🔯প্ৰাক্তন বিধায়ক ৰবিন বনিক্যৰ মৃত্যুত জিলা বিজেপিৰ শোক প্ৰকাশ🔯

🔯প্ৰাক্তন বিধায়ক ৰবিন বনিক্যৰ মৃত্যুত জিলা বিজেপিৰ শোক প্ৰকাশ🔯

📝দক্ষিণ অভয়াপুৰী বিধান সভা সমষ্টিৰ অগপ দলৰ প্ৰাক্তন বিধায়ক ৰবিন বনিক্যৰ মৃত্যুত বঙাইগাঁও জিলা বিজেপিৰ সভানেত্ৰী হিমানী অধিকাৰীয়ে গভীৰ শোক প্ৰকাশ কৰিছে ৷ জিলা সভানেত্ৰীগৰাকীয়ে প্ৰয়াত বিধায়কগৰাকীৰ অভয়াপুৰীস্থিত গৃহত উপস্থিত হৈ মৃতদেহত শেষ শ্ৰদ্ধাঞ্জলিও জ্ঞাপন কৰে ৷ জিলা সভানেত্ৰী অধিকাৰীয়ে দুবাৰকৈ বিধায়ক হিচাপে নিৰ্বাচিত হোৱা প্ৰয়াত ৰবিন বনিক্যই জনসাধাৰণৰ হিতৰ হকে কাম কৰাৰ লগতে এগৰাকী সুৰকাৰ, গীতিকাৰ, নাট্যকাৰ হিচাপেও পৰিচিত আছিল বুলি কয় ৷ প্ৰাক্তন বিধায়কগৰাকীৰ মৃত্যু ৰাজ্যখনৰ বাবে এক অপূৰণীয় ক্ষতি বুলি মন্তব্য কৰি তেঁৱৰ বিদেহ আত্মাৰ সদ্‌গতি কামনা কৰাৰ লগতে শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰে ৷🔯