🔯অসম জাতীয়তাবাদী যুৱ ছাত্ৰ পৰিষদৰ বঙাইগাঁও জিলা সমিতিৰ অধিৱেশন সম্পন্ন🔯

🔯অসম জাতীয়তাবাদী যুৱ ছাত্ৰ পৰিষদৰ বঙাইগাঁও জিলা সমিতিৰ অধিৱেশন সম্পন্ন🔯

🔯৩১ জনীয়া নতুন গঠন🔯 

📝বঙাইগাঁওঃ ২৭ নৱেম্বৰঃ অসম জাতীয়তাবাদী যুৱ - ছাত্ৰ পৰিষদৰ বঙাইগাঁও জিলা সমিতিৰ বিংশতিতম দ্বি - বাৰ্ষিক অধিবেশনখন বঙাইগাঁও চহৰৰ কৃষ্টি বিকাশ সংঘত দেওবাৰে দিনজোৰা কাৰ্যসূচীৰে অনুষ্ঠিত হৈ যায় । বিগত সময় চোৱাত হোৱা বিভিন্ন খেলি মেলিৰ বাবে পুৰণি জিলা সমিতিখন কেন্দ্ৰীয় সমিতিয়ে ভংগ কৰি দিয়াৰ পিছত কেন্দ্ৰীয় সমিতিয়ে এখন আহ্বায়ক সমিতি গঠন কৰি জিলা সমিতিখন গঠন কৰে। অধিবেশন উপলক্ষ্যে পুৱা পৰিষদৰ পতাকা উত্তোলন কৰে জিলা সমিতি গঠনৰ মুখ্য আহ্বায়ক ব্ৰজেন বৰুৱাই আৰু শ্বহীদ তৰ্পণ কৰে আন এগৰাকী আহ্বায়ক পূৰ্ণ জ্যোতি দাসে। দুপৰীয়া আৰম্ভ হোৱা প্ৰতিনিধি সভাত সভাপতিত্ব কৰে ব্ৰজেন বৰুৱাই। উক্ত সভাৰ মুখ্য অতিথি হিচাপে উপস্থিত থাকে পৰিষদৰ কেন্দ্ৰীয় সমিতিৰ উপদেষ্টা হেমেন চক্ৰৱৰ্তী ৷ মুখ্য অতিথিৰ ভাষণত চক্ৰৱৰ্তীয়ে অসমত যুৱ ছাত্ৰ পৰিষদৰ প্ৰাসংগিকতাৰ ওপৰত অৱলোকন কৰে । 

সভাত কেন্দ্ৰীয় পৰ্যবেক্ষক হিচাপে উপস্থিত থকা কেন্দ্ৰীয় সহ: সাধাৰণ সম্পাদক ৰাতুল বৰগোহাঁইয়ে যুৱ ছাত্ৰ পৰিষদৰ যোদ্ধা মানসিকতাৰ বিষয়ে উল্লেখ কৰি আজিৰ সমস্যা জৰ্জৰিত অসমৰ পৰা আই মাতৃ অসমী আইক এখন সমৃদ্ধময় অসম গঢ়ি তোলাত পৰিষদৰ কৰ্মীৰ আপোচ বিহীন স্থিতিৰ কথা উল্লেখ কৰি সকলো নেতা কৰ্মীকে অসমী আইৰ চকুলো মোচিবলৈ আপোচ বিহীন হ'বলৈ আহ্বান জনায় ।সভাত সংগঠনটোৰ কেন্দ্ৰীয় প্ৰচাৰ সম্পাদক মুনিন্দ্ৰ নাথ ৰয়েও বক্তব্য প্ৰদান কৰে। বিয়লি হোৱা প্ৰতিনিধি সভাৰ দ্বিতীয় বৈঠকত সৰ্ব সন্মতি ক্ৰমে ২০২২-২৪ বৰ্ষৰ বাবে ব্ৰজেন বৰুৱাক সভাপতি আৰু পূৰ্ণ জ্যোতি দাসক সাধাৰণ সম্পাদক হিচাপে লৈ এখন ৩১ জনীয়া অসম জাতীয়তাবাদী যুৱ ছাত্ৰ পৰিষদৰ বঙাইগাঁও জিলা সমিতি গঠন কৰা হয় । সভাৰ অন্তত নৱ নিৰ্বাচিত বঙাইগাঁও জিলা সমিতিৰ হৈ সভাপতি ব্ৰজেন বৰুৱা আৰু  সাধাৰণ সম্পাদক পূৰ্ণ জ্যোতি দাসে পৰিষদৰ নেতা - কৰ্মীৰ লগতে জাতিয়তাবোধ সম্পন্ন জিলাবাসীক উদেশ্যি দিয়া বক্তব্যত স্পষ্ট ভাৱে অ জা যু চা প ৰ বঙাইগাঁও জিলা সমিতিয়ে আগন্তুক সময়ত জিলা খনৰ সমস্যা সমূহ সমাধানৰ বাবে সৰৱ ভূমিকা লোৱাৰ প্ৰতিশ্ৰুতি দিয়ে ৷ লগতে আগন্তুক সময়ত বঙাইগাঁও জিলাক অসমৰ ভিতৰতে এখন অগ্ৰসৰ জিলা হিচাপে পৰিচয় লাভ কৰাৰ বাবে অহোপুৰুষাৰ্থ কৰাৰ বাবে যৎপৰোনাস্তি আৰু অবিৰত প্ৰচেষ্টা চলোৱাৰ কথা দিয়ে ৷ এই ক্ষেত্ৰত জিলাবাসীৰ সহায় সহযোগ কামনা কৰে।🔯