🔯বঙাইগাঁও অটো চালক সন্থাৰ সভাপতি বিকাশ চক্ৰৱৰ্তীক শাৰিৰীক ভাবে আক্ৰমণঃ তীব্ৰ গৰিহণা🔯

🔯বঙাইগাঁও অটো চালক সন্থাৰ সভাপতি বিকাশ চক্ৰৱৰ্তীক শাৰিৰীক ভাবে আক্ৰমণঃ তীব্ৰ গৰিহণা🔯 

📝বঙাইগাঁওঃ ২ ছেপ্তেম্বৰঃ বঙাইগাঁও অটো চালক সন্থাৰ সভাপতি বিকাশ চক্ৰৱৰ্তীক শাৰিৰীক ভাবে আক্ৰমণ কৰা ঘটনাৰ তীব্ৰ গৰিহণা জনাইছে বঙাইগাঁও অটো চালক সন্থাই  ৷  এক প্ৰেছ বিবৃতি যোগে এই কাৰ্যক গৰিহণা দি সন্থাৰ সাধাৰণ সম্পাদক জোনাল সিং গয়াৰীয়ে কয় যে বঙাইগাঁও অটো চালক সন্থাৰ সভাপতি বিকাশ চক্ৰৱৰ্তীয়ে যোৱা ২৪ আগষ্টত নিশা প্ৰায় ১১.৪০ বজাত নিজ অটোৰে ভাৰা মাৰি গৈ থকা অৱস্থাত কেইজনমান ই- ৰিক্সা চালকে উত্তৰ বঙাইগাঁও লাইফ ফাৰ্মাৰ ওচৰত তেওঁৰ অটোনক আগভেটি ধৰে আৰু অশ্ৰাব্য গালি গালাজ পাৰি তেওঁক গুৰুলা গুৰুলকৈ প্ৰহাৰ কৰে ই- ৰিক্সাৰ চালক সকলে ৷ এনে অৱস্থাত উক্ত পথেদি গৈ থকা নকুল দাস নামৰ আন এজন অটো চালকে বিকাশ চক্ৰৱৰ্তীক কৰা আক্ৰমণত বাধা দিব যাওঁতে এই অটোচালক জনকো গুৰুলা গুৰুলকৈ প্ৰহাৰ কৰে ই- ৰিক্সা চালকৰ উদণ্ড দলটোৱে  ৷ এনে অৱস্থাত দুজনেই গুৰুতৰ ভাবে আহত হয় আৰু চিকিৎসালয়ত ভৰ্ত্তি হ'বলগীয়া হয় ৷ বৰ্তমানেও বিকাশ চক্ৰৱৰ্তীক বঙাইগাঁও অসামৰিক চিকিৎসালয়ত চিকিৎসাধীন হৈ আছে ৷ ইপিনে এই আক্ৰমণৰ ঘটনাত জৰিত কেইজনমানক  চিনি পাই তেওঁলোকৰ বিৰুদ্ধে শাস্তিমূলক ব্যবস্থা গ্ৰহণ কৰিবলৈ বিকাশ চক্ৰৱৰ্তীয়ে উত্তৰ বঙাইগাঁও আৰক্ষী পহৰা চকীত ঘটনাৰ পিছদিনা এখন এজাহাৰ দাখিল কৰে ৷ বঙাইগাঁৱৰ ৰাজু দাস , ৰাহুল দাস আৰু পালপাৰাৰ বিকাশ দাসৰ বিৰুদ্ধে এই এজাহাৰ দাখিল কৰিছে যদিও আজিলৈকে আৰক্ষীয়ে তেওঁলোকৰ বিৰুদ্ধে কোনো ব্যবস্থা গ্ৰহণ কৰা নাই ৷ চহৰখনৰ মাজমজিয়াত এনে ধৰণৰ ঘটনা সংঘটিত হোৱাৰ  পাছতো আৰক্ষীৰ নীৰব ভূমিকাই এতিয়া বঙাইগাঁওবাসীৰ বাবে এক চিন্তাৰ বিষয় হৈ পৰিছে ৷ চহৰ খনৰ নাগৰিকৰ যে কোনো নিৰাপত্তা নাই আৰক্ষীৰ ভূমিকাই এয়া প্ৰমাণ কৰি দেখুৱাইছে বুলিও বিবৃতিটোত উল্লেখ কৰিছে  ৷ গতিকে অতিশীঘ্ৰে যদি অভিযুক্ত সকলক গ্ৰেপ্তাৰ কৰা নহয় তেনেহলে বঙাইগাঁও অটো চালক সন্থাই আন্দোলনৰ কাৰ্যসূচী গ্ৰহণ কৰিবলৈ বাধ্য হ'ব বুলি প্ৰেছ বিবৃতিটোত উল্লেখ কৰিছে অটো চালক সন্থাৰ সাধাৰণ সম্পাদকগৰাকীয়ে ৷🔯