🔯বঙাইগাঁও জিলা শিক্ষক ঐক্য মঞ্চ গঠন🔯

🔯বঙাইগাঁও জিলা শিক্ষক ঐক্য মঞ্চ গঠন🔯

📝বঙাইগাঁওঃ২৭ আগষ্টঃ বঙাইগাঁও জিলাৰ বিভিন্ন বিদ্যালয়ৰ শিক্ষক সকলক লৈ শনিবাৰে বঙাইগাঁও এম,ই, স্কুল (বঙাইগাঁও) ত এখন সাধাৰণ সভা অষ্ঠিত হয় ৷ হজৰত আলী আহমেদৰ সভাপতিত্বত অনুষ্ঠিত সভাত উচ্চতৰ মাধ্যমিক শিক্ষক সন্থা, মাধ্যমিক শিক্ষক আৰু কৰ্মচাৰী সন্থা, হাইস্কুল শিক্ষক সন্থা, মাধ্যমিক কন্ট্রাকচোৱেল শিক্ষক সন্থা, মধ্য ইংৰাজী শিক্ষক সন্থা, মজলীয়া শিক্ষক সন্থা, প্রাথমিক শিক্ষক সন্মিলনী আৰু টেট উত্তীর্ণ শিক্ষক সমাজৰ বিষয়ববীয়া আৰু শিক্ষক-শিক্ষয়িত্ৰী সকল উপস্থিত থাকে ৷ সভাত শিক্ষকৰ বিভিন্ন সমস্যা তথা শিক্ষাৰ পৰিৱেশ উন্নতি কৰা সম্পর্কে বিশদভাৱে আলোচনা কৰি সমস্যা বিলাক সমাধান কৰাৰ বাবে জিলা ভিত্তিত “বঙাইগাঁও জিলা শিক্ষক ঐক্য মঞ্চ” নামেৰে এখন সমিতি গঠন কৰে। সমিতিখনত সৰ্ব্বসম্মতিক্রমে  নন্দেশ্বৰ গোস্বামীক সভাপতি আৰু নাৰায়ণ দেৱনাথক মুখ্য   সম্পাদক হিচাপে মনোনীত কৰি এখন একচল্লিশ জনীয়া সমিতিখন গঠন কৰে। সমিতিখনে ভৱিষ্যতে শিক্ষাৰ ক্ষেত্ৰত উন্নতিৰ কাৰণে ইতিবাচক পদক্ষেপ গ্রহণ কৰিব।🔯