🔯সদৌ অসম নিয়ন্ত্ৰিত বজাৰ সমিতি কৰ্মচাৰী সন্থাৰ নতুন সমিতি গঠন🔯

🔯সদৌ অসম নিয়ন্ত্ৰিত বজাৰ সমিতি কৰ্মচাৰী সন্থাৰ নতুন সমিতি গঠন🔯

📝বঙাইগাওঁঃ ১১ ছেপ্টেম্বৰঃ গুৱাহাটীৰ উলুবাৰীস্থিত অসম ৰাজ্যিক কৃষি সামগ্ৰী বিপণন পৰিষদৰ "তৰুণ মল্ল বুজৰবৰুৱা প্ৰেক্ষাগৃহ শনিবাৰে অসম ৰাজ্যিক কৃষি সামগ্ৰী বিপণন পৰিষদৰ কৰ্মচাৰী সংগঠন "সদৌ অসম নিয়ন্ত্ৰিত বজাৰ সমিতি কৰ্মচাৰী সন্থাৰ এখন বাৰ্ষিক সাধাৰণ সভা দিনজোৰা কাৰ্যসূচীৰে সম্পন্ন হৈ যায়। সভাত সংগঠনটোৰ পুৰণি কেন্দ্ৰীয় সমিতিখন ভংগ কৰি পুণৰ  দ্বিতীয় বাৰৰ বাবে  মণিৰাম শইকীয়াক সভাপতি আৰু তৃতীয় বাৰৰ বাবে  মনোজ কুমাৰ ৰায়ক সাধাৰণ সম্পাদক  হিচাপে লৈ  মুঠ ৩১ জনীয়া সদস্যক লৈ  এখন নতুনকৈ  শক্তিশালী কেন্দ্ৰীয় সমিতি গঠন কৰা হয়। দুপৰীয়াৰ পৰা আৰম্ভ হোৱা সাধাৰণ সভা খনৰ  মূল কাৰ্য্যসূচীবোৰ সম্পন্ন হৈ যোৱাৰ  পিছত সংগঠনটোৰ সদস্য অৱসৰপ্ৰাপ্ত প্ৰাক্তন তথা প্ৰতিষ্ঠাপক সভাপতি  ৰঞ্জিত কুমাৰ কলিতাক সংগঠনটোৱে আনুষ্ঠানিকভাৱে  বিদায় সম্ভাষণ আৰু সম্বৰ্ধনা জনায়। 

বিদায় সম্ভাষণ আৰু সম্বৰ্ধনা অনুষ্ঠানৰ পিছতে বিয়লি  পুণৰ  প্ৰতিনিধিসকলৰ মাজত এখন বিশেষ আলোচনা চক্ৰ অনুষ্ঠিত হয়। উক্ত আলোচনা চক্ৰত  কৃষি বিপণন পৰিষদৰ  সাম্প্ৰতিক পৰিস্থিতি আৰু কৰ্মচাৰীসকলে বৰ্তমান সন্মুখীন হৈ থকা সমস্যাসমূহৰ বিষয়ে বিশদভাৱে আলোচনা কৰা হয় ৷ সংগঠনটোৰ  কালিৰ সভাত কৃষি বিপণন পৰিষদৰ অধ্যক্ষ  মনোজ কুমাৰ বৰুৱা, উপাধ্যক্ষ  জয়ন্ত কুমাৰ ডেকা, মুখ্য কাৰ্যবাহী বিষয়া  বিদ্যুৎ বিকাশ ভাগৱতী প্ৰমুখ্যে কৃষি বিপণন পৰিষদৰ আন কেইবাগৰাকী বিষয়া-কৰ্মচাৰী আমন্ত্ৰিত অতিথি হিচাপে উপস্থিত থাকে। যিসকলে কৃষি বিপণন পৰিষদ খনৰ কাম-কাজত যথেষ্ট অৰিহণা যোগাই আহিছে। সেয়েহে সংগঠনটোৱে পৰিষদৰ সেইসকল দায়িত্ববাহী ব্যক্তি তথা বিষয়া-কৰ্মচাৰীক সভাখনত  আমন্ত্ৰণ কৰি আনি সন্মান আৰু সম্বৰ্ধনা জনায়।🔯