🔯দিল্লীত চিকিৎসাধীন অৱস্থাত বঙাইগাঁৱৰ প্ৰাক্তন খণ্ড উন্নয়ন বিষয়া ভৈৰৱেন্দ্ৰ নাৰায়ণ চৌধুৰীৰ বিয়োগঃ শোকৰ ছাঁ🔯

🔯দিল্লীত চিকিৎসাধীন অৱস্থাত বঙাইগাঁৱৰ প্ৰাক্তন খণ্ড উন্নয়ন বিষয়া ভৈৰৱেন্দ্ৰ নাৰায়ণ চৌধুৰীৰ বিয়োগঃ শোকৰ ছাঁ🔯

📝বঙাইগাঁওঃ ৭ নবেম্বৰঃ বঙাইগাঁও চহৰৰ  বৰপাৰা নিবাসী তথা প্ৰাক্তন খণ্ড উন্নয়ন বিষয়া ভৈৰৱেন্দ্ৰ নাৰায়ণ চৌধুৰীৰ সোমবাৰে দিল্লীৰ দ্বাৰকাস্থিত আকাশ হেল্থকেয়াৰ ছুপাৰ স্পেচিয়েলিটি হস্পিতালত চিকিৎসাধীন অৱস্থাত মৃত্যু হয় ৷ মৃত্যুৰ সময়ত তেখেতৰ বয়স হৈছিল ৬৬ বছৰ ৷ উল্লেখ্য যে চাব্বিছ বছৰীয়া চৰকাৰী চাকৰি কালৰ সময়ত ভৈৰৱেন্দ্ৰ নাৰায়ণ চৌধুৰীয়ে একনিষ্ঠভাৱে দায়িত্ব আৰু কৰ্তব্য পালন কৰিছিল৷ দীৰ্ঘদিন ধৰি হাঁওফাওঁৰ সংক্ৰমণত ভোগা  চৌধুৰীক উন্নত চিকিৎসাৰ বাবে যোৱা ১৬ ছেপ্তেম্বৰত দিল্লীৰ দ্বাৰকাস্থিত আকাশ হেল্থকেয়াৰ ছুপাৰ স্পেচিয়েলিটি হস্পিতাললৈ নি ভৰ্তি কৰা হৈছিল৷ কিন্তু সোমবাৰে তেওঁ চিকিৎসালয়খনতে শেষ নিশ্বাস ত্যাগ কৰে ৷ মৃত্যুৰ সময়ত তেওঁ পত্নী, পুত্ৰ, কন্যা, বোৱাৰী আৰু অনেক গুণমুগ্ধকইহ সংসাৰত এৰি থৈ যায় ৷ প্ৰাক্তন খণ্ড উন্নয়ন বিষয়া চৌধুৰীৰ বিয়োগত বঙাইগাঁৱত শোকৰ ছাঁ পৰিছে৷🔯