🔯বঙাইগাঁৱত প্ৰতিৱেশীৰ আতিশয্যাৰ বলী হৈ মহিলাৰ আত্মহননৰ অভিযোগ🔯

🔯বঙাইগাঁৱত প্ৰতিৱেশীৰ আতিশয্যাৰ বলী হৈ মহিলাৰ আত্মহননৰ অভিযোগ🔯

🔯অভিযুক্তৰ বাসগৃহ ঘেৰাও ক্ষুব্ধ ৰাইজৰঃ মহিলা সহ আটক দুই🔯 

 

📝বঙাইগাঁওঃ ১১ জুন: বঙাইগাঁও চহৰৰ উত্তৰ বঙাইগাঁও আৰক্ষী পহৰা চকীৰ অন্তৰ্গত ৮ নম্বৰ ৱাৰ্ডৰ শালবাগানত শুকুৰবাৰে নিশা মহিলা এগৰাকীৰ মৃত্যুৰ ঘটনাক কেন্দ্ৰ কৰি অঞ্চলটোত উত্তেজনাময় পৰিৱেশৰ সৃষ্টি হয় ৷ সন্ধিয়া নিজ গৃহৰ বাথৰুমত অগ্নিদগ্ধ অৱস্থাত উদ্ধাৰ হৈছিল মহিলাগৰাকী ৷ অগ্নিদগ্ধ হৈ মৃত্যু হোৱা মহিলা  গৰাকী হ'ল ৰত্না মহন্ত ( ৪৮) ৷ প্ৰাপ্ত বাতৰি মতে শালবাগানৰ ধ্ৰুৱ মহন্তৰ পত্নী ৰত্না মহন্তক  শুকুৰবাৰে বাথৰুমত অগ্নিদগ্ধ অৱস্থাত উদ্ধাৰ কৰা হৈছিল ৷ সন্ধিয়া ৬:৩০ মান বজাত সংঘটিত হৈছিল এই ঘটনাটো ৷ অগ্নিদগ্ধ মহিলাগৰাকীক পিচত স্থানীয় ৰাইজৰ সহযোগত চিকিৎসাৰ বাবে বঙাইগাঁও অসামৰিক চিকিৎসালয়লৈ নিয়া হয় ৷ কিন্তু অগ্নিদগ্ধ ৰত্না মহন্তৰ স্বাস্থ্যৰ অধিক অৱনতি ঘটাত উন্নত চিকিৎসাৰ বাবে বৰপেটাৰ ফকৰুদ্দিন আলী আহমেদ মেডিকেল কলেজ হাস্পতাললৈ প্ৰেৰণ কৰে ৷ পিচত বৰপেটালৈ  নিয়াৰ পথত আদবাটতে ৰত্না মহন্তই মৃত্যুক সাৱটি লয় ৷ ইপিনে মহিলাগৰাকীৰ মৃত্যুৰ খবৰ পোৱাৰ লগে লগে স্থানীয় ৰাইজ উত্তেজিত হৈ পৰে আৰু নিশাই  মহিলা গৰাকীৰ প্ৰতিৱেশী হৰিভক্ত ঘোষৰ ঘৰ ঘেৰাও কৰি উত্তপ্ত পৰিস্থিতিৰ সৃষ্টি কৰে ৷ উল্লেখ্য যে স্থানীয় ৰাইজ তথা মহিলা গৰাকীৰ পৰিয়ালৰ লোকে অভিযোগ কৰা মতে প্ৰতিৱেশী হৰিভক্ত ঘোষৰ পৰিয়ালটোৱে দীৰ্ঘদিন ধৰি এই পৰিয়ালটোক মানসিক আতিশয্যা চলাই আহিছিল ৷ ভূমি সংক্ৰান্তীয় বিষয়ত পৰিয়ালটোৱে দীৰ্ঘদিন ধৰি মানসিক নিৰ্যাতনৰ বলী হৈ আহিছিল ৷ হৰিভক্ত ঘোষৰ লগতে তেওঁৰ পত্নী আৰু দুই পুত্ৰ ক্ৰমে অভি ঘোষ আৰু গোপাল ঘোষে ধৰি গোটেই পৰিয়ালটোৱেই চলাইছিল এই মানসিক নিৰ্যাতন ৷ ইপিনে শুকুৰবাৰেও হৰিভক্ত ঘোষৰ পৰিয়ালটোৱে মহিলা গৰাকীক সন্মান হানিকৰ মন্তব্য কৰাৰ লগতে অবাইচ গালি -গালাজ পাৰিছিল ৷ আনকি প্ৰায়ে হৰিভক্ত ঘোষৰ পৰিয়ালটোৱে তান্ত্ৰিক মাতি আনি নিজ গৃহত পূজা পাতল কৰি অহা বুলিও অভিযোগ কৰে স্থানীয় ৰাইজ আৰু মৃত মহিলাগৰাকীৰ কন্যাই ৷ শুকুৰবাৰেও এজন তান্ত্ৰিকে এই পৰিয়ালটোক খতম কৰি দিয়াৰ ভাবুকি প্ৰদান কৰা বুলিও অভিযোগ উঠিছে ৷ হৰিভক্তৰ পৰিয়ালটোৰ এনে আতিশয্যা সহ্য কৰিব নোৱাৰি মহিলা গৰাকীয়ে নিজৰ গাত কেৰাচি ঢালি আত্মহত্যাৰ পথ বাছি লোৱা বুলি অভিযোগ উত্থাপিত কৰিছে  ৷ মহিলা গৰাকীৰ মৃত্যুৰ পিছতে স্থানীয় ৰাইজ উত্তেজিত হৈ হৰিভক্ত ঘোষৰ ঘৰ ঘেৰাও কৰি এক উত্তেজনাময় পৰিস্থিতিৰ সৃষ্টি কৰে যদিও ঘটনা স্থলীত আৰক্ষী উপস্থিত হৈ পৰিস্থিতি নিয়ন্ত্ৰণ কৰে ৷ লগতে সোধ -পোছৰ কাৰণে হৰিভক্ত ঘোষ আৰু তেওঁৰ পত্নীক আৰক্ষীয়ে আটক কৰি লৈ যায় যদিও বৰ্তমান এই দুয়োজনকে চিকিৎসালয়লৈ প্ৰেৰণ কৰে আৰক্ষীয়ে ৷ ইপিনে এই পৰিয়ালটোক মানসিক নিৰ্যাতন চলোৱা আন দুই অভিযুক্ত হৰিভক্ত ঘোষৰ দুই পুত্ৰ ক্ৰমে গোপাল ঘোষ আৰু অভি ঘোষ বৰ্তমান লৈকে পলাতক অবস্থাত থকা বুলি জানিব পৰা গৈছে ৷ স্থানীয় ৰাইজে মহিলা গৰাকীক আত্মহত্যাৰ পথ বাছি ল'বলৈ বাধ্য কৰা মূল দোষী সকলক গ্ৰেপ্তাৰ কৰি কঠোৰ শাস্তি বিহাৰ দাবী জনাইছে ৷ উল্লেখ্য যে বাৰভাজা বিক্ৰী কৰি পৰিয়াল চলোৱা ধ্ৰৱ মহন্তৰ একমাত্ৰ কন্যাগৰাকী গাইড স্বৰূপ মাতৃৰ অকাল মৃত্যুৰ শোকত ভাগি পৰিছে৷ দশম শ্ৰেণীত অধ্যয়ন কৰা দুহিতাই মেট্ৰিক পৰীক্ষাৰ পিছত কটন বিশ্ববিদ্যালয়ত অধ্যয়ন কৰি প্ৰফেছৰ হোৱাৰ সপোন অকালতে মৰহি যাব বুলিও অশ্ৰুসিক্ত নয়নেৰে প্ৰকাশ কৰিছে ৷🔯