🔯বঙাইগাঁৱত অভিভাৱক মন্ত্ৰী ৰণজিৎ কুমাৰ দাসৰ বান পৰিদৰ্শন🔯

🔯বঙাইগাঁৱত অভিভাৱক মন্ত্ৰী ৰণজিৎ কুমাৰ দাসৰ বান পৰিদৰ্শন🔯

🔯বানৰ কবলত আছে জিলাখনৰ মুঠ ১৬৭ খন গাঁও🔯

📝বঙাইগাঁওঃ ২১জুনঃ  বঙাইগাঁও জিলাৰ বান পৰিস্থিতি প্ৰত্যক্ষ কৰি বুজ লোৱাৰ বাবে জিলাখনত মঙলবাৰে পুৱাৰ ভাগতে উপস্থিত হয় খাদ্য,অসামৰিক যোগান আৰু উপভোক্তা পৰিক্ৰমা বিভাগ তথা জিলাখনৰ অভিভাৱক মন্ত্ৰী ৰণজিৎ  কুমাৰ দাস। মন্ত্ৰীগৰাকীয়ে জিলাখনৰ যোগীঘোপা, মালেগড়, পাচনীয়া আদি ঠাইৰ বানাক্ৰান্ত এলেকা, গৰাখহনীয়া, ঘৰ বাৰী ক্ষতিগ্ৰস্থ অঞ্চল পৰিদৰ্শন কৰে আৰু বন্যাৰ্তৰ সৈতেও কথা পাতে। মন্ত্ৰীগৰাকীয়ে কয় যে বঙাইগাঁও জিলাত ১ লাখ ৬০ হেজাৰতকৈ অধিক লোক বানৰ কবলত পৰিছে ৷ তেওঁ বানাক্ৰান্ত অঞ্চচল পৰিদৰ্শন কৰা কালত ৰিলিফ কেম্পলৈও যোৱা বুলি কৈ চৰকাৰী যি খাদ্য সামগ্ৰী সেয়া তেওঁলোকে লাভ কৰা বুলি জানিবলৈ দিয়া বুলি কয় ৷ লগতে ৰিলিফ কেম্পসমূহৰ লোকসকলে শিশু খাদ্য পৰ্যন্ত পোৱা বুলিও কয় ৷ তেওঁ বন্যাৰ্তসকলক  চৰকাৰে সহায়-সাহায্য আগবঢ়াই আছে আৰু আগলৈও সাহায্য আগবঢ়াই যাব বুলি কৈ চৰকাৰ সদায় ৰাইজৰ লগত আছে আৰু থাকিব বুলিও কয়। তেওঁ লগতে কয় যে তেওঁ নিজেও নিজৰ সমষ্টিৰ উপৰি নিজৰ দায়িত্বত থকা জিলাসমূহ ভ্ৰমণ কৰি বন্যাৰ্তৰ অৱস্থাৰ বুজ লৈছে আৰু সেইমতে উপায়ুক্তসকলৰ জৰিয়তে বন্যাৰ্তক সহায় কৰি আছে৷ আনহাতে মালেগড়ৰ গোবিন্দপুৰ অঞ্চলত বানে যি তাণ্ডৱ চলালে সেয়া প্ৰতিৰোধৰ বাবে ৰাইজে এটা মথাউৰি বিচৰাত মন্ত্ৰীগৰাকীয়ে জিলা উপায়ুক্তক উক্ত স্থানত জল সম্পদ বিভাগৰ যদি মথাউৰি নিৰ্মাণৰ সম্ভৱ হয়, তেতিয়াহলে প্ৰতিবেদন প্ৰস্তুত কৰি প্ৰেৰণ কৰিবলৈ নিৰ্দেশ দিয়া বুলি কয় ৷ আনহাতে বানৰ ফলত ক্ষতিগ্ৰস্থ যি ২০ ঘৰ লোক আছে তেওঁলোকক যদি চৰকাৰী খাচ মাটি আছে তেতিয়াহলে সেই মাটি আৱণ্টন দিবলৈকো জিলা উপায়ুক্তগৰাকীক কোৱা বুলি কয় ৷ 

সেইদৰে ওচৰত থকা মহামায়া মন্দিৰটো যদিও পাহাৰত আছে ইতিমধ্যে খহনীয়াত পৰাত আগন্তুক দিনত যাৱতীয় ব্যৱস্থা গ্ৰহণ কৰিব বুলি কয় মন্ত্ৰীগৰাকীয়ে ৷ তেওঁ বন্যাৰ্তসকলক  চৰকাৰে সহায়-সাহায্য আগবঢ়াই আছে আৰু আগলৈও সাহায্য আগবঢ়াই যাব। চৰকাৰ সদায় ৰাইজৰ লগত আছে আৰু থাকিব। তেওঁ কয় যে তেওঁ নিজেও নিজৰ সমষ্টিৰ উপৰি নিজৰ দায়িত্বত থকা জিলাসমূহ ভ্ৰমণ কৰি বন্যাৰ্তৰ অৱস্থাৰ বুজ লৈছে আৰু সেইমতে উপায়ুক্তসকলৰ জৰিয়তে বন্যাৰ্তক সহায় কৰি আছে ৷ মন্ত্ৰীগৰাকীক বানাক্ৰান্ত এলেকা পৰিদৰ্শন কালত জিলা উপায়ুক্ত নবদ্বীপ পাঠক, অতিৰিক্ত উপায়ুক্ত তথা উত্তৰ শালমাৰা মহকুমাৰ মহকুমাধিপতি (ভাৰপ্ৰাপ্ত) পাৰ্থসাৰথি জহৰী আৰু সৃজনগ্ৰাম ৰাজহ চক্ৰৰ চক্ৰ বিষয়া পল্লৱজ্যোতি নাথে সংগ দিয়ে ৷ ইপিনে জিলাখনৰ বান পৰিস্থিতি মঙলবাৰেও অপৰিৱৰ্তিত হৈ আছে ৷ জিলাখনৰ সৃজনগ্ৰাম ৰাজহ চক্ৰৰ অন্তৰ্গত অঞ্চল সবাতকৈ অধিক বানৰ কবলত পৰিছে ৷ ৰাজহ চক্ৰটোৰ অন্তৰ্গত ১০৯ খন গাঁও বৰ্তমানো বানৰ কবলত আছে ৷ আনহাতে বইটামাৰী ৰাজহ চক্ৰৰ ৫৬ খন গাঁও আৰু মাণিকপুৰ ৰাজহ চক্ৰৰ ২ খন গাওঁকে ধৰি জিলাখনৰ মুঠ ১৬৭ খন গাঁও বানৰ কবলত আছে ৷ ফলত বানত আক্ৰান্ত হৈছে শিশু, মহিলাকে ধৰি ২,৩৬,০৭০ গৰাকী লোক ৷ ইয়াৰ ভিতৰত কেৱল সৃজনগ্ৰাম ৰাজহ চক্ৰতে ১,৬৬,৩১৮ গৰাকী লোক বানৰ কবলত পৰিছে ৷ একেদৰে বইটামাৰী ৰাজহ চক্ৰত ৬৬,৯৭২ গৰাকী আৰু মাণিকপুৰ ৰাজহ চক্ৰত ২,৭৮০ গৰাকী লোক বানৰ কবলত পৰিছে ৷ বানৰ কবলত পৰিছে জিলাখনৰ ১৭২ হেক্টৰ কৃষিভূমি ৷ জিলাখনত ৩২ টা আশ্ৰয় শিবিৰত ৮,৭৭৬ গৰাকী লোকে আশ্ৰয় গ্ৰহণ কৰি আছে ৷🔯