🔯কবিৰ জন্মদিন উপলক্ষে বঙাইগাঁৱত কবি সন্মিলন🔯

🔯কবিৰ জন্মদিন উপলক্ষে বঙাইগাঁৱত কবি সন্মিলন🔯

🔯দুকুৰি কবিৰ কবিতাৰ বৰষুণত জীপাল ৰামধেনুৰ বাকৰি🔯 

📝বঙাইগাঁওঃ ৩০ জুন: কবি, সাহিত্যিক, শিক্ষাবিদ ড০ মৰমী বৰঠাকুৰ তালুকদাৰৰ ওপজা দিন উপলক্ষে 'অসম বহুভাষিক কবি সন্মিলন'ৰ উদ্যোগত বঙাইগাঁৱৰ 'ৰামধেনু ধাবা'ত  বুধবাৰৰ বিয়লি এখন বহুভাষিক কবি সন্মিলন অনুষ্ঠিত কৰা হয়। ইয়াৰ পূৰ্বে বঙাইগাঁৱত অনুষ্ঠিত হৈ যোৱা অসম বহুভাষিক কবি সন্মিলনৰ বাৰ্ষিক অধিৱেশনৰ অভ্যৰ্থনা সমিতিৰ এখন সভা অনুষ্ঠিত হয় ৷ অভ্যৰ্থনা সমিতিৰ সভাপতি কাজী শ্বমীমৰ সভাপতিত্বত বহা সভাখনত সম্পাদক শৈলেন্দ্ৰ প্ৰসাদ শৰ্মাই সভাৰ উদ্দেশ্যে ব্যাখ্যা কৰে ৷ আনহাতে কোষাধ্যক্ষ অপূৰ্ব গোস্বামীয়ে অধিৱেশনৰ হিচাপ নিকাচৰ প্ৰতিবেদন দাখিল কৰাৰ পিচত সভাই প্ৰতিবেদনখন সৰ্বসন্মতিক্ৰমে গ্ৰহণ কৰে আৰু  সভাপতিয়ে সভাখন ভংগ কৰাৰ লগে লগে অভ্যৰ্থনা সমিতিখনো ভংগ হয় ৷ 

ইয়াৰ পিছতে 'ৰামধেনু ধাবাৰ' স্বত্বাধীকাৰী মৃণাল সিংহই, কবিৰ ওপজা দিন উপলক্ষে ৰং বিৰঙেৰে সজাই তোলা এটি ডাঙৰ কোঠালৈ ড০ মৰমী বৰঠাকুৰ তালুকদাৰ, তেখেতৰ স্বামী আৰু পুত্ৰক আদৰণি জনোৱা হয়। লগতে অৰ্ধশতাধিক কবি শুভাকাংক্ষীয়ে অসম বহুভাষিক কবি সন্মিলনে উপহাৰ হিচাপে অনা কেক কাটি জন্মদিন উদযাপন কৰে। অনুষ্ঠানত ৰাণী দেৱী আৰু হৰি প্ৰসাদ নাথে গীত পৰিৱেশন কৰে। সকলোৱে তেখেতক আন্তৰিকতাৰে শুভেচ্ছা জনায় আৰু সুস্বাস্থ্যৰ লগতে দীৰ্ঘায়ু কামনা কৰে। অনুষ্ঠানৰ লগত সংগতি ৰাখি এখন বহুভাষিক কবি সন্মিলন অনুষ্ঠিত কৰা হয়। অসম বহুভাষিক কবি সন্মিলনৰ প্ৰধান সম্পাদক শৈলেন্দ্ৰ প্ৰসাদ শৰ্মাই আঁত ধৰা কবি সন্মিলনখন উদ্বোধন কৰে অসম বহুভাষিক কবি সন্মিলনৰ উপদেষ্টা বিচিত্র শৰ্মাই। সঞ্চালনা কৰে অসম বহুভাষিক কবি সন্মিলনৰ কাৰ্যকৰী সভাপতিদ্বয় ক্ৰমে ড০ মৰমী বৰঠাকুৰ তালুকদাৰ আৰু কাজী শ্বমীমে। কবি সন্মিলনত দুকুৰি কবিয়ে অসমীয়া, বাংলা, হিন্দী আৰু ইংৰাজী ভাষাত দুকুৰি কবিৰ কবিতাৰ বৰষুণত জীপাল ৰামধেনু ধাবাৰ বাকৰি ৷🔯