🔯দক্ষিণ অভয়াপুৰী বিধান সভা সমষ্টিৰ প্ৰাক্তন অগপ বিধায়ক ৰবিন বনিক্যৰ বিয়োগ🔯

🔯দক্ষিণ অভয়াপুৰী বিধান সভা সমষ্টিৰ প্ৰাক্তন অগপ বিধায়ক ৰবিন বনিক্যৰ বিয়োগ🔯

📝বঙাইগাঁওঃ ১১ নবেম্বৰঃ অগপৰ জ্যেষ্ঠ নেতা তথা বঙাইগাঁও জিলাৰ দক্ষিণ অভয়াপুৰী বিধান সভা সমষ্টিৰ প্ৰাক্তন বিধায়ক ৰবিন বনিক্যৰ আজি বিয়োগ ঘটে ৷ পুৱা ৭ঃ ৩০ বজাত বঙাইগাঁও চহৰৰ এখন ব্যক্তিগত হাস্পতালত তেঁৱৰ মৃত্যু হয় ৷ দুবাৰকৈ দক্ষিণ অভয়াপুৰী বিধান সভা সমষ্টিৰ পৰা বিধায়ক হিচাপে নিৰ্বাচিত হোৱা প্ৰয়াত ৰবিন বনিক্যৰ মৃত্যুৰ সময়ত ৭৭ বছৰ বয়স হৈছিল ৷ জ্যেষ্ঠ অগপ নেতাগৰাকীৰ মৃত্যুত বঙাইগাঁও জিলাৰ অগপ নেতা - কৰ্মীসকলৰ মাজত শোকৰ  ছাঁ পৰিছে ৷ প্ৰয়াত প্ৰাক্তন বিধায়কগৰাকী দীৰ্ঘদিন ধৰি নানা অসুস্থতাত ভুগি আছিল ৷ সততে সামাজিক তথা সাংস্কৃতিক কাম কাজৰ সৈতে জড়িত থাকি অতি সৰল আৰু সাধাৰণ জীৱন যাপন কৰা ৰবিন বনিক্যৰ মৃত্যুত অসমৰ জাতীয়তাবাদী আন্দোলনৰ এক অপূৰণীয় ক্ষতি ৷ উল্লেখ্য যে প্ৰয়াত ৰবিন বনিক্য  এগৰাকী বিশিষ্ট সাংস্কৃতিক কৰ্মী আছিল ৷  এগৰাকী নাট্যকাৰ ,গীতিকাৰ , সুৰকাৰ হিচাপেও আছিল সুকীয়া নাম ৷ তেওঁ অসম নাট্য সন্মিলনৰ প্ৰাক্তন উপ সভাপতিগৰাকীও আছিল ৷🔯