🔯কোচ ৰাজবংশী জাতীয় পৰিষদ আৰু কোচ ৰাজবংশী সাহিত্য পৰিষদ🔯

🔯কোচ ৰাজবংশী জাতীয় পৰিষদ আৰু কোচ ৰাজবংশী সাহিত্য পৰিষদ🔯

🔯বি,টি,আৰৰ মুখ্য কাৰ্য্যবাহী সদস্য আৰু উপ মুখ্য কাৰ্যবাহী সদস্যৰ সৈতে জনগোষ্ঠীটোৰ বিভিন্ন সমস্যা সন্দৰ্ভত আলোচনা🔯

📝বঙাইগাঁও ১১ নবেম্বৰঃ কোচ ৰাজবংশী জনগোষ্ঠীৰ বিভিন্ন সমস্যা সন্দৰ্ভত কোচ ৰাজবংশী জাতীয় পৰিষদ আৰু কোচ ৰাজবংশী সাহিত্য পৰিষদৰ সোতৰোজনীয়া এটি সঁজাতি দলৰ বি,টি,আৰৰ মুখ্য কাৰ্য্যবাহী সদস্য প্ৰমোদ বড়ো আৰু উপ মুখ্য কাৰ্যবাহী সদস্য গোবিন্দ বসুমতাৰীৰ সৈতে  বড়োলেণ্ড অতিথি শালাত এক আনুষ্ঠানিক আলোচনা অনুষ্ঠিত হয় বুলি সংগঠন দুটাই এক যুটীয়া প্ৰেছ বিবৃতিযোগে জনাইছে ৷ কোচ ৰাজবংশী জাতীয় পৰিষদৰ সভাপতি বিমল কুমাৰ বৰ্মন আৰু সাধাৰণ সম্পাদক বিশ্বজিৎ ৰায়ৰ লগতে কোচ ৰাজবংশী সাহিত্য পৰিষদৰ সভাপতি অমৃত ভূষণ ফৌজদাৰে এই আলোচনা সৌহাদ্যপূৰ্ণ আৰু আশাব্যঞ্জক বুলি বিবৃতিটোত উল্লেখ কৰিছে  । নেতাত্ৰয়ে অবিভক্ত গোৱালপাৰা জিলাৰ কোচ ৰাজবংশী সকলক জনজাতিকৰণৰ ওলোমা খাই  থকা ইচ্ছ্যুটোৰ এটা সু মীমাংসাৰ বাবে বড়ো আৰু বসুমতাৰীক বিশেষ ভাৱে অসম আৰু ভাৰত চৰকাৰৰ ওপৰত হেঁচা দিবলৈ অনুৰোধ জনোৱাত তেওঁলোকে বিষয়টো সন্দৰ্ভত গুৰুত্ব দিব বুলি আশ্বাস প্ৰদান কৰে । 

লগতে বি, টি,আৰ অঞ্চলত বসবাস কৰা কোচ ৰাজবংশীৰ ভূমিৰ অধিকাৰ সু নিশ্চিত কৰাৰ লগতে মাটিৰ পাট্টা প্ৰদান কৰাৰ প্ৰতিশ্ৰুতিও প্ৰদান কৰে । আনহাতে ২০২০ ৰ নতুন শিক্ষা নীতি মৰ্মে জনজাতি, জনগোষ্ঠী অনুযায়ী প্ৰাথমিক স্তৰত ভাষা শিকোৱাৰ প্ৰতি লক্ষ্য ৰাখি কোচ ৰাজবংশী অধ্যূষিত অঞ্চলত কোচ ৰাজবংশী ভাষাৰ  সফল প্ৰয়োগৰ বাবে কোচ ৰাজবংশী ভাষাৰ শিক্ষক নিযুক্তিৰ বিষয়টো সন্দৰ্ভটো বিশেষ আলোচনা কৰা যদিও বিষয়টো ৰাজ্য চৰকাৰৰ বিচাৰ্য বিষয় বুলি বি টি আৰৰ নেতৃত্বই উল্লেখ কৰে ৷ আলোচনা কালত মহাৰাজ বিজিত নাৰায়ণৰ নামাকৰণৰে বিজনী চহৰত মহাৰাজ নৰনাৰায়ণ কোচ ৰাজবংশী গৱেষণা আৰু কৃষ্টি বিকাশ কেন্দ্ৰ আৰু চিদলী ৰাজ্যৰ শেষ ৰাণী মজ্ঞুলাৰ নামত এখন কলাক্ষেত্ৰ বালাগাঁৱৰ তিনি আলিত স্থাপনৰ বিষয়টোত সঁজাতি দলটোৰ লগত  এক ইতিবাচক আন্তৰিকতাৰে মুখ্য কাৰ্যবাহী সদস্য আৰু উপ মুখ্য কাৰ্যবাহী সদস্যই সহমত পোষণ কৰি বিষয়টো সম্পৰ্কত পদক্ষেপ গ্ৰহণৰ প্ৰতিশ্ৰুতি প্ৰদান কৰা বুলিও নেতাত্ৰয়ে বিবৃতিটোত উল্লেখ কৰিছে । আলোচনা কালত সংগঠন দুটাই পৃথকে পৃথকে বি টি আৰৰ মিখ্য কাৰ্যবাহী সদস্যগৰাকীক দুখন স্মাৰক পত্ৰও প্ৰদান কৰে ৷🔯