🔯২৬ নবেম্বৰৰ পৰা দুদিনীয়া কাৰ্যসূচীৰে সদৌ অসম মাধ্যমিক বিদ্যালয় কাৰ্যালয় সহায়ক সংস্থাৰ ১৮ সংখ্যক বঙাইগাঁও দ্বি-বাৰ্ষিক অধিবেশন🔯

🔯২৬ নবেম্বৰৰ পৰা দুদিনীয়া কাৰ্যসূচীৰে সদৌ অসম মাধ্যমিক বিদ্যালয় কাৰ্যালয় সহায়ক সংস্থাৰ ১৮ সংখ্যক বঙাইগাঁও দ্বি-বাৰ্ষিক অধিবেশন🔯

🔯অভ্যৰ্থনা সমিতি গঠন🔯

📝বঙাইগাঁওঃ১৬ জুলাই : সদৌ অসম মাধ্যমিক বিদ্যালয় কাৰ্যালয় সহায়ক সংস্থাৰ ১৮ সংখ্যক বঙাইগাঁও দ্বি-বাৰ্ষিক অধিবেশন অহা ২৬ আৰু ২৭ নবেম্বৰত বীৰঝৰা উচ্চতৰ মাধ্যমিক বিদ্যালয় প্ৰাঙ্গণত অনুষ্ঠিত হ'ব। আজি (শনিবাৰে) বীৰঝৰা উচ্চতৰ মাধ্যমিক বিদ্যালয় প্ৰেক্ষাগৃহত দ্বি-বাৰ্ষিক অধিবেশনখন সুচাৰুৰূপে পৰিচালনা কৰাৰ বাবে অভ্যৰ্থনা সমিতি গঠনৰ উদ্দেশ্যে এখন সাধাৰণ সভা অনুষ্ঠিত হয় ৷ 

সভাত বঙাইগাঁও সমষ্টিৰ বিধায়ক ফণীভূষন চৌধুৰী, সদৌ অসম আমোলা সংন্থাৰ সাধাৰণ সম্পাদক সত্য নাৰায়ণ ৰায়, ৰাজ্যিক সংস্থাৰ সভাপতি হৰিশ শইকীয়া, সম্পাদক যতীন শইকীয়া, প্রাক্তন সম্পাদক কুশল ডেকা, সহকাৰী সম্পাদক ভবেশ নাথ, হিচাব পৰীক্ষক প্রহ্লাদ দাস, ৰাজ্যিক সদস্য লাচিত হাজৰিকা, মৰিগাঁও জিলাৰ শাখাৰ সম্পাদক খোকন বিশ্বাস , বঙাইগাঁও জিলা কৰ্মচাৰী পৰিষদৰ সাধাৰণ সম্পাদক পংকজ শৰ্মা আদিয়ে উপস্থিত থাকে। একেখন সভাত জ্যোৎস্নাৰাণী বৰ্মনক(বঙাইগাঁও জিলাৰ বিদ্যালয় সমূহৰ পৰিদৰ্শক) সভানেত্রী, অৰবিন্দ চৌধুৰীক কাৰ্যকৰী সভাপতি আৰু শংকৰ সৰকাৰক সম্পাদক হিচাপে লৈ সদৌ অসম মাধ্যমিক বিদ্যালয় কাৰ্যালয় সহায়ক সংস্থাৰ ১৮ সংখ্যক বঙাইগাঁও দ্বি-বাৰ্ষিক অধিবেশনৰ অভ্যৰ্থনা সমিতি গঠন কৰা হয় ৷ লগতে বাকী থকা উপ সমিতিসমূহ পৰৱৰ্তী সভা অনুষ্ঠিত কৰি গঠন কৰিবলৈ সভাই সিদ্ধান্ত গ্রহণ কৰে।🔯