🔯বঙাইগাঁৱত দুদিনীয়াকৈ অনুষ্ঠিত সদৌ অসম মাধ্যমিক বিদ্যালয় কাৰ্য্যালয় সহায়ক সংস্থাৰ অষ্টাদশ দ্বি-বার্ষিক ৰাজ্যিক অধিবেশনৰ সামৰণি🔯

🔯বঙাইগাঁৱত দুদিনীয়াকৈ অনুষ্ঠিত সদৌ অসম মাধ্যমিক বিদ্যালয় কাৰ্য্যালয় সহায়ক সংস্থাৰ অষ্টাদশ দ্বি-বার্ষিক ৰাজ্যিক অধিবেশনৰ সামৰণি🔯

🔯নতুন কাৰ্য্যনিৰ্বাহক সমিতি গঠন🔯 

📝বঙাইগাঁওঃ ২৭ নবেম্বৰঃ বঙাইগাঁৱত অনুষ্ঠিত সদৌ অসম মাধ্যমিক বিদ্যালয় কাৰ্য্যালয় সহায়ক সংস্থাৰ অষ্টাদশ দ্বি-বার্ষিক ৰাজ্যিক অধিবেশনখন দেওবাৰে সামৰণি পৰে ৷ শনিবাৰৰ পৰা বঙাইগাঁও জিলা সমিতিৰ আতিথ্যত দুদিনীয়াকৈ সীমিত কাৰ্য্যসূচীৰে বঙাইগাঁওস্থিত বীৰঝৰা উচ্চতৰ মাধ্যমিক বিদ্যালয় প্ৰাংগণত অনুষ্ঠিত হোৱা ৰাজ্যিক অধিৱেশনৰ দেওবাৰে দ্বিতীয় দিনা পুৱা সদৌ অসম মাধ্যমিক বিদ্যালয় কাৰ্য্যালয় সহায়ক সংস্থাৰ ১৮ সংখ্যক দ্বি-বার্ষিক অধিবেশনৰ পতাকা উত্তোলনেৰে দ্বিতীয় দিনাৰ কাৰ্যসূচী মুকলি কৰে সভাপতি হৰিশ কুমাৰ শইকীয়াই আৰু  বন্তি প্রজ্বলন তথা স্মৃতি তর্পণ কৰে বঙাইগাঁও জিলা কৰ্মচাৰী পৰিষদৰ প্ৰাক্তন সভাপতি ডাঃ নিৰ্মল কুমাৰ ৰায়ে ৷ ইয়াৰ পিচতে গছপুলি ৰোপণ কৰে বীৰঝৰা উচ্চতৰ মাধ্যমিক বিদ্যালয়ৰ অধ্যক্ষ কিশোৰ কুমাৰ দাস আৰু বীৰঝৰা ছোৱালী উচ্চতৰ মাধ্যমিক বিদ্যালয়ৰ অধ্যক্ষ শচীন শীল শৰ্মাই ৷ আনহাতে অধিৱেশনৰ লগত সংগতি ৰাখি সংস্থাৰ কেন্দ্ৰীয় সমিতিৰ সভাপতি হৰিশ কুমাৰ শইকীয়াৰ সভাপতিত্বত অনুষ্ঠিত স্মৃতিগ্ৰন্থ উন্মোচন আৰু আদৰণী অনুষ্ঠানত সদৌ অসম কৰ্ম্মচাৰী পৰিষদৰ উপদেষ্টা প্রদীপ দত্ত, সম্পাদক প্রধান দিলীপ কলিতা আৰু সদৌ অসম আমোলা সংস্থাৰ সম্পাদক সত্য নাৰায়ণ ৰায়ে বিশিষ্ট অতিথি হিচাপে উপস্থিত থাকি বক্তব্য ৰাখে ৷

বিশিষ্ট অতিথিৰ ভাষণত তেওঁলোকে সহায়ক সন্থাৰ দাবীসমূহ সমাধানৰ ক্ষেত্ৰত সহযোগ কৰৰ কথা ব্যক্তি কৰি নতুন পেঞ্চন ব্যৱস্থাৰ বিৰোধিতা কৰি পুৰণি পেঞ্চন ব্যৱস্থা প্ৰৱৰ্তনৰ প্ৰয়োজনিওতাৰ কথা দোহাৰি চৰকাৰৰ ওচৰত দাবী উত্থাপন কপি অহাৰ কথা ব্যক্ত কৰে ৷ আনহাতে 'সহায়ক' স্মৃতিগ্ৰন্থখন উন্মোচন কৰে বঙাইগাঁৱৰ বিশিষ্ট সাহিত্যিক ড° শান্তনাময়ী মজুমদাৰে ৷ অনুষ্ঠানত বঙাইগাঁও জিলা প্ৰাথমিক শিক্ষা বিষয়া তথা বিদ্যালয়সমূহৰ পৰিদৰ্শক আৰু অভ্যৰ্থনা সমিতিৰ সভাপতি জ্যোৎস্না ৰাণী বৰ্মনো উপস্থিত থাকি বক্তব্য ৰাখে ৷ অধিৱেশনত মূলত সহায়কসকলৰ বিভিন্ন অভাৱ- অভিযোগসমূহৰ ওপৰত আলোচনা কৰি প্ৰস্তাৱ গ্ৰহণ কৰে ৷ সংস্থাৰ সভাপতি হৰিশ কুমাৰ শইকীয়াই সংবাদ মাধ্যমৰ আগত কয় যে সহায়ক সন্থাৰ মূল দাবীসমূহ হ'ল বন্ধ হৈ থকা কাৰ্য্যালয় সহায়কসকলৰ পদোন্নতিৰ নিৰ্দেশনা বাতিল কৰি পুনৰ পদোন্নতিৰ ব্যৱস্থা কৰা, বিদ্যালয়সমূহত যিসকল কৰ্মৰত এন পি এচ ক কৰ্মচাৰি আছে তেওঁলোকক অ পি এচলৈ নিয়াৰ ব্যৱস্থা কৰি পেঞ্চন দিয়াৰ ব্যৱস্থা কৰা, বিদ্যালয় এখনত প্ৰথম মানৰ পৰা উচ্চতৰ মাধ্যমিক পৰ্যায়লৈ ছাত্ৰ - ছাত্ৰী থাকে যদিও কৰ্মচাৰি হয়তো এজনেই আছে ৷ সেই অনুসৰি পুৱাৰে পৰা চাৰি - পাঁচ বজালৈ কাম কৰি থকাৰ বিনিময়ত এটা বিশেষ দৰমহা দিয়াৰ ব্যৱস্থা কৰা, বিদ্যালয় পৰিচালনা সমিতিত কাৰ্য্যালয় সহায়কগৰাকীক এজন সদস্য পদ দিয়া আদি অধিৱেশনৰ প্ৰতিনিধি সভাত প্ৰস্তাৱ গ্ৰহণ কৰি এই সমস্যাসমূহ সমাধান কৰাৰ বাবে চৰকাৰক দাবী জনাইছো ৷ আহনাতে যদি চৰকাৰে আমাৰ এই দাবীসমূহ মানি নলয় তেতিয়াহলে আগন্তুক দিনত আন্দোলনৰ কাৰ্য্যসূচী গ্ৰহণ কৰিব বুলিও স্পষ্ট কৰি দিয়ে ৷ আবেলি অনুষ্ঠিত হয় প্ৰতিনিধি সভাৰ অন্তিম বৈঠক আৰু ইয়াৰ পিচতে পুৰণা সমিতি ভংগ আৰু নতুন সমিতি গঠন কৰা হয় ৷ 

গঠিত নতুন সমিতি অনুসৰি আগন্তুক কাৰ্য্যকালৰ বাবে সদৌ অসম মাধ্যমিক বিদ্যালয় কাৰ্য্যালয় সহায়ক সংস্থাৰ নতুন সমিতিৰ সভাপতি হিচাপে কাচাৰৰ এচ এম শিবলি মজুমদাৰ আৰু সাধাৰণ সম্পাদক হিচাপে কামৰূপৰ ভৱেশ নাথ নিৰ্বাচিত হয় ৷ আনহাতে উপ সভাপতি শিৱ প্রসাদ কলিতা, (শিৱসাগৰ),  প্রবীণ গগৈ (লক্ষিমপুৰ), ৰকিবুল ইছলাম (বৰপেটা), হৰেন শৰ্মা (নলবাৰী) ,সহকাৰী সাধাৰণ সম্পাদক হিচাপে দুলুমনি ভৰালী, (ধেমাজি) ,শংকৰ সৰকাৰ (বঙাইগাঁও) ,ৰেজাউল হক (দৰং), সাংগাঠনিক সম্পাদক হিচাপে বলেন তালুকদাৰ (নলবাৰী), বাহাৰুল ইছলাম (গোৱালপাৰা), সীমান্ত শইকীয়া৷(যোৰহাট), সুকুৰাম বসুমতাৰী(ওদালগুৰি), থামাচ নাগ (বিশ্বনাথ চাৰিআলি) , ৰূপক শইকীয়া (গোলাঘাট), প্রচাৰ সম্পাদক হিচাপে ৰাজ দে (কৰিমগঞ্জ),পৰমেশ্বৰ দাস( জামালপুৰ) , হিচাব পৰীক্ষক হিচাপে প্রহ্লাদ দাস( কামৰূপ), ডেকাগিৰি বৰবৰা (চৰাইদেউ) মনবাহাৰ আলী (নলবাৰী) আৰু কোষাধক্ষ্য হিচাপে মহীবুৰ ৰহমান( নগাঁও) নিৰ্বাচিত হয় ৷ বিয়লি ৪ বজাত পতাকা অবনমনেৰে অধিৱেশনৰ কাৰ্যসূচীৰ সামৰণি পৰিব ৷ উল্লেখ্য যে ২৬ নবেম্বৰৰ বিয়লি প্রতিনিধিৰ নাম পঞ্জীয়ণ , ৰাজ্যিক কাৰ্য্যনিৰ্বাহকৰ অন্তিম সভা আৰু বিয়লি প্ৰতিনিধি শিবিৰ মুকলি, সন্ধিয়া প্ৰতিনিধি সভাৰ প্ৰথম বৈঠক তথা নিশা প্রতিনিধি সভাৰ দ্বিতীয় বৈঠক অনুষ্ঠিত হৈছিল ৷🔯