🔯বঙাইগাঁও মহাবিদ্যালয়ৰ ৫৬ সংখ্যক বাৰ্ষিক উৎসৱ🔯

🔯বঙাইগাঁও মহাবিদ্যালয়ৰ ৫৬ সংখ্যক বাৰ্ষিক উৎসৱ🔯

🔯উলিয়ালে বৰ্ণিল সাংস্কৃতিক শোভাযাত্ৰা🔯

📝বঙাইগাঁওঃ ১১ জুন: বঙাইগাঁও মহাবিদ্যালয়ৰ ৫৬ সংখ্যক বাৰ্ষিক উৎসৱৰ সামৰণি অনুষ্ঠানৰ লগত সংগতি ৰাখি শনিবাৰে মহাবিদ্যালয়খনৰ বিভিন্ন বিভাগৰ উদ্যোগত এক বৰ্ণিল সাংস্কৃতিক শোভাযাত্ৰা উলিওৱা হয়৷ বঙাইগাঁও মহাবিদ্যালয়ৰ চৌহদৰ পৰা উলিওৱা বৰ্ণিল সাংস্কৃতিক শোভাযাত্ৰাত মহাবিদ্যালয়খনৰ তেৰটাকৈ বিভাগে অংশগ্ৰহণ কৰে ৷ বিভিন্ন বিভাগৰ ছাত্ৰ- ছাত্ৰী সকলে দলীয়ভাৱে এই সাংস্কৃতিক শোভাযাত্ৰাত অংশ গ্ৰহণ কৰি অসমৰ বিভিন্ন জাতি- জনগোষ্ঠীৰ কলা- কৃষ্টিসমূহ উপস্থাপন কৰে ৷ ইপিনে শোভাযাত্ৰাত অংশ গ্ৰহণ কৰা প্ৰতিটো বিভাগৰ  দলৰ মাজত প্ৰতিযোগিতা অনুষ্ঠিত কৰি পুৰস্কাৰ প্ৰদান কৰা হ’ব বুলি মহাবিদ্যালয়ৰ অধ্যক্ষ ড: দীনেশ দাসে প্ৰকাশ কৰে ৷ লগতে অধ্যক্ষগৰাকীয়ে কয় যে এই সাংস্কৃতিক শোভাযাত্ৰা আয়োজনৰ মূল লক্ষ্যই হৈছে বিভিন্ন জাতি - জনগোষ্ঠীৰ মাজত যাতে ভাতৃত্ববোধ, একতা বজাই ৰাখিব পৰা যায় ৷ কাৰণ বঙাইগাঁও মহাবিদ্যালয়ত বিভিন্ন জাতি- জনগোষ্ঠীৰ ল'ৰা - ছোৱালীয়ে অধ্যয়ন কৰি আছে আৰু ইয়াত যাতে আমি এটা সমন্বয় গঢ়িব পাৰো বা ৰাইজৰ মাজলৈ যাতে এটা সমন্বয়ৰ বাৰ্তা প্ৰেৰণ কৰিব পাৰো তাৰ উদ্দেশ্যে এই শোভাযাত্ৰাৰ আয়োজন কৰিছো ৷

ইপিনে মহাবিদ্যালয়খনৰ সহযোগী অধ্যাপিকা ডঃ ৰূপাঞ্জলি দেৱীয়ে কয় যে সংস্কৃতি এক বোঁৱতি নৈ ৷ আমি সংস্কৃতি সংৰক্ষণ আৰু হস্তান্তকৰণ সহপাঠ্যাক্ৰমৰ জৰিয়তে কৰিছো ৷ ছাত্ৰ - ছাত্ৰীসকলেও সক্ৰিয় আৰু অতি স্বতঃস্ফূতভাৱে যোগদান কৰিছে ৷  লগতে আমাৰ জন জীৱনৰ যিমানবোৰ কৃষ্টি সেইবোৰ প্ৰদৰ্শন কৰিছে ৷ প্ৰতিটো বিভাগে একোটা বিষয় বাচি লৈ সাংস্কৃতিক শোভাযাত্ৰাত অংশগ্ৰহণ কৰিছে বুলিও কয় ৷