🔯আজি ক'লা পতাকা উৰুৱাই ক'লা দিৱস পালন কৰিব আক্ৰাছুৱে🔯

🔯আজি ক'লা পতাকা উৰুৱাই ক'লা দিৱস পালন কৰিব আক্ৰাছুৱে🔯

📝বঙাইগাঁওঃ ২৭ আগষ্টঃ সদৌ কোচ ৰাজবংশী ছাত্ৰ সন্থাই পুনৰ আন্দলনৰ  কাৰ্যসূচী হাতত লৈছে ৷ এক প্ৰেছ বিবৃতিত আক্ৰাছুৰ সভাপতি ক্ষীতিশ বৰ্মন আৰু যুটীয়া সাধাৰণ সম্পাদক কপিল দেৱ সিংহ আৰু পাৰ্থজ্যোতি বৰাই কয় যে পৃথক কমতাপুৰ ৰাজ্য পুনৰ দাবী আৰু কোচ ৰাজবংশী জনগোষ্ঠীক জনজাতিকৰণৰ দাবীত সংগঠনটোৱে দীৰ্ঘদিনৰ পৰা আন্দোলন কৰি আহিছে যদিও আজিলৈকে কোনো এখন চৰকাৰে গুৰুত্ব প্ৰদান নকৰিলে ৷ ডঃ হিমন্ত বিশ্ব শৰ্মা নেতৃত্বাধীন বিজেপি মিত্ৰজোঁট চৰকাৰখনে এবছৰ কাৰ্যকাল অতিক্ৰম কৰিলে, কিন্তু দুৰ্ভাগ্যৰ কথা যে যোৱা এবছৰেও চৰকাৰখনে কোচ ৰাজবংশী জনগোষ্ঠীক জনজাতিকৰণ আৰু কমতাপুৰ ৰাজ্য পুনৰ গঠনৰ কোনো বাস্তৱ পদক্ষেপ গ্ৰহণ নকৰিলে ৷ জনগোষ্ঠীটোৰ জনজাতিকৰণৰকাম ৯০ শতাংশ আগবঢ়া বুলি কোৱা চৰকাৰখনে যোৱা  এবছৰত  বাকী শতাংশ কাম কিয় কৰিব নোৱাৰিলে বুলি প্ৰশ্ন  উত্থাপন  কৰি জনগোষ্ঠীটোৰ  জনজাতিকৰণ আৰু  পৃথক কমতাপুৰ  ৰাজ্য  পুনৰ  গঠন সন্দৰ্ভত চৰকাৰক স্থিতি  স্পষ্ট  কৰিবলৈ দাবী জনাইছে ৷ শুকুৰবাৰে বঙাইগাঁওস্থিত আক্ৰাছুৰ মুখ্য কাৰ্যালয়ত আক্ৰাছু, কোচ ৰাজবংশী মহিলা সমিতি আৰু চিলাৰায় সেনাৰ যৌথ কাৰ্যনিৰ্বাহক সভাত সংগঠনটোৱে এলানি আন্দোলনৰ কাৰ্যসূচী ঘোষণা কৰে ৷ বিবৃতিটোত উল্লেখ কৰা মতে ঘোষিত কাৰ্যসূচী অনুসৰি ১৯৪৯ চনৰ ২৮ আগষ্টত কোচ কমতাপুৰৰ শেষ ৰজা জগদ্বীপেন্দ্ৰ ভূপ বাহাদুৰ  আৰু তদানীন্তন ভাৰতৰ প্ৰধানমন্ত্ৰী  জৱাহৰলাল  নেহৰু, গৃহমন্ত্ৰী চৰ্দাৰ বল্লভভাই পেটেলৰ মাজত এক চক্ৰান্তকাৰী চুক্তিৰ জড়িয়তে  ভাৰত গণতন্ত্ৰণ কোচ - কমতাপুৰ ৰাজ্য চামিল হোৱাৰ পিছত ভাৰত চৰকাৰে (গ)  শ্ৰেণীৰ ৰাজ্য প্ৰদানৰ যি চুক্তি কৰি প্ৰতাৰিত কৰিলে  তাৰেই প্ৰতিবাদত আক্ৰাছুৱে ২৮ আগষ্টত ৰাজহুৱা স্থানত ক'লা পতাকা উৰুৱাই ক'লা দিৱস পালন কৰিব ৷ জিলাই জিলাই নাগৰিক সভা অনুষ্ঠিত  কৰা হ'ব ৷  সেইদৰে অতিশীঘ্ৰেই অসমৰ মুখ্যমন্ত্ৰীক জনজাতিকৰণ আৰু কমতাপুৰ ৰাজ্যৰ দাবীত সংগঠনৰ সঁজাতী দলে সাক্ষাৎ কৰিব ৷ আনহাতে চেপ্তম্বৰ মাহতেই উজনি অসম, মধ্য অসম আৰু নামনি অসমত৷অনুষ্ঠিত কৰা হ'ব কৰ্মশালা ৷ অক্টোৱৰৰ শেষত ১০০  ঘণ্টীয়া ধৰ্ণা কাৰ্যসূচী ৰূপায়ণ কৰিব সংগঠনটোৱে ৷ ইয়াৰ পিছতো যদি চৰকাৰে দাবীসমূহ পূৰণ নকৰে, তেতিয়াহলে আক্ৰাছুৱে ২০০ ঘণ্টীয়া  ধৰ্ণা  কাৰ্যসূচী ৰূপায়ণ কৰাৰ বাবেও কাৰ্যনিৰ্বাহক সভাত প্ৰস্তাৱ গ্ৰহণ কৰে ৷ 🔯