🔯বঙাইগাঁৱৰ নয়াচাৰা বিল সংৰক্ষণৰ বাবে জিলা প্ৰশাসনৰ পদক্ষেপ🔯

🔯বঙাইগাঁৱৰ নয়াচাৰা বিল সংৰক্ষণৰ বাবে জিলা প্ৰশাসনৰ পদক্ষেপ🔯

📝বঙাইগাঁওঃ ৫ জুন: বঙাইগাঁও জিলাৰ বঙাইগাঁও ৰাজহ চক্ৰ আৰু মাণিকপুৰ ৰাজহ চক্ৰৰ অন্তৰ্গত নয়াচাৰা বিল বেদখল হৈ আছে বুলি উত্থাপিত অভিযোগৰ ভিত্তিত বঙাইগাঁও জিলাৰ উপায়ুক্তই বিশেষ পদক্ষেপ গ্ৰহণ কৰিছে। জিলা উপায়ুক্ত নবদ্বীপ পাঠকে অতিৰিক্ত উপায়ুক্ত(ৰাজহ)শ্যামল ক্ষেত্ৰ গগৈ, বঙাইগাঁও আৰু মাণিকপুৰ ৰাজহ চক্ৰৰ চক্ৰ বিষয়াদ্বয় ক্ৰমান্বয়ে ৰুণাভ ৰামছিয়াৰী আৰু ৰীতিমনি দাস, বন সংমণ্ডল বিষয়া, বন সংৰক্ষক আৰু আন আন ক্ষেত্ৰ পৰ্যায়ৰ বিষয়ববীয়াৰ উপস্থিতিত নয়াচাৰা বিলৰ সমীপত  থকা শিৱ মন্দিৰ প্ৰাংগনত যোৱা ২৮মে'ত এখন সভা পাতে। সেই সভাৰ সিদ্ধান্ত মতে বঙাইগাঁও আৰু মাণিকপুৰ ৰাজহ চক্ৰত যিমান লোকে বেদখল কৰিছে তাৰে এখন তালিকা ১২  জুনৰ  আগতে প্ৰস্তুত কৰাৰ সিদ্ধান্ত লোৱা হয় আৰু ১৫  জুনৰ ভিতৰত বন সংমণ্ডল বিষয়াৰ কাৰ্যালয়ত সংশ্লিষ্ট লোকৰ সৈতে এখন সভা অনুষ্ঠিত কৰাৰো সিদ্ধান্ত লোৱা হয়। 

১৬ জুনৰ পিছত বেদখলকাৰীৰ তালিকা প্ৰস্তুত কৰি জৰীপ আৰু সীমা নিৰ্ধাৰণ কৰাৰ বাবেও সিদ্ধান্ত লোৱা হয়। তাৰোপৰি বন সংমণ্ডল প্ৰাধিকাৰীৰ পৰা পৰ্যাপ্ত সংখ্যক চাইনবোৰ্ড লৈ বঙাইগাঁও আৰু মাণিকপুৰ ৰাজহ চক্ৰৰ চক্ৰ বিষয়াই নয়াচাৰা বিলৰ সংৰক্ষিত এলেকাত চাইনবোৰ্ডসমূহ স্থাপন কৰিব লাগিব বুলিও সিদ্ধান্ত লোৱা হৈছিল ৷ সেইমৰ্মে দেওবাৰে উক্ত চক্ৰ বিষয়াদ্বয়ে মণ্ডলসহ গৈ নয়াচাৰা বিলৰ নিৰ্ধাৰিত সীমাত সংৰক্ষিত এলেকা বুলি লিখা চাইনবোৰ্ডসমূহ স্থাপন কৰে ৷ এই চাইনবোৰ্ডসমূহ নয়াচাৰা বিল সংৰক্ষণ আৰু উন্নয়ন সমিতি আৰু বন সংমণ্ডল বিষয়াৰ সহযোগত স্থাপন কৰা হয়।🔯