🔯এছ'চিয়েশ্যন অৱ চাৰ্জনচ অৱ আসামৰ বঙাইগাঁও শাখাৰ উদ্যোগত বিনামূলীয়া লেপাৰস্কপিক আৰু মুকলি অস্ৰোপচাৰ শিবিৰ🔯

🔯এছ'চিয়েশ্যন অৱ চাৰ্জনচ অৱ আসামৰ বঙাইগাঁও শাখাৰ উদ্যোগত বিনামূলীয়া লেপাৰস্কপিক আৰু মুকলি অস্ৰোপচাৰ শিবিৰ 🔯

📝বঙাইগাঁওঃ ৮ জুলাইঃ এছ'চিয়েশ্যন অৱ চাৰ্জনচ অৱ ইণ্ডিয়াৰ অসম ৰাজ্যিক কমিটিৰ বঙাইগাঁও শাখাৰ উদ্যোগত তথা বঙাইগাঁও জিলা স্বাস্থ্য সেৱা বিভাগৰ সহযোগত ৭ জুলাইৰ পৰা ৯ জুলাইলৈ তিনিদিনীয়াকৈ বঙাইগাঁও অসামৰিক চিকিৎসালয়ত এক “ বিনামূলীয়া লেপাৰস্কপিক আৰু মুকলি অস্ত্ৰোপচাৰ শিবিৰ” অনুষ্ঠিত কৰা হয় ৷ উল্লেখ্য যে এছ’চিয়েশ্যন অৱ চাৰ্জনচ অৱ ইণ্ডিয়া ( এএছআই) ৰ সমাজ সেৱাৰ কাম-কাজৰ অংশ হিচাপে আয়োজন কৰা এই অস্ত্ৰোপচাৰ শিবিৰৰ নেতৃত্বত আছিল এ এছ আইৰ কাৰ্যকৰী সমিতিৰ সদস্য তথা জ্যেষ্ঠ পৰামৰ্শদাতা ডাঃ এন.এন.দাস ৷ বিনামূলীয়া লেপাৰস্কপিক আৰু মুকলি অস্ত্ৰোপচাৰ শিবিৰটোত মুঠ ২২ গৰাকী ব্যক্তিৰ অস্ত্ৰোপচাৰ সম্পন্ন কৰা হয় ৷ ইয়াৰে ভিতৰত ১৯ জনৰ গলব্লাডাৰ, এজনৰ হাইড্ৰছেল, এজনৰ থায়ৰয়েড আৰু এজনৰ হাৰ্ণিয়া ৰোগৰ অস্ত্ৰোপচাৰ সম্পন্ন কৰাৰ লগতে বিনামূলীয়া ঔষধ প্ৰদান কৰা হয়৷ অস্ত্ৰোপচাৰ শিবিৰত অংশগ্ৰহণ কৰা সকলৰ ভিতৰৰ অধিকাংশই আছিল বঙাইগাঁও জিলাৰ লগতে পাৰ্শ্বৱতী এলেকাৰ দৰিদ্ৰ সীমাৰেখাৰ তলৰ ব্যক্তি ৷ শুকুৰবাৰে বঙাইগাঁও অসামৰিক চিকিৎসালয় প্ৰাংগণত আয়োজিত এক সংবাদ মেলত এ এছ আইৰ কাৰ্যকৰী সমিতিৰ সদস্য তথা জ্যেষ্ঠ পৰামৰ্শদাতা ডাঃ এন এন দাসে এই কথা জানিবলৈ দিয়ে ৷ 

তেওঁ লগতে জানিবলৈ দিয়া মতে এই অস্ত্ৰোপচাৰ শিবিৰটো অনুষ্ঠিত কৰাৰ ক্ষেত্ৰত বঙাইগাঁও জিলাৰ উপায়ুক্ত নবদ্বীপ পাঠক, জিলাৰ অতিৰিক্ত উপায়ুক্ত ( স্বাস্থ্য), বঙাইগাঁও জিলাৰ যুটীয়া স্বাস্থ্য সেৱা সঞ্চালক ডা: পৰেশ কুমাৰ ৰয়, বঙাইগাঁও অসামৰিক চিকিৎসালয়ৰ অধীক্ষক ডা: নাজিৰুল ইছলাম, গুৱাহাটীৰ পৰা অহা অস্ত্ৰোপচাৰ বিশেষজ্ঞ, স্থানীয় বঙাইগাঁও শাখাৰ অস্ত্ৰোপচাৰ বিশেষজ্ঞ সকল, সভাপতি ডাঃ চণ্ডী পি দাস, সম্পাদক ডাঃ সুশান্ত সিনহা, শাখা সমিতিৰ পূৰ্বৰ সভাপতি ডাঃ ডি হাজৰিকা, ডাঃ এম এন শইকীয়া, নাৰ্ছিং ষ্টাফ, চিকিৎসালয়ৰ ষ্টাফ, স্থানীয় শৈল চিকিৎসক, এনাস্থেচিয়লজিষ্ট আদিয়ে একান্তভাৱে সমৰ্থন আৰু সহযোগিতা আগবঢ়োৱা অস্ত্ৰোপচাৰ শিবিৰটোত ঔষধ প্ৰস্তুতকাৰী কোম্পানী ক্ৰমে ষ্ট্ৰাইকাৰ (Stryker), হাবুন ছাৰ্জিকেল, জনচন এণ্ড জনচন আদিয়ে অংশ গ্ৰহণে কৰে ৷ 

উল্লেখ্য যে অস্ত্ৰোপচাৰ কাৰ্য সম্পাদন কৰা বিশেষজ্ঞৰ দলটোত ডাঃ এন এন 

দাসৰ লগতে ডাঃ চি পি দাস, ডাঃ আৰ চি ব্ৰহ্ম, ডাঃ আমেং থাম, ডাঃ এম এন শইকীয়া, ডাঃ এছ ফুকন, ডাঃ অৰ্ণব বৰুৱা, ডাঃ কে  এ আহমেদ, ডাঃ সুশান্ত সিনহা, ডাঃ সুমন পাল, ডাঃ সাহিদুল শইকীয়াৰ লগতে এনাস্থেচিয়া (anesthetics) ডাঃ এম এম ৰহমান, ডাঃ গীতিকা পাঠক, ডাঃ ৰাজেশ শ্বাহ, ডাঃ ঋতুৰাজ আৰু ডাঃ কৃষ্ণ আচাৰ্যী আছিল। আনহাতে অস্ত্ৰোপচাৰ শিবিৰটো পৰিচালনা তথা সফল কৰি তোলাৰ ক্ষেত্ৰত স্থানীয় স্বাস্থ্য প্ৰতিষ্ঠান নামনি অসম হাস্পতাল আৰু গৱেষণা কেন্দ্ৰ , আৰোগ্য হাস্পতাল আৰু গৱেষণা কেন্দ্ৰৰ লগতে ৰঙিয়াৰ স্পৰ্শ স্বাস্থ্য আৰু গৱেষণা কেন্দ্ৰইও সহযোগিতা আগবঢ়ায় ৷ স্মৰ্তব্য যে এছ’চিয়েশ্যন অৱ চাৰ্জনচ অৱ আসামৰ বঙাইগাঁও শাখাৰ দ্বাৰা বঙাইগাঁৱত প্ৰথম বাৰৰ বাবে আয়োজিত এই শিবিৰত ৰাজ্যিক কমিটিৰ সভাপতি ডা: ডি.কে.শৰ্মা আৰু সাধাৰণ সম্পাদক ডাঃ ৰূপনায়ন গোস্বামীয়েও পূৰ্ণ সহযোগিতা আগবঢ়ায় ৷🔯