🔯বঙাইগাঁও পালে কংগ্ৰেছৰ ভাৰত জোড়ো যাত্ৰা:🔯

🔯বঙাইগাঁও পালে কংগ্ৰেছৰ ভাৰত জোড়ো যাত্ৰা:🔯

🔯বিজেপিয়ে সংখ্যালঘুসকলক বেয়া পায়, ঘৃণ কৰে , কিন্তু ৰাজ্যসভা নিৰ্বাচনত এআইইউডিএফৰ ভোট ল'বলৈ ভাল পায়- ভূপেন বৰা🔯

🔯ভোটৰ সময়ত ঠিক আছে, নোটৰ সময়ত সংখ্যালঘুক নেলাগে🔯

🔯হেলিকপ্টাৰত খৰচ কৰা পইচাকেইটা আমাৰ এই মূল্যবৃদ্ধিৰ ক্ষেত্ৰত অলপ চিন্তা কৰক🔯

🔯মুখ্যমন্ত্ৰীয়ে বছৰত বিশ কোটি টকা হেলিকপ্টাৰত খৰচ কৰাৰ বিপৰীতে নিজৰ ফটোখন এডৰ্ভাটাইজ কৰাৰ বাবে খৰচ কৰে এশ কোটি টকা🔯

📝বঙাইগাঁওঃ ৬ নবেম্বৰঃ বিজেপিয়ে সংখ্যালঘুসকলক বেয়া পায়, সংখ্যালঘুসকলক ঘৃণ কৰে ৷ ঠিকে আছে ৷ কিন্তু ৰাজ্যসভা নিৰ্বাচনত এআইইউডিএফৰ ভোট ল'বলৈ ভাল পায় ৷ সংখ্যালঘুক বিজেপিয়ে বেয়া পায়, কিন্তু এআইইউডিএফৰ বিধায়কে মুখ্যমন্ত্ৰীৰ বিছনাত বহিলে বেয়া নেপায় ৷ আপোনালোকক মই ফুটেজ দিম যে সংখ্যালঘু এআইইউডিএফৰ বিধায়কে মুখ্যমন্ত্ৰীৰ শোৱনি কথাৰ বিছনাত বহে ৷ সেইটো কিন্তু বেয়া নেপায় ৷ এই মন্তব্য অসম প্ৰদেশ কংগ্ৰেছ কমিটীৰ সভাপতি ভূপেন বৰাৰ ৷ অসমত কংগ্ৰেছৰ 'ভাৰত জোড়ো' যাত্ৰাৰ অংশ হিচাবে দেওবাৰে ষষ্ঠ দিনা বঙাইগাঁও জিলাৰ নিত্যবজাৰৰ পৰা অসম প্ৰদেশ কংগ্ৰেছৰ সভাপতি ভূপেন বৰাৰ নেতৃত্বত আৰম্ভ হোৱা পদযাত্ৰা কাৰ্যসূচীৰ মাজতে সংবাদ মাধ্যমৰ আগত এই মন্তব্য কৰে ৷ প্ৰদেশ কংগ্ৰেছৰ সভাপতি বৰাই কয় যে ৰাষ্ট্ৰপতি নিৰ্বাচনত এআইইউডিএফৰ বিধায়কৰ ঘৰলৈ গৈ, আজমলৰ ঘৰলৈ গৈ এইসকলে হাতে ভৰিয়ে ধৰে ৷ ভোটৰ সময়ত ঠিক আছে, নোটৰ সময়ত সংখ্যালঘুক নেলাগে ৷ এতিয়া টকা ঘটাৰ সময়, চিণ্ডিকেট চলোৱাৰ সময়, গতিকে এতিয়া গাঁৱৰ ৰাইজলৈ মনত নপৰে ৷ কিন্তু ৰাজ্যসভাৰ যেতিয়া ভোট আহে এআইইউডিএফৰ ভোট লাগে ৷ যেতিয়া ৰাষ্ট্ৰপতিৰ নিৰ্বাচন আহে তেতিয়া এআইইউডিএফৰ ভোট লাগে ৷এইটোৱে বিজেপিৰ চৰিত্ৰ ৷ ইপিনে পদযাত্ৰা কাৰ্যসূচী সন্দৰ্ভত কংগ্ৰেছৰ  সভাপতিগৰাকীয়ে কয় যে আমাৰ পদযাত্ৰাই কিমান কিলোমিটাৰ খোজ কাঢ়িছে আৰু কিমান মানুহে খোজ কাঢ়িছে সেইটোতকৈও মূল কথাটো হৈছে যোৱা ছদিনত দেখিছে যে ৰাইজে কি ধৰণে স্বতৰ্স্ফূতভাৱে আমাক সহাৰি দিছে ৷ আজি মই সঁচাকৈ আপ্লুত যে আশী বছৰীয়া আইতা আৰু আশী বছৰৰ ওপৰৰ ককাদেউতাই আজি ৰাজ পথলৈ ওলাই আহিছে ৷ এইদৰে কংগ্ৰেছৰ পদযাত্ৰা যিদৰে জনসমুদ্ৰত পৰিণত হৈছে ইয়াৰ পৰা যদি চৰকাৰে এটা বাৰ্তা লব'লৈ নিবিচাৰে তেতিয়াহলে কিন্তু চৰকাৰৰ বিপদ আসন্ন ৷ মই অসমৰ মুখ্যমন্ত্ৰীক আহ্বান জনাম যে আপুুনি হেলিকপ্টাৰত খৰচ কৰা পইচাকেইটা আমাৰ এই মূল্যবৃদ্ধিৰ ক্ষেত্ৰত অলপ চিন্তা কৰক ৷

বিশ কোটি টকা যে আপুনি বছৰত হেলিকপ্টাৰত খৰচ কৰে,  এশ কোটি টকা যে আপোনাৰ নিজৰ ফটোখন এডৰ্ভাটাইজ কৰাৰ বাবে খৰচ কৰে, সেই এশ বিশ কোটি টকা যদি আপুনি খৰচ নকৰিলেহেতেন, তেতিয়াহলে যোৱা সপ্তাহত আপুনি আঠশ কোটি টকা ধাৰ ল'ব নেলাগিলেহেতেন? এই সপ্তাহত ১৭ শ কোটি টকা ধাৰ ল'ব বিচাৰিছে ৷ সাত হেজাৰ কোটি টকা এই চৰকাৰে বছৰত লোণৰ সুদ দি আছে ৷ যদি সাত হেজাৰ কোটি টকা অসমৰ মানুহে সুদৰ সুদ দিব লাগে তেতিয়াহলে সৰ্বসাধাৰণ মানুহতো শেষ হৈ যাব ৷ কাৰণ আপুনি অন্যান্য নিত্য প্ৰয়োজনীয় সামগ্ৰীৰ দাম বৃদ্ধি কৰিবলৈ ওলাইছে ৷ তাৰ পিচত আজি আপুনি ভুতৰ ওপৰত দানহ পৰাদি পাঁচশখন নতুন মদৰ দোকান দি অসমৰ যুৱ প্ৰজন্ম আৰু অসমৰ ভৱিষ্যৎ প্ৰজন্মক আপুনি কোন ফালে ঠেলি দিব ওলাইছে ? এইবোৰ মোৰ প্ৰশ্ন নহয়, বাটে ঘাটে যিমান মানুহ পাইছো  সকলোৱে এই কথাবিলাক চৰকাৰৰ সন্মুখত লৈ অনাটো বিচাৰিছে ৷ সেয়ে অসমীয়া মানুহৰ স্বাৰ্থত, অসমৰ স্বাৰ্থত, অসমৰ নিবনুৱা সমস্যা সমাধানৰ স্বাৰ্থত,  বান পানী- গৰাখহনীয়া সমস্যা সমাধানৰ স্বাৰ্থত, মূল্যবৃদ্ধি নিয়ন্ত্ৰণৰ স্বাৰ্থত কংগ্ৰেছৰ আপোচবিহীন তথা নিৰবছিন্ন সংগ্ৰাম অব্যাহত থাকিব ৷  পদযাত্ৰাক অসমৰ মানুহে, বঙাইগাঁৱৰ মানুহে, অভয়াপুৰীৰ মানুহে স্বতৰ্স্ফূত সমৰ্থন দিছে  আৰু সেই সমৰ্থন শক্তিশালীৰূপত আহি থকা সময়ত তেওঁলোকে অব্যাহত ৰাখিব বুলি মোক কথা দিছে বুলিও কয় ৷ উল্লেখ্য যে নিত্য বজাৰৰ পৰা আৰম্ভ হোৱা ভাৰত জোড়ো পদ যাত্ৰাৰ কাৰ্যসূচীলৈ দক্ষিণ অভয়াপুৰী সমষ্টিবাসী ৰাইজে ব্যাপক সঁহাৰি জনায় । পদ যাত্ৰাত প্ৰদেশ কংগ্ৰেছৰ সভাপতি ভূপেন বৰাক সাংসদ আব্দুল খালেক, প্ৰদেশ কংগ্ৰেছৰ কাৰ্যকৰী সভাপতি জাকিৰ হুছেইন শিকদাৰ, বিধায়ক প্ৰদীপ সৰকাৰৰ লগতে বহু জ্যেষ্ঠ কংগ্ৰেছ কৰ্মীয়ে সংগ দিয়ে ৷

পদ যাত্ৰা বইটামাৰীৰ ইন্দিৰা গান্ধী মহাবিদ্যালয়ত সামৰণ পৰে ৷ পদযাত্ৰা সময়ত বিভিন্ন মঠ মন্দিৰৰ পৰা আশীষ গ্ৰহণ কৰে সভাপতি গৰাকীয়ে। ইয়াৰ উপৰি পদযাত্ৰা সময়ত সভাপতি ভূপেন বৰাই কোলাত শিশু লৈ আগবাঢ়ি যোৱা দেখিবলৈ পোৱা যায়। লগে লগে দুগৰাকী ৮০ বছৰীয়া আইতাও ভূপেন বৰাৰ লগত খোজত খোজ মিলাই এই যাত্ৰাত অংশ গ্ৰহণ কৰা পৰিলক্ষিত হয়। আনহাতে পুৱাৰ ভাগত সভাপতি ভূপেন বৰা আৰু সাংসদ আব্দুল খালেকে বঙাইগাঁৱৰ ভাকাৰিভিটাস্থিত আক্ৰাছুৰ কাৰ্যালয়ত উপস্থিত হৈ মহাবীৰ চিলাৰায়ৰ প্ৰতিমূৰ্তিত শ্ৰদ্ধাঞ্জলি জ্ঞাপন কৰে ৷ লগতে নিৰ্মীয়মান ভৱনৰ বাবে আব্দুল খালেকৰ সাংসদ পুঁজিৰ পৰা তিনি লাখ টকা আগবঢ়োৱাৰ কথা সভাপতি ভূপেন বৰাই ঘোষণা কৰে ৷🔯