🔯মুখ্যমন্ত্ৰীয়ে কে এ চি ত ভূমিৰ অধিকাৰ দি কোচ ৰাজবংশী জনগোষ্ঠীৰ জনজাতিকৰণৰ দীৰ্ঘ দিনীয়া দাবীটোক গাপ দি ৰাখিব বিচৰা কথাটো স্পষ্ট হৈছে🔯

🔯মুখ্যমন্ত্ৰীয়ে কে এ চি ত ভূমিৰ অধিকাৰ দি কোচ ৰাজবংশী জনগোষ্ঠীৰ জনজাতিকৰণৰ দীৰ্ঘ দিনীয়া দাবীটোক গাপ দি ৰাখিব বিচৰা কথাটো স্পষ্ট হৈছে🔯

📝বঙাইগাঁওঃ ৯ আগষ্টঃ মুখ্য মন্ত্ৰী ডঃ হিমন্ত বিশ্ব শৰ্মাই যোৱা ৬ ছেপ্টেম্বৰত কোকৰাঝাৰত অনুষ্ঠিত কেবিনেট বৈঠকৰ পিচত সাংবাদিকক সম্বোধন  কৰি অসমক পুনৰ ভাগ কৰাৰ কোনো অৱকাশ নাই বুলি ঘোষণাৰে পৃথক কমতাপুৰ ৰাজ্যৰ দাবীক এক প্ৰকাৰ নসাৎ কৰাৰ পিছতো আক্ৰাছুৰ নেতৃত্বই কোনোধৰণৰ  প্ৰতিক্ৰিয়া ব্যক্ত কৰাৰ পৰিৱৰ্তে মন্ত্ৰীৰ পিছে পিছে তৈল মৰ্দন কৰি ফুৰি জনগোষ্ঠীটোক বিশ্বাসঘাতকতা কৰা বুলি কোচ ৰাজবংশী সংগ্ৰাম সমিতিৰ প্ৰাক্তন মুখ্য আহ্বায়ক দীপক বৰ্মন আৰু আক্ৰাছুৰ প্ৰাক্তন উপদেষ্টা সতীশ পাটগিৰিয়ে তীব্ৰ বিষোদগাৰ প্ৰকাশ কৰেছে ৷ নেতাদ্বয়ে অভিযোগ কৰি কয় যে মুখ্য মন্ত্ৰীয়ে কে,এ,চি ত ভূমিৰ অধিকাৰ দি কোচ ৰাজবংশীৰ ভূমিৰ সংৰক্ষণৰ নামত কোচ ৰাজবংশীৰ জনজাতিকৰণৰ দীৰ্ঘ দিনীয়া দাবীটোক গাপ দি ৰখাৰ কথাটো স্পষ্ট হোৱাৰ পিছতো আক্ৰাছুৰ নেতৃত্বই নিমাত হৈ তৈল মৰ্দন ৰাজনীতিত ব্যতিব্যস্ত  হৈ জনগোষ্ঠীটোৰ জাতীয় স্বাৰ্থত কুঠাৰঘাত কৰিছে বুলি ধিক্কাৰ দিয়ে । একালৰ আক্ৰাছুৰ নেতৃবৃন্দক মুখ্যমন্ত্ৰীয়ে তেওঁৰ শূন্য সহনশীলতাৰ অসমত নিযুক্ত কৰি সীমাহীন দূৰ্নীতিত লিপ্ত হ'বলৈ হাত উজান দি কোচ ৰাজবংশীৰ জাতীয় সংগঠন আক্ৰাছুক কেইবাটাও ভাগত ভাগ কৰাৰ ব্লুপ্ৰিণ্ট ৰচনা কৰি জনগোষ্ঠীটোৰ জাতীয় সংগ্ৰামৰ মেৰুদণ্ড  ভাঙি জনগোষ্ঠীটোক নিশেষ কৰাত হে উঠি পৰি লগাটো লজ্জাজনক বুলিও কয়। আক্ৰাছু কৰা কালচোৱাত যিসকল নেতাৰ হাতত ফুটা কড়িও নাছিল, কে,এ,চি,গঠনৰ লগে লগেই তেওঁলোক কি আলাউদ্দিনৰ চাকি পালে যে ৰাতিটোৰ ভিতৰতে তেওঁলোক তিনি চাৰিখন কৈ বিলাসী গাড়ীৰ লগতে নামে বেনামে অগাধ সম্পত্তিৰ মালিক হ'ল বুলি নেতৃদ্বয়ে প্ৰশ্ন কৰে ।নেতাদ্বয়ে কে,এ,চি, নেতৃবৃন্দৰ দ্বাৰা গঠিত আক্ৰাছুৰ নেতৃবৃন্দৰ জনগোষ্ঠীটোৰ সংগ্ৰামৰ  প্ৰতি কোনোধৰণৰ দৰদ নাই ৷ বৰং এই আক্ৰাছুৰ নেতৃবৃন্দই জনগোষ্ঠীটোৰ জাতীয়তাবাদৰ  নামত ঠিকা-ঠুকুলি আৰু দালালি কৰি  ধনৰ পোহাৰ গঢ়াত হে উঠি পৰি লাগি থকা বুলি অভিযোগ কৰি এই সকল ছাত্ৰ নামধাৰী অছাত্ৰৰ কবলৰ পৰা আক্ৰাছুক মুক্ত কৰিব লাগে বুলিহে বৰ্মন আৰু পাটগিৰীয়ে মন্তব্য কৰে ৷🔯