🔯বিষাক্ত নিউৰ’টক্সিক সাপৰ (ব্লেক ক্রেইট) কামোৰত সংজ্ঞানহীন শিশু🔯

🔯বিষাক্ত নিউৰ’টক্সিক সাপৰ (ব্লেক ক্রেইট) কামোৰত সংজ্ঞানহীন শিশু🔯

🔯বঙাইগাঁও চিকিৎসালয়ৰ চিকিৎসকৰ সফল প্ৰচেষ্টাত পুনৰ জীৱন লাভ🔯 

📝বঙাইগাঁওঃ ২৬ নৱেম্বৰঃ বঙাইগাঁও অসামৰিক চিকিৎসালয়ৰ এদল চিকিৎসকৰ নিৰলস প্ৰচেষ্টাত পুনৰ জীৱন লাভ কৰিছে এটি ফুলকুমলীয়া শিশুৱে ৷ বঙাইগাঁও জিলাৰ যোগীঘোপা থানাৰ অন্তৰ্গত বালাপাৰাৰ আঞ্জুমা বেগম (৩ বছৰ ৫ মাহ ) বয়সীয়া এটি কন্যা শিশুক মঙলবাৰৰ দুপৰীয়া (২২ নৱেম্বৰ) ঘৰত খেলি থকা অৱস্থাত বিষাক্ত নিউৰ’টক্সিক সাপ (ব্লেক ক্রেইট) কামুৰিছিল ৷ শিশুটিৰ অভিভাৱকৰ ভাষ্যমতে, শিশুটিৰ মাকে ঘৰুৱা কামত ব্যস্ত থকাৰ সময়তে তেওঁলোকৰ ঘৰৰ বাহিৰত শিশুটিয়ে খেলি আছিল ৷ খেলি থকাৰ সময়তে বিষাক্ত সাপে শিশুটিক দংশন কৰাৰ পিছতে তাই দৌৰি মাকৰ ওচৰলৈ আহে ৷ পৰৱৰ্তী সময়ত শিশুটিৰ মুখেৰে ফেন ওলাই সংজ্ঞানহীন হৈ পৰে ৷ অচেতন শিশুটিক মঙলবাৰৰ দুপৰীয়া ১-২০ বজাত বঙাইগাঁও অসামৰিক চিকিৎসালয়ৰ জৰুৰীকালীন ৱাৰ্ডৰ আইচিইউত ভৰ্তি কৰে৷ ইপিনে শ্বাস-প্ৰশ্বাসত কষ্ট পোৱা শিশুটিক হাস্পতালৰ আইচিইউ ষ্টাফ ক্ৰমে ডা:এমএম ৰহমান,ডা: সবনম কলিতা,ডা:সুমন কলিতা আৰু ডা:সুমন পাল আদি চাৰিজনীয়া চিকিৎসকৰ দলটোৱে তাৎক্ষণিকভাৱে ইনকুবেটেড আৰু এন্টি স্নেক ভেনম ইনজেকচন দিয়ে  আৰু ক্ৰমাগত ৪ ঘন্টা চিকিৎসাৰ পিছত শিশুটি সুস্থ হৈ উঠে ৷ বিপদমুক্ত হোৱাৰ অন্তত  বৃহস্পতিবাৰে (২৪ নৱেম্বৰ) হাস্পতালৰ আইচিইউৰ পৰা শিশুটিক ৰিলিজ দিয়ে ৷ বঙাইগাঁও অসামৰিক চিকিৎসালয়ৰ চিকিৎসকৰ দলটোৰ এনে প্ৰচেষ্টাক ৰাইজে ভূয়সী প্ৰশংসা কৰিছে ৷🔯