🔯বঙাইগাঁও কলেজ শিক্ষক সংস্থাৰ বাৰ্ষিক সাধাৰণ সভা সম্পন্ন🔯

🔯বঙাইগাঁও কলেজ শিক্ষক সংস্থাৰ বাৰ্ষিক সাধাৰণ সভা সম্পন্ন🔯

🔯নতুন কাৰ্যকৰী সমিতি গঠন🔯

📝বঙাইগাঁওঃ ২৩ নবেম্বৰঃ  অসম কলেজ শিক্ষক সংস্থাৰ বঙাইগাঁও কলেজ গোটৰ বাৰ্ষিক সাধাৰণ সভাখন সংস্থাৰ সভাপতি ভৱানী প্ৰসাদ শৰ্মাৰ সভাপতিত্বত বুধবাৰে দুপৰীয়া ১২ বজাত বঙাইগাঁও মহাবিদ্যালয়ৰ সভাকক্ষত অনুষ্ঠিত হয়। সভাত পৰ্যবেক্ষক হিচাপে উপস্থিত থাকে বীৰঝৰা মহাবিদ্যালয়ৰ অধ্যাপক ডঃ হেমন্ত কুমাৰ সাউদ। কেন্দ্ৰীয় সমিতিৰ সহ- সম্পাদক ডঃ ফটিক চন্দ্ৰ কলিতা, বঙাইগাঁও মহাবিদ্যালয়ৰ উপাধ্যক্ষ মল্লিকা খাখলাৰী, সংস্থাৰ প্ৰাক্তন কাৰ্যকৰী সদস্য ডঃ তৰুণ কুমাৰ বাহাদুৰকে আদি কৰি বঙাইগাঁও মহাবিদ্যালয়ৰ অধ্যাপক- অধ্যাপিকাসকল উপস্থিত থকা বাৰ্ষিক সাধাৰণ সভাত বছৰেকীয়া প্ৰতিবেদন পাঠ কৰে সাধাৰণ সম্পাদক ডঃ বণজিৎ শৰ্মাই। সভাত সংস্থাৰ আগন্তুক মাণ্ডলিক তথা কেন্দ্ৰীয় সমিতিৰ অধিবেশনত প্ৰতিনিধি নিৰ্বাচন কৰাৰ উপৰিও বিভিন্ন বিষয়ৰ ওপৰত আলোচনা কৰি সিদ্ধান্ত গ্ৰহণ কৰা হয়। আনহাতে ডঃৰূপাঞ্জলি দেৱীক সভাপতি আৰু ৰাজীৱ বৰাক সাধাৰণ সম্পাদক হিচাপে লৈ আগন্তুক কাৰ্যকালৰ বাবে এখন নতুন শক্তিশালী কাৰ্যকৰী সমিতি গঠন কৰা হয়। সভাপতিৰ মন্তব্যৰ পিছত অসমৰ জাতীয় সংগীত পৰিবেশনৰ পিছতে সভা ভংগ কৰা হয়।🔯