🔯মহাপুৰুষ শ্ৰীমন্ত শংকৰদেৱক কোচ ৰজাইও অত্যাচাৰ কৰা বুলি কৰা মন্তব্যকলৈ ক্ষুদ্ধ যুৱ- ছাত্ৰ সন্মিলনী🔯

🔯মহাপুৰুষ শ্ৰীমন্ত শংকৰদেৱক কোচ ৰজাইও অত্যাচাৰ কৰা বুলি কৰা মন্তব্যকলৈ ক্ষুদ্ধ যুৱ- ছাত্ৰ সন্মিলনী🔯

🔯২৪ ঘণ্টাৰ ভিতৰত অপূৰ্ব অধিকাৰীয়ে নিজৰ বক্তব্য উঠাই লৈ ক্ষমা নুখুজিলে ল'ব আইনী ব্যৱস্থা🔯

📝বঙাইগাঁওঃ ৩০ আগষ্টঃ বৰপেটাত মহাপুৰুষ শ্ৰীমন্ত শংকৰদেৱৰ তিৰোভাৱ তিথি উপলক্ষে আয়োজিত এক ধৰ্মীয় সভাত সোমবাৰে অপূৰ্ব অধিকাৰী নামৰ এজন বক্তাই আহোম ৰজাৰ অত্যাচাৰৰ কথা কবলৈ গৈ কোচ ৰজাক সাঙুৰি লোৱাত আশ্বৰ্য প্ৰকাশ কৰিছে বঙাইগাঁও জিলা কোচ ৰাজবংশী যুৱ-ছাত্ৰ সন্মিলনীয়ে ৷ বক্তাগৰাকীয়ে নিজৰ বক্তব্যত মহাপুৰুষ শ্ৰীমন্ত শংকৰদেৱক আহোম ৰজাৰ লগতে কোচ ৰজাইও হেনো অত্যাচাৰ কৰিছিল বুলি উল্লেখ কৰাত ইয়াৰ তীব্ৰ বিৰোধিতা কৰিছে সংগঠনটোৰ জিলা সমিতিয়ে ৷ এক প্ৰেছ বিবৃতিত সংগঠনটোৰ জিলা সমিতিৰ সাধাৰণ সম্পাদক জয়ন্ত সিংহই উল্লেখ কৰা মতে মহাপুৰুষ শ্ৰীমন্ত শংকৰদেৱে আহোমৰ শাসকৰ অত্যাচাৰৰ পৰা হাত সাৰিবলৈ পশ্চিমলৈ পলাই গৈ কোচ ৰাজ্যত উপস্থিত হৈছিল ৷ কোচ ৰাজ্যৰ সেনাপতি শুক্লধ্বজ ৰায় ওৰফে চিলাৰায় ওৰফে সংগ্ৰাম সিংহই মহাপুৰুষজনাক লগ পাই সকলো কথা জানিব পাৰি মহাৰাজ  নৰনাৰায়ণৰ ওচৰলৈ লৈ গৈছিল ৷ বীৰ চিলাৰায়ে শংকৰদেৱক এজন গুণী- জ্ঞাণী ব্যক্তি বুলি কৈছিল ৷ মহাৰাজ নৰনাৰায়ণে শংকৰদেৱৰ লগত কথা - বতৰা পাতি সন্তুষ্ট হৈ ৰাজসভাত তেওঁক আতিথ্য দিছিল ৷ মহাৰাজৰ আশ্ৰয়ত শ্ৰীমন্ত শংকৰদেৱে একশৰণ ধৰ্ম,সাহিত্য চৰ্চা, অংকিয়া নাট, ভাওনা আদি চৰ্চাৰ সকলো ব্যৱস্থা কৰি দিছিল ৷ গুৰুজনাৰ কাম - কাজত যাতে কোনো অসুবিধা নহয় তাৰ বাবে মহাৰাজে মধুপুৰ নামৰ ঠাইত সত্ৰ স্থাপন কৰি দিছিল ৷ জীৱনৰ শেষৰ সময়চোৱালৈকে মধুপুৰ সত্ৰতে কাম কাজবোৰ  কৰিছিল আৰু তাতেই শেষ  নিশ্বাস ত্যাগ কৰিছিল ৷ মহাপুৰুষ শ্ৰীমন্ত শংকৰদেৱৰ মৃত্যুত চিলাৰায়  আৰু মহাৰাজ নৰনাৰায়ণে বৰ দুখ কৰিছিল ৷ ইমানখিনি আতিথ্য  প্সদান কৰাৰ পিছতো কোচ ৰজাই মহাপুৰষ শংকৰদেৱক অত্যাচাৰ কৰা বুলি কোৱাটো ষড়যন্ত্ৰমূলক ৷ সেয়ে বক্তা অপূৰ্ব অধিকাৰীক অহা ২৪ ঘণ্টাৰ ভিতৰত তেৱঁৰ বক্তব্য উঠাই লৈ ক্ষমা নুখুজিলে আইনী ব্যৱস্থা লোৱা হ'ব বুলিও বঙাইগাঁও জিলা কোচ ৰাজবংশী যুৱ ছাত্ৰ সন্মিলনীয়ে বিবৃতিটোত উল্লেখ কৰিছে ৷🔯