🔯বঙাইগাঁৱৰ গেৰুকাবাৰীত ড্ৰাগছসহ গ্ৰেপ্তাৰ দুই সৰবৰাহকাৰী🔯

🔯বঙাইগাঁৱৰ গেৰুকাবাৰীত ড্ৰাগছসহ গ্ৰেপ্তাৰ দুই সৰবৰাহকাৰী🔯

📝বঙাইগাঁওঃ ১১ নৱেম্বৰঃ বঙাইগাঁও জিলাত ড্ৰাগছৰ বিৰুদ্ধে অভিযান অব্যাহত ৰাখিছে আৰক্ষীয়ে। শুকুৰবাৰে দুপৰীয়া  বঙাইগাঁও জিলাৰ ২৭ নং ৰাষ্ট্ৰীয় ঘাইপথৰ গেৰুকাবাৰীত ড্ৰাগছসহ দুজন সৰবৰাহকাৰী গ্ৰেপ্তাৰ হয়। গেৰুকাবাৰী তহলদাৰী আৰক্ষী চকীৰ আৰক্ষীৰ অভিযানত ধৃত সৰবৰাহকাৰী দুজন ক্ৰমে জাহাংগীৰ আলম(৩০) আৰু ৰফিকুল ইছলামে(২৭)। এখন মটৰ চাইকেলেৰে গোৱালপাৰাৰ পৰা বৰপেটা ৰ'ড অভিমুখে গৈ থকা অৱস্থাত আৰক্ষীৰ জালত পৰে সৰবৰাহকাৰী দুজন। গেৰুকাবাৰী তহলদাৰী আৰক্ষী চকীৰ ভাৰপ্ৰাপ্ত আৰক্ষী বিষয়া বিনয় মালাকাৰৰ নেতৃত্বত চলোৱা অভিযানত ধৃত সৰবৰাহকাৰী দুজনৰ পৰা তিনিটা চাবোনৰ বাকচত কঢ়িয়াই লৈ অহা ৪৫ গ্ৰাম ড্ৰাগছ, দুই লাখ নগদ ধন,এ এছ ১৮ জে ৬৩৪৩ নম্বৰৰ এখন টিভিএছ আপাছি বাইক আৰু দুটা মোবাইল ফোন জব্দ কৰে। জানিব পৰা মতে ধৃত সৰবৰাহকাৰী দুজনৰ ঘৰ গোৱালপাৰা জিলাত। ধৃত জাহাংগীৰ আলমৰ ঘৰ গোৱালপাৰা খৰমুজাত আৰু ৰফিকুলৰ ঘৰ বীৰসিং হেলেংগাৰ চৰত।🔯