🔯বঙাইগাঁৱত দুদিনীয়াকৈ সদৌ অসম জিলা প্রশাসন কৰ্মচাৰী সন্থাৰ দ্বাদশ দ্বি-বার্ষিক কেন্দ্ৰীয় অধিৱেশন আৰম্ভ🔯

🔯বঙাইগাঁৱত দুদিনীয়াকৈ সদৌ অসম জিলা প্রশাসন কৰ্মচাৰী সন্থাৰ দ্বাদশ দ্বি-বার্ষিক কেন্দ্ৰীয় অধিৱেশন আৰম্ভ🔯

  📝বঙাইগাঁওঃ ২৬ নবেম্বৰঃ সদৌ অসম জিলা প্রশাসন কৰ্মচাৰী সন্থাৰ দ্বাদশ দ্বি-বার্ষিক কেন্দ্ৰীয় অধিৱেশনখন আজিৰে পৰা বঙাইগাঁও চহৰৰ ‘বীৰঝৰা পাব্লিক লাইব্ৰেৰী’ত দুদিনীয়া কাৰ্যসূচীৰে অনুষ্ঠিত হৈছে ৷ অধিৱেশনৰ কাৰ্যসূচী অনুসৰি পুৱা প্রতিনিধি শিবিৰ মুকলি আৰু নাম পঞ্জীয়ন কৰা হয়। প্ৰতিনিধি শিবিৰ মুকলি কৰে বঙাইগাঁও জিলাৰ অতিৰিক্ত উপায়ুক্ত মগেন নৰহে ৷ ইয়াৰ পিচতে পুৱা ৯ বজাত সন্থাৰ কেন্দ্ৰীয় সমিতিৰ সভাপতি গোপীনাথ দত্তই পতাকা উত্তোলন কৰাৰ বিপৰীতে সন্থাৰ সাধাৰণ সম্পাদক ৰঞ্জন ৰাইদঙ্গীয়াই স্মৃতি তর্পণ কাৰ্যসূচী মুকলি কৰে ৷ আনহাতে সভাতি গোপীনাথ দত্তই  এই কাৰ্যসূচীৰ পিচত জিলা উপায়ুক্ত কাৰ্যালয়ৰ সভাকক্ষত কেন্দ্রীয় কার্যনিবাহক সভা অনুষ্ঠিত হয় আৰু আবেলি অনুষ্ঠিত হয় অন্তৰংগ আলাপ আৰু প্ৰাক্তন কৰ্মচাৰীৰ সম্বৰ্দ্ধনা অনুষ্ঠান ৷

বীৰঝৰা পাব্লিক লাইব্ৰেৰীত অনুষ্ঠিত অনুষ্ঠানৰ আঁত ধৰে কেন্দ্ৰীয় সমিতিৰ যুটীয়া সম্পাদক নয়ন মণি দাস আৰু ৰমেন বৰ্মনে ৷ অনুষ্ঠানত সন্থাৰ বৰ্তমানৰ সভাপতি আৰু সাধাৰণ সম্পাদৰ লগতে সন্থাৰ উপদেষ্টা (সাংস্কৃতিক) মুনিন শৰ্মা, সন্থাৰ প্ৰাক্তন সভাপতি, উপ সভাপতি , কেবাগৰাকীও অৱসৰপ্ৰাপ্ত চিৰস্তাদাৰ আৰু মুখ্য সহায়কে বিশিষ্ট অতিথি হিচাপে উপস্থিত থাকে ৷ অনুষ্ঠানত বঙাইগাঁও জিলা উপায়ুক্ত কাৰ্যালয়ৰ অৱসৰপ্ৰাপ্ত কৰ্মচাৰী শতদল সাহা, সমৰ চক্ৰৱৰ্তী,দেৱ প্ৰসাদ ৰাভা, চেতনা কান্ত মেধি,দ্বীপেন ৰায়, গৌৰী শংকৰ ৰায়, লাল মোহন ব্ৰহ্ম, ধৰ্মকান্ত ৰায়, বিনোদ দাস, প্ৰসেনজিৎ বৈদ্য , পুতু আলী, কৈলাশ ৰায়,ভৱেন ৰায়,সিংগেশ্বৰ মাহাতোকে ধৰি কেইবাগৰাকীক মাণপত্ৰ আৰু ফুলাম গামোচাৰে সম্বৰ্ধনা জনোৱা হয় ৷ সন্ধিয়া সন্থাৰ সভাপতি গোপীনাথ দত্তৰ সভাপতিত্বত অনুষ্ঠিত প্ৰতিনিধি সভাৰ প্ৰথম বৈঠক উদ্বোধন কৰে জিলাৰ অতিৰিক্ত উপায়ুক্ত শ্যামল ক্ষেত্ৰ গগৈয়ে আৰু আদৰণি ভাষণ ৰাখে আদৰণি সমিতিৰ সাধাৰণ সম্পাদক নন্দলাল বৰ্মনে ৷ সন্ধিয়া বন্তি প্ৰজ্বলনো কৰা হয় ৷ কাইলৈ পুৱা গছপুলি ৰোপণ, সাংস্কৃতিক শোভাযাত্ৰা, বিষয় বাচনি সভা আৰু মুকলি সভা অনুষ্ঠিত হ'ব ৷🔯