🔯বঙাইগাঁও জিলা নিখিল ৰাভা ছাত্ৰ সন্থাৰ উদ্যোগত শংকৰঘোলাত কলাগুৰু বিষ্ণু প্ৰসাদ ৰাভাৰ স্মৃতি দিৱস পালন🔯

🔯বঙাইগাঁও জিলা নিখিল ৰাভা ছাত্ৰ সন্থাৰ উদ্যোগত শংকৰঘোলাত কলাগুৰু বিষ্ণু প্ৰসাদ ৰাভাৰ স্মৃতি দিৱস পালন🔯

🔯কৃতি ছাত্ৰ-ছাত্ৰীক সম্বৰ্ধনা🔯

📝বঙাইগাঁওঃ ২০ জুনঃ নিখিল ৰাভা ছাত্ৰ সন্থাৰ বঙাইগাঁও জিলা সমিতি আৰু শংকৰঘোলা আঞ্চলিক সমিতিৰ যৌথ উদ্যোগত তথা স্থানীয় ৰাইজৰ সহযোগত বঙাইগাঁও জিলাৰ ঐতিহাসিক  ভৈৰৱচূড়া পাহাৰৰ নামনিৰ ১২৫ নম্বৰ শংকৰঘোলা প্ৰাথমিক বিদ্যালয় প্ৰাংগণত সোমবাৰে কলাগুৰু বিষ্ণু প্ৰসাদ ৰাভাৰ স্মৃতি দিৱস উদযাপন কৰা হয়৷ এদিনীয়া বৰ্ণাঢ্য  কাৰ্যসূচীৰে অনুষ্ঠিত ' বিষ্ণু ৰাভা দিৱসৰ কাৰ্যসূচী অনুসৰি নিখিল ৰাভা ছাত্ৰ সন্থাৰ বঙাইগাঁও জিলা সমিতিৰ সভাপতি প্ৰমোদ চন্দ্ৰ ৰাভাই পুৱা পতাকা উত্তোলন উত্তোলন কৰাৰ বিপৰীতে বঙাইগাঁও জিলা ৰাভা সাংস্কৃতিক প্ৰকল্প আৰু গৱেষণা কেন্দ্ৰৰ সভাপতি ভৱেশ্বৰ ৰাভাই স্মৃতি তর্পন কৰে৷ আনহাতে শংকৰঘোলা মধ্য ইংৰাজী বিদ্যালয়ৰ প্রধান শিক্ষক বলোৰাম ৰাভাই কলাগুৰুৰ প্ৰতিচ্ছবিত মাল্যার্পন' কৰাৰ বিপৰীতে ১২৫ নম্বৰ শংকৰঘোলা প্ৰাথমিক বিদ্যালয়ৰ প্ৰধান শিক্ষক হিমাংশু দাসে গছপুলি ৰোপণ কাৰ্যসূচী ৰূপায়ণ কৰে৷ ইয়াৰ পিছতে নিখিল ৰাভা সাহিত্য সভাৰ বঙাইগাঁও জিলা সমিতিৰ সম্পাদক দিলীপ ৰাভা আৰু সদৌ ৰাভা কৃষ্টি সন্মিলনৰ বঙাইগাঁও জিলা সমিতিৰ সম্পাদক দ্বীজেন ৰাভাৰ দ্বৈত পৰিচালনাত অনুষ্ঠিত হয় ছাত্র-ছাত্ৰী সকলৰ মাজত প্ৰতিযোগিতা মূলক অনুষ্ঠান। বিয়লিৰ ভাগত অনুষ্ঠিত হয় মুকলি সভা আৰু ২০২২ বৰ্ষৰ হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ হোৱা ৰাভা জনগোষ্ঠীৰ ছাত্ৰ-ছাত্ৰী সকলক ৰাজহুৱা ভাৱে সম্বৰ্দ্ধনা অনুষ্ঠান ৷ নিখিল ৰাভা ছাত্ৰ সন্থাৰ বঙাইগাঁও জিলা সমিতিৰ সভাপতি প্ৰমোদ চন্দ্ৰ ৰাভাৰ পৌৰহিত্যত অনুষ্ঠিত সভাত নিখিল ৰাভা ছাত্ৰ সন্থাৰ বঙাইগাঁও জিলা সমিতিৰ উপদেষ্টা তথা বঙাইগাওঁ মহকুমা জনজাতি কল্যাণ বোর্ডৰ অধ্যক্ষ মাখন চন্দ্ৰ ৰাভাই মুকলি সভা উদ্বোধন কৰে ৷ উল্লেখ্য যে  সভাত অসম সাহিত্য সভাৰ কেন্দ্ৰীয় কার্যনির্বাহক সদস্য কামাখ্যা প্ৰসাদ ৰায়,নিখিল ৰাভা ৰাভা সাহিত্য সভাৰ উপদেষ্টা ফুলেন চন্দ্ৰ ৰাভা, বঙাইগাঁও জিলা ট্রাইবেল সংঘৰ সম্পাদক চবিন ৰাভা, বঙাইগাঁও জিলা ৰাভা সাংস্কৃতিক প্ৰকল্প আৰু গৱেষণা কেন্দ্ৰৰ সম্পাদক চাবেন ৰাভা আদিয়ে আমন্ত্রিত অতিথি হিচাপে উপস্থিত থাকে ৷ অনুষ্ঠানত হাইস্কুল শিক্ষান্ত  পৰীক্ষাত  সুখ্যাতিৰে উত্তীৰ্ণ হোৱা ছাত্ৰ-ছাত্ৰী ক্ৰমে  ভনীতা ৰাভা, সুকুমাৰ ৰাভা,ছালিন কাৰ্তিক ৰাভা, অমৃত ৰাভা আৰু কৰবী ৰাভাক ৰাজহুৱা ভাৱে সম্বৰ্দ্ধনা জনোৱা হয়৷🔯