🔯ক'ভিডত বন্ধ হোৱা যাত্ৰীবাহী ৰে'ল পুনৰ চলাচলৰ ব্যৱস্থা গ্ৰহণৰবীত স্মাৰকপত্ৰ🔯

🔯ক'ভিডত বন্ধ হোৱা যাত্ৰীবাহী ৰে'ল পুনৰ চলাচলৰ ব্যৱস্থা গ্ৰহণৰবীত স্মাৰকপত্ৰ🔯

📝বঙাইগাঁওঃ ১ ছেপ্তেম্বৰঃ ক'ভিডকালীন অৱস্থাত বন্ধ কৰি দিয়া যাত্ৰীবাহী ৰে'লসমূহ পুনৰ প্ৰৱৰ্তন কৰাৰ দাবী জনাই বৃহস্পতিবাৰে উত্তৰ - পূৱ সীমান্ত ৰে'লৱেৰ মহাপ্ৰবন্ধকলৈ এখন স্মাৰকপত্ৰ প্ৰদান কৰা হয় ৷ নিউ বঙাইগাঁও ৰে'লৱে ষ্টেচন অধীক্ষকৰ জৰিয়তে এই স্মাৰকপত্ৰখন প্ৰদান কৰে উত্তৰ - পূৱ সীমান্ত ৰে'লৱেৰ ৰঙিয়া সংমণ্ডলৰ ৰে'লৱে ইউজাৰ কনছালটেটিভ কমিটি ( ডিআৰইউচিচি ) ৰ সদস্যদ্বয় ক্ৰমে মহেশ কুমাৰ আগৰৱালা আৰু ধীৰাজ চক্ৰৱৰ্তীয়ে ৷ স্মাৰকপত্ৰত উল্লেখ কৰা মৰ্মে ক'ভিড কালীন পৰিস্থিতিত ৫৫৮১৮/৮১৭ নং নিউ বঙাইগাঁও - ৰঙিয়া - গুৱাহাটী যাত্ৰীবাহী ৰে'ল , ১৫৭৭১/৭৭২ নং আলিপুৰদুৱাৰ জংচন - কামাখ্যা ইন্টাৰচিটি এক্সপ্ৰেছ ৰে'ল আৰু ৫৫৭১৩/৭১৪ নং নিউ জলপাইগুড়ি - নিউ বঙাইগাঁও - ৰঙিয়াৰ মাজত চলা বিজি পেছেঞ্জাৰ ৰে'ল বন্ধ ৰখা হৈছে ৷ কিন্তু ক'ভিড পৰিস্থিতিৰ পৰা স্বাভাৱিক অৱস্থা ঘুৰি অহাটো বহু দিন হ'ল যদিও এই যাত্ৰীবাহী ৰে'ল সমূহ বন্ধ ৰখা হৈছে ৷ যাৰ ফল স্বৰূপে যাত্ৰী সকলে যথেষ্ট অসুবিধাৰ সন্মুখীন হ'ব লগীয়া হৈছে ৷ বিশেষকৈ এই যাত্ৰীবাহী ৰে'লযোগে কম সময়ত আৰু কম খৰচত বহু ব্যবসায়ী তথা চাকৰিয়ালে প্ৰতিদিনে যাত্ৰা কৰিছিল ৷ কিন্তু এই যাত্ৰীবাহী ৰে'ল সমূহ বন্ধ কৰি দিয়াত হেজাৰ হেজাৰ যাত্ৰী সমস্যাত পৰিবলগীয়া হৈছে ৷ ব্যৱসায়ী তথা প্ৰতিদিনে যাত্ৰা কৰা চাকৰিয়াল সকলেও যথেষ্ট কষ্টৰ সন্মুখীন হ'ব লগীয়া হৈছে ৷ তদুপৰি সৰু সৰু ষ্টেচনত যিহেতু দ্ৰুতগ্ৰামী ৰে'ল সমূহৰ ষ্টপেজ নাই ৷ এই এলেকাৰ যাত্ৰী সকলেও এই ৰে'ল সেৱাৰ পৰা বঞ্চিত হ'ব লগীয়া হৈছে ৷ যাত্ৰী সকলৰ এনে দূৰ্ভোগৰ কথা চিন্তা কৰি অতিশীঘ্ৰে এই তিনিওখন যাত্ৰীবাহী ৰে'ল পুনৰ প্ৰৱৰ্তন কৰাৰ বাবে দাবী জনায় কনছালটেটিভ কমিটিৰ সদস্যদ্বয়ে  ৷🔯