যক সাধাৰণ সন্মিলনত অংশলৈ ইউনিয়নৰ সভাপতি মণি মহন্তই সংবাদ মাধ্যমৰ আগত কয় যে , আজি জনসাধাৰণ পেট্ৰ'ল, ডিজেল আৰু ৰন্ধন গেছৰ অতি মূল্যবৃদ্ধিত জৰ্জড়িত ৷ আমি জানো যে এক লিটাৰ পেট্ৰ'ল তৈয়াৰ কৰোতে চৰকাৰৰ খৰচ হয় ৩৭ টকাৰ পৰা ৪০ টকাৰ ভিতৰত ৷ কিন্ত সেই এক লিটাৰ পেট্ৰ'ল আমি ১০৬ টকা পৰ্যন্ত কিনিব লগা হৈছিল৷ পেট্ৰ'লৰ দাম ইমান কিয় বুলি প্ৰশ্ন উত্থাপন কৰি মহন্তই কয় যে অথচ আমাৰ চুবুৰীয়া দেশ বাংলাদেশ, শ্ৰীলংকা,পাকিস্তান আদিত পেট্ৰলৰ দাম কম ৷ ৪৫ টকাৰ পৰা ৫৫ টকাৰ ভিতৰত এক লিটাৰ তেল পোৱা যায় ৷ আমাৰ ইয়াত নোপোৱাৰ কাৰণ হৈছে যে চৰকাৰে জনসাধাৰণৰ ওপৰত অধ্যাধিক কৰৰ বোজা জাপি দিছে ৷ চৰকাৰে কাষ্টম ডিউটি, ভেট, এক্সাইজ ডিউটিৰ বাহিৰেও অন্যান্য উন্নয়নমূলক ৰোড টেক্স আদি উপ কৰ সংযোজিত কৰিছে ৷ এই কৰসমূহ সংযোজিত হোৱাৰ ফলত পেট্ৰল, ডিজেলৰ অত্যাধিক মূল্যবৃদ্ধি হোৱাৰ লগে লগে দেশৰ খাদ্য সামগ্ৰী তথা অন্যান্য সামগ্ৰীসমূহৰো দাম বৃদ্ধি হৈছে ৷ আমি বিচাৰিছো যে তেলৰ ওপৰত থকা অত্যাধিক শুল্ক প্ৰত্যাহাৰ কৰক আৰু জনসাধাৰণক সকাহ দিবলৈ দাবী জনায় ৷ 

ইউনিয়নৰ সভাপতিগৰাকীয়ে আৰু কয় যে বৰ্তমানৰ পৰিস্থিতিত গোষ্ঠীগত সংঘৰ্ষ, সাম্প্ৰদায়িক মেৰুবিভাজনৰ মাজেৰে শ্ৰমিক ঐক্যক বিনষ্ট কৰাৰ বাবে আমাৰ দেশৰ শাসক সকলে বাট মুকলি কৰিলেও শ্ৰমিক সকলৰ মাজত তেনে প্ৰতিকুলতা অদ্যাপি গঢ় লৈ উঠা নাই ৷ শাসক পক্ষকৰ এনে ষড়যন্ত্ৰক সাংস্কৃতিকভাৱেও প্ৰতিৰোধৰ ব্যস্থা কৰা হৈছে ইয়াত ৷ সন্মিলনত বিহু নৃত্য,বাগৰুম্বাকে আদি কৰি জনগোষ্ঠীয় সাংস্কৃতিক অনুষ্ঠানে পৰিৱেশ সলনি কৰি দিছে বুলিও মত পোষণ কৰে ৷ তেওঁ লগতে কয় যে ইউনিয়নে অন্যান্য শক্তি সমুহৰ লগত ঐক্যবদ্ধভাৱে শাসক পক্ষৰ এনেবোৰ কাৰ্যৰ বিৰুদ্ধে দীৰ্ঘম্যাদী আন্দোলনৰ কাৰণে প্ৰস্তুত হৈছে ৷ ইপিনে পেট্ৰোলিয়াম মজদুৰসকলে ছয় বছৰ ধৰি আন্দোলন কৰি তেওঁলোকৰ নুন্যতম মজুৰি ২১ হেজাৰ টকা ধাৰ্য কৰিব লাগে বুলি দাবী উত্থাপন কৰে ৷ উল্লেখ্য যে প্ৰতি তিনি বছৰৰ মুৰে মুৰে সংগঠনটোৰ অধিৱেশন অনুষ্ঠিত হৈ আহিলেও 'কা' আন্দোলন তথা ক'ভিড পৰিস্থিতিৰ বাবে সন্মিলন অনুষ্ঠিত কৰিব পৰা নাছিল যদিও এইবাৰ ১৬ সংখ্যক সন্মিলন অনুষ্ঠিত হৈছে ৷ তেওঁ প্ৰকাশ কৰা মতে এই সন্মিলনত তেওঁলোকৰ বিভিন্ন বিষয় আলোচনা কৰা হ'ব ৷ লগতে এটা গুৰুত্বপূৰ্ণ সিদ্ধান্ত গ্ৰহণ কৰা হ'ব বুলি কৈ সভাপতিগৰাকীয়ে কয় যে বৰ্তমানৰ ইউনিয়নটো 'উত্তৰ পূৰ্বাঞ্চল পেট্ৰোলিয়াম মজদুৰ ইউনিয়ন ' নামেৰে নতুনকৈ পুনৰ গঠন কৰা হ'ব বুলিও কয় ৷ ইয়াৰ জৰিয়তে উত্তৰ পূৰ্বাঞ্চলৰ আটাইকেইখন ৰাজ্যতে যাতে সন্মিলীভাৱে ইউনিয়নৰ কৰ্মীসকলক সুৰক্ষা প্ৰদান কৰিব পৰা যায় তাৰ কাৰণে এই ব্যৱস্থাটো সন্মিলনত কৰা হ'ব বুলিও কয় ৷ ঢালিগাঁও তৈল আৰু ঢালিগাঁও এল পি জি শাখাৰ উদ্যোগত অনুষ্ঠিত সাধাৰণ সন্মিলনত বিভিন্ন শাখাৰ প্ৰতিনিধিয়ে অংশগ্ৰহণ কৰে ৷🔯