🔯বঙাইগাঁৱৰ বীৰঝৰা মহাবিদ্যালয়ত 'আকাশক গ্রামীণ এলেকাৰ যুৱক শিশুৰ কাষলৈ লৈ আহক ' শীৰ্ষক কৰ্মশালা🔯

🔯বঙাইগাঁৱৰ বীৰঝৰা মহাবিদ্যালয়ত 'আকাশক গ্রামীণ এলেকাৰ যুৱক শিশুৰ কাষলৈ লৈ আহক ' শীৰ্ষক কৰ্মশালা🔯  

📝বঙাইগাঁওঃ ৩০ অক্টোবৰঃ অসম চৰকাৰৰ অসম বিজ্ঞান প্ৰযুক্তি আৰু পৰিৱেশ পৰিষদ (এছটেক) ৰ অৰ্থ সাহায্যত তথা আর্যভট্ট বিজ্ঞান কেন্দ্র, বঙাইগাঁৱৰ উদ্যোগত আৰু গুৱাহাটী প্লেনেটেৰিয়ামৰ সহযোগত বঙাইগাঁও চহৰৰ বিজ্ঞান শিক্ষাৰ অগ্ৰণী শিক্ষা প্ৰতিষ্ঠান বীৰঝৰা মহাবিদ্যালয়ৰ সুধাকণ্ঠ ভূপেন হাজৰিকা প্ৰেক্ষাগৃহত দেওবাৰে " আপোনাৰ আকাশক জানন আৰু টেলিস্কোপৰ মাধ্যমেৰে চাওক : আকাশক গ্রামীণ এলেকাৰ যুৱক শিশুৰ কাষলৈ লৈ আহক ''( "Know Your Sky and Look through Telescope" with the theme "Bringing Sky to  Rural Area's Young Children" ) শীৰ্ষক বিষয়ৰ ওপৰত এদিনীয়া কৰ্মশালা অনুষ্ঠিত হয় ৷ দেওবাৰৰ পুৱা ১১ বজাত এছটেকৰ বিজ্ঞান প্ৰযুক্তি আৰু পৰিৱেশ বিজ্ঞান বিভাগৰ মূৰব্বী ড° জয়দ্বীপ বৰুৱাই ভিডিঅ কনফাৰেন্সৰ জৰিয়তে  কৰ্মশালাখনৰ উদ্বোধন কৰাৰ পিছতে বীৰঝৰা মহাবিদ্যালয়ৰ অধ্যক্ষা এইছ বি আৰ বৰ্মনে চমু বক্তব্য ৰাখে ৷

ইয়াৰ পিচতে তেজপুৰ বিশ্ববিদ্যালয়ৰ ড° কিশোৰ বৰুৱাই ভিডিঅ কনফাৰেন্সযোগে আকাশৰ মনোমোহা কথাৰ ওপৰত বিশদভাৱে উপস্থাপন কৰে৷ আর্যভট্ট বিজ্ঞান কেন্দ্র,বঙাইগাঁৱৰ সমন্বয়ক সঞ্জীৱ বাগলাৰীয়ে অনুষ্ঠানৰ আঁত ধৰা কৰ্মশালাত গুৱাহাটী প্লেনেটেৰিয়ামৰ কিউৰেটৰ বাবুল চন্দ্ৰ বৰা, প্ৰজেক্ট ডেমনেষ্টটৰ উপমেন্দু গোস্বামী, প্ৰজেক্ট এটেণ্ডেন্ট মানস প্ৰতীম শৰ্মা,বঙাইগাঁও পলিটেকনিকৰ অধ্যাপক বীৰব্ৰত দাস চৌধুৰী, বীৰঝৰা মহাবিদ্যালয়ৰ অৱসৰপ্ৰাপ্ত অধ্যাপক মানবেন্দ্ৰ দাস আদি উপস্থিত থাকি বিষয়বস্তুৰ ওপৰত বক্তব্য দিয়ে ৷ আনহাতে জিলা প্ৰশাসনৰ হৈ অতিৰিক্ত উপায়ুক্ত শ্যামল ক্ষেত্ৰ গগৈ উপস্থিত থাকে ৷ বঙাইগাঁও জিলাৰ বিভিন্ন প্ৰান্তৰ বিদ্যালয়ৰ ছাত্ৰছাত্ৰী সকলে  উপস্থিত থকা কৰ্মশালাত গুৱাহাটী প্লেনেটেৰিয়ামৰ কিউৰেটৰ বাবুল চন্দ্ৰ বৰাই প্ৰজেক্টৰৰ মাধ্যমেৰে তাৰকাৰাজ্য, হাতীপটি , সূৰ্য্য ,চন্দ্ৰ,তৰা আদিৰ গতি, সূৰ্য্য গ্ৰহণ আৰু চন্দ্ৰ গ্ৰহণৰ ওপৰত উপস্থিত ছাত্ৰ- ছাত্ৰীক বিতংভাৱে বুজাই দিয়ে৷ বিয়লিৰ ভাগত বঙাইগাঁও চহৰৰ নিকটাৱৰ্ত্তী জেলকাঝাৰ খেল পথাৰৰ পৰা আকাশ, আকাশত চন্দ্ৰ,বৃহস্পতি গ্ৰহ আৰু শনিগ্ৰহৰ আঙুঠি দূৰবীক্ষণৰ সহায়ত ছাত্ৰ- ছাত্ৰীসকলক  নিৰীক্ষণৰ ব্যৱস্থা কৰে ৷🔯