🔯বঙাইগাঁও ৰে’লৱে উচ্চ মাধ্যমিক বিদ্যালয়ৰ ১৯৮৭ বৰ্ষৰ প্রাক্তন ছাত্ৰ-ছাত্ৰীৰ সম্মিলন সম্পন্ন🔯

🔯বঙাইগাঁও ৰে’লৱে উচ্চ মাধ্যমিক বিদ্যালয়ৰ ১৯৮৭ বৰ্ষৰ প্রাক্তন ছাত্ৰ-ছাত্ৰীৰ সম্মিলন সম্পন্ন🔯

📝বঙাইগাঁওঃ ২৩ নৱেম্বৰঃ  বঙাইগাঁও চহৰৰ ওল্ড কলনিস্থিত ৰে’লৱে ইনষ্টিটিউট প্ৰাংগণত দেওবাৰে দিনজোৰা কাৰ্যসূচীৰে বঙাইগাঁও ৰে’লৱে উচ্চ মাধ্যমিক বিদ্যালয়ৰ ১৯৮৭ বৰ্ষৰ প্রাক্তন ছাত্ৰ  - ছাত্ৰীৰ সম্মিলন অনুষ্ঠিত হৈ যায় ৷ স্কুলৰ শতাধিক  প্রাক্তন ছাত্র-ছাত্রী এই সম্মিলনত অংশগ্রহণ কৰে।বঙাইগাঁও ৰে’লৱে উচ্চ মাধ্যমিক বিদ্যালয়ৰ অৱসৰপ্রাপ্ত শিক্ষক শৈলেশকান্তি দেবে পুৱাৰ ভাগত বন্তি প্ৰজ্বালন কৰি অনুষ্ঠানৰ শুভাৰম্ভ কৰে ৷ ইয়াৰ পিছত প্রাক্তন ছাত্রী সোমা অধিকাৰী, নাৰায়ণী ৰায় সহ অন্যান্য প্রাক্তন ছাত্ৰ-ছাত্ৰীয়ে  সমবেত উদ্বোধনী সঙ্গীত পৰিবেশন কৰে ৷  বঙাইগাঁও ৰে’লৱে উচ্চ মাধ্যমিক বিদ্যালয়ৰ অৱসৰপ্রাপ্ত শিক্ষক সমীৰণ দাস, সুব্রত দে, হেমন্ত সৰকাৰ, শৈলেশকান্তি দেব,বীৰেশ্বৰ ৰায়, চন্দন দাস, স্মৃতি সিংহ, কৃষ্ণা বোস, দিপালী দাসক  ক্লাচমেট ১৯৮৭ গ্রুপৰ তৰফৰ পৰা উত্তৰীয়, স্মৃতি  স্মাৰক, মানপত্র আৰু ফুলৰ থোপাৰে সংবর্ধনা   জানোৱা হয়। সন্ধিয়াৰ ভাগত ‘প্রাক্তনী ইমোশন' নামৰ এখন মুখপত্ৰ উন্মোচন কৰা হয়।  অৱসৰপ্ৰাপ্ত শিক্ষক উৎপল কুমাৰ মজুমদাৰে মুখপত্ৰৰ বিষয়বস্তু , প্ৰয়োজনীয়তা আৰু উপকাৰিতা সম্বন্ধে মুল্যবান ভাষণ প্ৰদান কৰে।পাণ্ডু মহাবিদ্যালয়ৰ অৱসৰ প্ৰাপ্ত অধ্যাপক  নীলমোহন ৰায়ে প্ৰাক্তনী ইমোশন, আধুনিক শিক্ষা ব্যৱস্থা, সন্তান গঢ় দিয়াৰ ক্ষেত্ৰত পিতৃ-মাতৃৰ ভূমিকা সম্পৰ্কত বিশষ আলোচনা কৰে। অনুষ্ঠানত প্ৰাক্তন ছাত্ৰ -ছাত্ৰীৰে নিৰ্মিত এখনি ভিডিঅ' ফিল্মমো প্ৰদৰ্শন কৰা হয়। বিশিষ্ট অতিথি সকলৰ সম্বৰ্দ্ধনা জনোৱাৰ পিছত সাংস্কৃতিক অনুষ্ঠান অনুষ্ঠিত হয়। উল্লেখ্য যে অনুষ্ঠানত ক্লাচমেট গ্ৰুপ -১৯৮৭ তৰফৰ পৰা সভাপতি  সুমন মুখাৰ্জী, সম্পাদক সুকান্ত দত্ত, সোমা অধিকাৰী সৰকাৰ, নাৰায়ণী মণ্ডল ৰায়  , হিমাদ্ৰী দাস আদি বিশিষ্ট ব্যক্তি সকলক কৃতজ্ঞতা জ্ঞাপন কৰে।🔯