🔯নিউ বঙাইগাঁও ৰে’লৱে আৰক্ষীৰ অভিযানঃ ড্ৰাগছ সহ আটক এজন🔯

🔯নিউ বঙাইগাঁও ৰে’লৱে আৰক্ষীৰ অভিযানঃ ড্ৰাগছ সহ আটক এজন🔯

📝বঙাইগাঁওঃ ২৪ জুন: বঙাইগাঁৱৰ নিউ বঙাইগাঁও ৰে’লৱে আৰক্ষীয়ে (জিআৰপিএফ) এক গোপন সূত্ৰৰ পমখেদি শুকুৰবাৰে নামনিমুৱা আৰনৈ এক্সপ্ৰেছত অভিযান চলাই ড্ৰাগছসহ এজন যুৱকক আটক কৰে ৷ আটক কৰা যুৱকজন ফিজাৰুল হক ৷ নিউ বঙাইগাঁও ৰে'লৱে আৰক্ষীয়ে জানিবলৈ দিয়া মতে আগতিয়াকৈ লাভ কৰা এক গোপন সূত্ৰৰ ভিত্তিত শুকুৰবাৰে আৰক্ষীৰ এটা দলে ৰঙিয়া ৰে'ল জংচনলৈ গৈ তাৰ পৰা নামনিমুৱা আৰনৈ এক্সপ্ৰেছত উঠি ড্ৰাগছৰ সন্ধানত তালাচী চলাই আহি থাকে ৷ 

ইয়াৰ মাজতে এটা ডবাত এজন যুৱকৰ ওপৰত সন্দেহ ওপজাত যুৱকজনৰ বেগত তালাচী চলোৱাত কেইবাটাও চাবোন কেছ প্ৰত্যক্ষ কৰি চাবোন কেছকেইটা খুলি চোৱাত ভিতৰত ড্ৰাগছ উদ্ধাৰ কৰে ৷ পিচত ৰে'লৱে আৰক্ষীয়ে ড্ৰাগছসহ যুৱকজনক নিউ বঙাইগাঁও ৰে'লৱে জংচনত নমায় ৷ ধৃত যুৱকজনে আৰক্ষীৰ সোধপোছত ড্ৰাগছখিনি নগাঁৱৰ পৰা অনা বুলি কৈ কেৰলালৈ যাব বুলি জানিবলৈ দিয়া বুলি কয় ৷ উল্লেখ্য যে ধৃত যুৱকজনৰ লগত আৰু এজন যুৱক আছিল যদিও ৰে'লৱে আৰক্ষীৰ দলক দেখি পলায়ণ কৰে ৷ উদ্ধাৰ কৰা ড্ৰাগছখিনিৰ পৰিমাণ ৬০ গ্ৰাম বুলিও আৰক্ষীয়ে জানিব দিয়ে ৷ আৰক্ষীয়ে যুৱকজনে ব্যৱহাৰ কৰা এটা মোবাইলো জব্দ কৰে ৷🔯