🔯বঙাইগাঁও মহাবিদ্যালয়ত উচ্চতৰ মাধ্যমিক আৰু স্নাতক প্ৰথম ছেমিষ্টাৰত নামভৰ্তিৰ আসন সীমাবদ্ধ

🔯বঙাইগাঁও মহাবিদ্যালয়ত উচ্চতৰ মাধ্যমিক আৰু স্নাতক প্ৰথম ছেমিষ্টাৰত নামভৰ্তিৰ আসন সীমাবদ্ধ

🔯বঙাইগাঁও মহাবিদ্যালয়ৰ অধ্যক্ষৰ লগতে পৰিচালনা সমিতিলৈ ছাত্ৰ একতা সভাৰ স্মাৰকপত্ৰ🔯 

📝বঙাইগাঁওঃ১৬ জুলাইঃ বঙাইগাঁও মহাবিদ্যালয়ত উচ্চতৰ মাধ্যমিক প্ৰথম বৰ্ষ আৰু স্নাতক প্ৰথম বৰ্ষত ( কলা আৰু বাণিজ্য) নামভৰ্তিৰ আসন সীমাবদ্ধ কৰাৰ সিদ্ধান্তই স্থানীয় ছাত্ৰ- ছাত্ৰীক শিক্ষাৰ পৰা বঞ্চিত কৰাৰ আশংকা প্ৰকট হৈছে ৷ উল্লেখ্য যে বঙাইগাঁও মহাবিদ্যালয়ত এইবেলি উচ্চতৰ মাধ্যমিক কলা শাখাৰ প্ৰথম বৰ্ষত ৩০০ খন আসন আৰু উচ্চতৰ মাধ্যমিক বাণিজ্য শাখাৰ প্ৰথম বৰ্ষত ১৫০ খন আসনত নামভৰ্তিৰ বাবে সিদ্ধান্ত লোৱাৰ বিপৰীতে স্নাতক কলা শাখাৰ প্ৰথম  ছেমিষ্টাৰত-৩০০খন আসন আৰু স্নাতক বাণিজ্য শাখাৰ প্ৰথম ছেমিষ্টাৰত-১৫০ খন আসনত নামভৰ্তিৰ বাবে মহাবিদ্যালয় কৰ্তৃপক্ষই এক সিদ্ধান্ত গ্ৰহণ কৰিছে ৷ মহাবিদ্যালয় কৰ্তৃপক্ষই গ্ৰহণ কৰা এনে শিক্ষা বিৰোধী সিদ্ধান্তৰ বিপক্ষে জাঙুৰ খাই উঠিছে বঙাইগাঁও মহাবিদ্যালয় ছাত্ৰ একতা সভা ৷ বঙাইগাঁও মহাবিদ্যালয় ছাত্ৰ একতা সভাৰ সভাপতি জুথাই বসুমতাৰী আৰু সাধাৰণ সম্পাদক কল্পজ্যোতি সিংহই ১২ জুলাইত বঙাইগাঁও মহাবিদ্যালয়ৰ অধ্যক্ষকক প্ৰদান কৰা স্মাৰকপত্ৰত উল্লেখ কৰা মতে কোভিড অতিমাৰীৰ প্ৰৰিপ্ৰেক্ষিতত যোৱা  দুটা  বছৰত শিক্ষার্থী সকলে লিখা পঢ়াত ভীষণ সমস্যাৰ ক্ষণ গণিব লগীয়া হৈছিল ৷ যাৰ পৰিপ্ৰেক্ষিতত তেওঁলোকে ভাল ফলাফল প্ৰদৰ্শন কৰিব পৰা নাই ৷ ইপিনে দুৰ্বল ফলাফলৰ লগতে আর্থিকভাবে দুর্বল শিক্ষার্থী সকলে বঙাইগাঁও মহাবিদ্যালয়ৰ বাহিৰে অন্য শিক্ষা প্রতিষ্ঠানত নাম ভৰ্তি কৰাত অসমৰ্থ ৷ উল্লেখ্য যে বঙাইগাঁও সমষ্টিৰ বিধায়ক , জিলা উপায়ুক্ত, বঙাইগাঁও মহাবিদ্যালয় পৰিচালনা সমিতি আৰু বঙাইগাঁও মহাবিদ্যালয় এলুমনি সন্থাৰ নেতৃত্বলৈ প্ৰতিলিপি প্ৰেৰণ কৰা স্মাৰকপত্ৰত ছাত্ৰ- ছাত্ৰীৰ অৱস্থা আৰু দুর্দশাৰ কথা বঙাইগাঁও মহাবিদ্যালয় ছাত্ৰ একতা সভাই মহাবিদ্যালয় পৰিচালনা সমিতিক পুনৰ বিবেচনাৰ বাবে আবেদন জনায়৷ লগতে বঙাইগাঁও মহাবিদ্যালয় পৰিচালনা সমিতিয়ে ইতিবাচক পদক্ষেপ গ্ৰহণ কৰিব বুলিও স্মাৰকপত্ৰত উল্লেখ কৰিছে ৷🔯