🔯গুৱাহাটী বিশ্ববিদ্যালয়ৰ সদ্য ঘোষিত ২০২২ বৰ্ষৰ স্নাতক পাঠ্যক্ৰমৰ চূড়ান্ত পৰীক্ষাৰ ফলাফল🔯

🔯গুৱাহাটী বিশ্ববিদ্যালয়ৰ সদ্য ঘোষিত ২০২২ বৰ্ষৰ স্নাতক পাঠ্যক্ৰমৰ চূড়ান্ত পৰীক্ষাৰ ফলাফল🔯

🔯বঙাইগাঁৱৰ বীৰঝৰা মহাবিদ্যালয়ৰ ছাত্ৰ কৌশিপ সাহাৰ সর্ব্বোচ্চ নম্বৰ লাভেৰে প্রথম বিভাগৰ প্ৰথম স্থান দখল🔯

🔯২০২১ বৰ্ষত গণিত বিভাগত প্রতীম দাসে সর্ব্বোচ্চ নম্বৰেৰে দখল কৰিছিল প্রথম বিভাগৰ প্ৰথম স্থান🔯 

📝বঙাইগাঁওঃ ৩ নৱেম্বৰঃ গুৱাহাটী বিশ্ববিদ্যালয়ৰ সদ্য ঘোষিত ২০২২ বৰ্ষৰ স্নাতক পাঠ্যক্ৰমৰ চূড়ান্ত পৰীক্ষাৰ ফলাফলত বঙাইগাঁও চহৰস্থিত জিলাখনৰ আগশাৰীৰ উচ্চ শিক্ষানুষ্ঠান বীৰঝৰা মহাবিদ্যালয়ৰ পদার্থ বিজ্ঞান বিভাগৰ কৃতি ছাত্ৰ কৌশিপ সাহাই গুৱাহাটী বিশ্ববিদ্যালয়ৰ ভিতৰত সর্ব্বোচ্চ নম্বৰেৰে ( চিজিপিএ ৯.৫১) প্রথম বিভাগৰ প্ৰথম স্থান দখল কৰি বীৰঝৰা মহাবিদ্যালয়ৰ লগতে বঙাইগাওঁবাসীলৈ গৌৰৱ কৰিয়াই আনিবলৈ সক্ষম হৈছে। উল্লেখ্য যে কৌশিপ সাহাই ইতিমধ্যে ভাৰতীয় প্রযুক্তিবিদ্যা প্রতিষ্ঠানৰ (আইআইটি) দ্বাৰা সম্পাদিত সৰ্বভাৰতীয় জেএএম-২০২২ বাছনি পৰীক্ষাত উত্তীৰ্ণ হৈ বৰ্তমান আইআইটি পাটনাত পদার্থ বিজ্ঞান বিভাগত স্নাতকোত্তৰ পাঠ্যক্রমত (এমএছচি) অধ্যয়নৰত। 

ইপিনে গুৱাহাটী বিশ্ববিদ্যালয়ৰ ২০২১ বৰ্ষৰ স্নাতক চূড়ান্ত পৰীক্ষাৰ ফলাফলতো বীৰঝৰা মহাবিদ্যালয়ৰ গণিত বিভাগৰ কৃতি ছাত্র প্রতীম দাসে সর্ব্বোচ্চ নম্বৰৰে (চিজিপিএ-৯.৫৪) প্রথম বিভাগৰ প্ৰথম স্থান দখল কৰিবলৈ সক্ষম হৈছিল। বৰ্তমান তেওঁ আইআইটি মুম্বাইৰ গণিত বিভাগত স্নাতকোত্তৰ পাঠ্যক্ৰমত (এমএছচি) অধ্যয়ন কৰি আছে। ইপিনে বীৰঝৰা মহাবিদ্যালয়ৰ ভাৰপ্ৰাপ্ত অধ্যক্ষা হেমন্তী বালা ৰায় বৰ্মনে দুয়োগৰাকী ছাত্ৰৰ সাফল্যৰ বাবে শুভেচ্ছা জ্ঞাপন কৰিছে। মহাবিদ্যালয়ৰ ভাৰপ্ৰাপ্ত অধ্যক্ষা হেমন্তী বালা ৰায় বৰ্মনে লগতে এই সফলতা ছাত্র-ছাত্রীৰ কঠোৰ পৰিশ্ৰম আৰু অধ্যাপক-অধ্যাপিকা সকলৰ যথোচিত গুৰুত্বৰ বাবে সম্ভৱ হোৱাৰ কথা ব্যক্ত কৰিছে৷🔯