🔯বিজনীৰ ১ নং ফাগুনাগাঁৱৰ বান শিবিৰ পৰিদৰ্শন কৰিলে চিপিআই ( এম) দলে🔯

🔯বিজনীৰ ১ নং ফাগুনাগাঁৱৰ বান শিবিৰ পৰিদৰ্শন কৰিলে চিপিআই ( এম) দলে🔯 

🔯চৰকাৰক গাঁওখনৰ বৰ্ধিত পানী ওলাই যোৱাৰ বাট মুকলি কৰাৰ দাবী🔯

📝বিজনীঃ ২৪ জুন: চিৰাং জিলাৰ বিজনী মহকুমাৰ অন্তৰ্গত ১ নং ফাগুনাগাঁৱৰ নিৰ্মাণৰত দ্বৈত ৰে'ল পথৰ ওপৰত থকা বান শিবিৰ চিপিআই (এম) দলৰ স্থানীয় কমিটিয়ে পৰিদৰ্শন কৰে ৷ প্ৰায় তেৰ দিন ধৰি প্ৰৱল বানত ১ নং ফাগুনাগাঁৱৰ বৰ্মন পাৰাৰ প্ৰায় এশ বিশটা পৰিয়ালে বান শিবিৰত আৱদ্ধ হৈ থাকিব লগীয়া হোৱাত আজি চিপিআই ( এম) দলটোৱে উক্ত বান শিবিৰ পৰিদৰ্শন কৰি বানাক্ৰান্তৰ পৰিস্থিতিৰ বুজ লয়। এই সংক্ৰান্তত পৰিদৰ্শন কৰা দলটোৱে শিবিৰত থকা ছাত্র-ছাত্ৰী সকলৰ পঢ়াৰ সুবিধাৰ বাবে শিবিৰত বিদ্যুতৰ ব্যৱস্থা, পৰ্যাপ্ত খাদ্য, চিকিৎসা, মহিলাৰ গা ধোৱাৰ বাবে সুব্যৱস্থা কৰাৰ দাবী উত্থাপন কৰাৰ লগতে অতিশীঘ্ৰে ৰে'ল বিভাগ অথবা জিলা প্ৰশাসনক গাঁওখনত জমা হৈ থকা পানী সমূহ উলিয়াই দিয়াৰ ব্যৱস্থা কৰিবলৈ দাবী উত্থাপন কৰে।

 ভাৰতৰ কমিউনিষ্ট পাৰ্টি (মাৰ্ক্সবাদী) বিজনী লোকেল কমিটিৰ উদ্যোগত যোৱা সজাতি দলটোত উপস্থিত থাকে ভাৰতৰ কমিউনিষ্ট পাৰ্টি (মাৰ্ক্সবাদী) ৰ অসম ৰাজ্যিক কমিটিৰ সম্পাদক মণ্ডলীৰ সদস্য গজেন বৰ্মন, ভাৰতৰ কমিউনিষ্ট পাৰ্টি (মাৰ্ক্সবাদী) ৰ বঙাইগাঁও জিলাৰ সম্পাদক পৰিমল চক্ৰৱৰ্তী জিলা কমিটিৰ সদস্য  শুভঙ্কৰ ঘোষ, ভাৰতৰ কমিউনিষ্ট পাৰ্টি (মাৰ্ক্সবাদী) ৰ বিজনী স্থানীয় কমিটিৰ সম্পাদক কামিনি ৰায় আৰু লগতে স্থানীয় সদস্য বৃন্দ।