🔯প্লাষ্টিকৰ ব্যৱহাৰ নিষিদ্ধ কৰি বঙাইগাঁও জিলা উপায়ুক্তৰ ১৪৪ধাৰা জাৰি🔯

🔯প্লাষ্টিকৰ ব্যৱহাৰ নিষিদ্ধ কৰি বঙাইগাঁও জিলা উপায়ুক্তৰ ১৪৪ধাৰা জাৰি🔯

📝বঙাইগাঁওঃ ১৭ জুলাইঃ বঙাইগাঁও জিলাৰ উপায়ুক্ত তথা জিলা দণ্ডাধীশ নবদ্বীপ পাঠকে জিলাখনত এবাৰ ব্যৱহাৰযোগ্য প্লাষ্টিকৰ সামগ্ৰীৰ ব্যৱহাৰ, উৎপাদন, মজুত কৰা, বিতৰণ আৰু বিক্ৰীত নিষেধাজ্ঞা আৰোপ কৰি ভাৰতীয় ফৌজদাৰী আইনৰ ১৪৪ধাৰা জাৰি কৰিছে। সেই অনুসৰি বঙাইগাঁও জিলাত কোনো উৎপাদকে এবাৰ ব্যৱহাৰযোগ্য প্লাষ্টিক সামগ্ৰী উৎপাদন কৰিব নোৱাৰিব ৷ একেদৰে মজুতকাৰীয়ে মজুত কৰিব নোৱাৰাৰ লগতে খুচুৰা বিক্ৰেতাই বিক্ৰী কৰিব নোৱাৰিব ৷ তাৰোপৰি দোকানী ই-কমাৰ্চ কোম্পানী, পদপথৰ ব্যৱসায়ী, ব্যৱসায়িক প্ৰতিষ্ঠান আদি আৰু সাধাৰণ ৰাইজেও ব্যৱহাৰ কৰিব নোৱাৰিব। উল্লেখ্য যে অসম প্ৰদূষণ নিয়ন্ত্ৰণ বোৰ্ডে অলপতে এক জাননীমৰ্মে এবাৰ ব্যৱহাৰযোগ্য প্লাষ্টিক সামগ্ৰী উৎপাদন, বিক্ৰী, মজুত, বিতৰণ আৰু ব্যৱহাৰ নিষিদ্ধ কৰিছে। কেন্দ্ৰীয় চৰকাৰে Plastic Waste Management  (Amendment) Rules,2021 অনুসৰি বিগত ২০২১ চনৰ ১২ আগষ্টত সংশোধিত নিৰ্দেশনা জাৰি কৰিছে ৷ Plastic Waste Management Rule 4(1)(c)২০১৬ ৰ সংশোধিত নিয়ম অনুসৰি প্ৰথম বাৰৰ বাবে উৎপাদিত বা দ্বিতীয় বাৰ গলাই উৎপাদিত  ৭৫ মাইক্ৰনতকৈ কম ডাঠ বহন মোনাৰ ব্যৱহাৰ ২০২১ চনৰ ৩০ছেপ্তেম্বৰৰ পৰা নিষিদ্ধ কৰা হৈছে আৰু ১২০ মাইক্ৰনতকৈ কম ডাঠ বহন মোনা ২০২২ চনৰ ৩১ ডিচেম্বৰৰ পৰা নিষিদ্ধ  হ'ব ৷  ভাৰতীয় সংবিধানৰ অনুচ্ছেদ 48(A) অনুসৰি ৰাষ্ট্ৰই পৰিৱেশ সংৰক্ষণ কৰাৰ বাবে কাম কৰিব লাগিব। গতিকে পৰিৱেশ সংৰক্ষণৰ বাবে বঙাইগাঁও জিলাৰ উপায়ুক্ত নবদ্বীপ পাঠকে ১৪৪ ধাৰাৰ অধীনত উক্ত নিষেধাজ্ঞা জাৰি কৰিছে। এই নিষেধাজ্ঞা উলংঘন কৰিলে Environment (Protection) Act,1986 ৰ দফা অনুসৰি সামগ্ৰী জব্দ বা ক্ষতিপূৰণ বা কামত বাধা আৰোপ কৰা হ'ব।🔯