🔯বঙাইগাঁৱত বিদ্যালয়ৰ অৱসৰপ্ৰাপ্ত অধ্যক্ষকক সম্বৰ্ধনা🔯

🔯বঙাইগাঁৱত বিদ্যালয়ৰ অৱসৰপ্ৰাপ্ত অধ্যক্ষকক সম্বৰ্ধনা🔯

📝বঙাইগাঁওঃ ৯ ছেপ্টেম্বৰঃ বঙাইগাঁও চহৰৰ নিকতৱৰ্তী মূলাগাঁৱত অৱস্থিত লালবাহাদুৰ শাস্ত্ৰী বিদ্যাপীঠ উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ মমিৰ উদ্দিন শ্বেখক বৃহস্পতিবাৰে মূলাগাঁও শিৱ মন্দিৰ প্ৰেক্ষাগৃহত ৰাইজ আৰু প্ৰাক্তন ছাত্ৰ-ছাত্ৰীয়ে শৰাই আৰু ফুলাম গামোছাৰে বিদায় সম্বৰদ্ধনা জনায়৷ এই উপলক্ষে শিক্ষাবিদ ধনীৰাম চৌধুৰীৰ পৌৰোহিত্যত অনুষ্ঠিত সভাত বিদ্যালয়খনৰ অৱসৰী প্ৰধান শিক্ষক ৰুদ্ৰেশ্বৰ পাঠকে মহাভাৰতৰ আখ্যানৰ উদ্ধৃতিৰে গুৰু- শিষ্যৰ পৰম্পৰা কথা বিশদ ভাবে ব্যাখা কৰে ৷ আনহাতে বিদ্যলয়খনৰ পৰিচালনা আৰু উন্নয়ন  সমিতিৰ প্ৰাক্তন সভাপতি অনিল কুমাৰ সিংহই ভাষণত অলপতে বিদ্যালয়খন উচ্চতৰ মাধ্যমিক বিদ্যালয়লৈ উন্নিত কৰাৰ ক্ষেত্ৰত শ্বেখে লোৱা পদক্ষেপৰ বিষয়ে উল্লেখ কৰে ৷ সভাত প্ৰফুল্ল কুমাৰ সিংহইও দুআষাৰ কয়৷ ইপিনে সম্বৰ্ধনা গ্ৰহণ কৰি অৱসৰী অধ্যক্ষজনে অতীত ৰোমন্থন কৰি ৰাইজৰ মৰম চেনেহৰ কথা দোহাৰে আৰু অৱসৰী কালচোৱা যাতে কুশলে পাৰ কৰিব পাৰে তাৰ বাবে ৰাইজৰ ওচৰত আশীৰ্বাদ বিছাৰে ৷🔯