🔯লাচিত জয়ন্তী উপলক্ষ্যে বঙাইগাঁৱত খেল আৰু কুইজ প্ৰতিযোগিতা🔯

🔯লাচিত জয়ন্তী উপলক্ষ্যে বঙাইগাঁৱত খেল আৰু কুইজ প্ৰতিযোগিতা🔯

📝বঙাইগাঁওঃ ২৩ নবেম্বৰ : বঙাইগাঁও জিলা প্ৰশাসনৰ উদ্যোগত ১৮  নবেম্বৰৰ পৰা উদযাপিত বীৰ লাচিত বৰফুকনৰ ৪০০ সংখ্যক জয়ন্তী উপলক্ষ্যে বুধবাৰে পৰম্পৰাগত খেল, কুইজ আদি প্ৰতিযোগিতা অনুষ্ঠিত হয়। পুৱাৰ ভাগত জেলকাঝাৰস্থিত ব্ৰেইন ট্ৰি আন্তৰ্জাতিক বিদ্যালয়ত ধনুৰ্বিদ্যা খেল অনুষ্ঠিত কৰা হয়। তাৰ পিছতে বঙাইগাঁও চহৰৰ মাজ মজিয়াত থকা বীৰঝৰা উচ্চতৰ মাধ্যমিক বিদ্যালয় খেল পথাৰত মহিলা আৰু পুৰুষ উভয় দলৰে ৰচী টনা খেল অনুষ্ঠিত কৰা হয়। উক্ত খেল পথাৰতে টেকেলি ভঙা খেলো অনুষ্ঠিত কৰা হয়। উল্লেখ থাকে যে ৰচী টনা খেলত পুৰুষৰ শাখাত খেলি জিলা প্ৰশাসনে প্ৰথম পুৰস্কাৰ পোৱাৰ লগতে বৃহত্তৰ বঙাইগাঁও প্ৰেছ ক্লাৱে দ্বিতীয় স্থান অধিকাৰ কৰিবলৈ সক্ষম হয়। 

আনহাতে শিক্ষা বিভাগৰ অধীনত৷বীৰঝৰা পাব্লিক লাইব্ৰেৰীত অষ্টম শ্ৰেণীৰ পৰা দশম শ্ৰেণীৰ ছাত্ৰ-ছাত্ৰীৰ মাজত লাচিত বৰফুকনৰ জীৱন আৰু  ইতিহাস সম্পৰ্কত কুইজ প্ৰতিযোগিতা অনুষ্ঠিত কৰা হয় ৷ সেইদৰে  বিদ্যাপুৰ, ধনতোলা বজাৰ, যোগীঘোপা আৰু বালাপাৰাত লাচিত বৰফুকন সম্পৰ্কত বাটৰ নাট অনুষ্ঠিত কৰা হয়। সন্ধিয়া জিলা পুথিভঁৰালত সাত ভনী নৃত্য, মুকাভিনয়, আবৃত্তি, নাটক আদি অনুষ্ঠান অনুষ্ঠিত কৰা হয়।🔯