🔯চিৰাঙৰ বিজনীত অসম প্ৰদেশ তৃণমূল কংগ্ৰেছৰ সভাপতি ৰিপুণ বৰাৰ সংবাদমেল🔯

🔯চিৰাঙৰ বিজনীত অসম প্ৰদেশ তৃণমূল কংগ্ৰেছৰ সভাপতি ৰিপুণ বৰাৰ সংবাদমেল🔯

🔯তৃণমূল কংগ্ৰেছক শক্তিশালী কৰাৰ প্ৰচেষ্টা🔯

🔯বিটিচি তৃণমূল কংগ্ৰেছ সমন্বয়ৰক্ষী সমিতি গঠন🔯

📝বিজনীঃ ১২ জুনঃ সাম্প্ৰতিক সময়ত অসমত মমতা বেনাৰ্জী নেতৃত্বাধীন তৃণমূল কংগ্ৰেছে সাংগঠনিক তৎপৰতা চলাই থকাৰ মাজতে আজি অসম প্ৰদেশ তৃণমূল কংগ্ৰেছে বিটিচিৰ কেইবা ঠাইত ৰাইজৰ সৈতে মত বিনিময় কৰে ৷ দলটোৰ ৰাজ্যিক সভাপতি ৰিপুণ বৰাৰ নেতৃত্বত আজি দলটোৱে গোসাইগাঁও, কোকৰাঝাৰ ভ্ৰমণ কৰি চিৰাঙৰ বিজনীত উপস্থিত হয় ৷ ইপিনে সন্ধিয়া চিৰাং জিলাৰ বিজনীৰ সমন্বয় হোটেলৰ প্ৰেক্ষাগৃহত চিৰাং জিলা তৃণমূল কংগ্ৰেছৰ উদ্যোগত এক সংবাদমেলৰ আয়োজন কৰে ৷  উক্ত সংবাদ মেলত অসম প্ৰদেশ তৃণমূল কংগ্ৰেছৰ সভাপতি ৰিপুণ বৰা উপস্থিত থাকি সংবাদমেল সম্বোধন কৰে। সংবাদমেলত তৃণমূল কংগ্ৰেছৰ ভেটি শক্তিশালী কৰাৰ বাবে যাত্ৰা আৰম্ভ কৰাৰ কথা ঘোষণা কৰে সভাপতি ৰিপুণ বৰাই।বিটিচিৰ পাঁচখন জিলাত তৃণমূল কংগ্ৰেছৰ জিলা সমিতি গঠন কৰাৰ লগতে পাঁচখন জিলা মিলি এখন শক্তিশালী সমন্বয়ৰক্ষী সমিতি গঠন কৰাৰ কথা ঘোষণা কৰে সভাপতি গৰাকীয়ে। এই সমন্বয়ৰক্ষী সমিতিত লাইফুং নাৰ্জাৰী নামৰ এজন নেতাক মুখ্য সমন্বয়ক হিচাপে লৈ এই সমিতি গঠন কৰা হৈছে বুলি উল্লেখ কৰে ৷ আগন্তক ২০২৪ চনত লোকসভা নিৰ্বাচন আৰু ২০২৩ চনত অনুষ্ঠিত হবলগীয়া পঞ্চায়ত নিৰ্বাচনত প্ৰাৰ্থী নিক্ষেপ কৰাৰ বাবে তৃণমূল কংগ্ৰেছৰ সাংগঠনিক ব্যৱস্থা শক্তিশালী কৰি তোলা হৈছে বুলিও সভাপতি ৰিপুণ বৰাই প্ৰকাশ কৰে ৷ সংবাদ মেলত চিৰাং জিলা তৃণমূল কংগ্ৰেছৰ আহ্বায়ক অনিৰ্বাণ সেনসহ কেবাজনো নেতা উপস্থিত থাকে ৷🔯