🔯বঙাইগাঁৱত পৰিত্যক্ত ৰে'লৱে আৱাসত অৰ্ধ গলিত মৃতদেহ উদ্ধাৰ🔯

🔯বঙাইগাঁৱত পৰিত্যক্ত ৰে'লৱে আবাসত অৰ্ধ গলিত মৃতদেহ উদ্ধাৰ🔯 

📝বঙাইগাঁওঃ ৭ নবেম্বৰঃ বঙাইগাঁও চহৰৰ ৰে'লৱে অল্ড কলনীৰ পালপাৰা ৰোডস্থিত এটা পৰিত্যক্ত ৰে'লৱে আবাসত সোমবাৰে চিপলৈ ওলোমি থকা অৱস্থাত এটি অচিনাক্ত লোকৰ অৰ্ধ গলিত মৃতদেহ উদ্ধাৰ হয় ৷ ৰে'লৱে আৱাসৰ ৯৯/বি নম্বৰৰ আৱাসত এই মৃতদেহটো উদ্ধাৰ হয় ৷ জানিব পৰা মতে এগৰাকী মহিলাই প্ৰথমে মৃদেহটো প্ৰত্যক্ষ কৰি স্থানীয় লোকক অৱগত কৰে ৷ পিচত আৰক্ষীক খবৰ দিয়াত আৰক্ষীৰ দল ঘটনাস্থলীত উপস্থিত হৈ মতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে ৷ স্থানীয় ৰাইজৰ অভিযোগ দীৰ্ঘ দিনৰ পৰা উক্ত অঞ্চলত ড্ৰাগছ, মদৰ আড্ডা , জুৱা চলি আহিছে ৷ বহু দূৰৰ পৰা হেনো যুৱকৰ আগমন ঘটে উক্ত স্থানত। কিন্তু প্ৰশাসন নিৰ্বিকাৰ ৷ যাৰ ফলত এই ঘটনা সংঘটিত হ'বলৈ পালে বুলিও কয় ৷ স্থানীয় ৰাইজে প্ৰকাশ কৰা মতে এই স্থানলৈ বৰপেটা, বিজনী, চৌৰাগুৰি আদি অঞ্চলৰ পৰা একাংশ যুৱকে ড্ৰাগছ লৈ আহে আৰু সেই ড্ৰাগছ ক্ৰয় কৰাৰ বাবে বিভিন্ন ঠাইৰ পৰা যুৱক আহে ৷ সেয়ে প্ৰশাসনক ড্ৰাগছৰ আড্ডা বন্ধ কৰিবলৈ ৰাইজে দাবী জনাইছে । উল্লেখ্য যে উদ্ধাৰ হোৱা মৃত লোকজনে নিজে আত্মহত্যা কৰিছে নে কোনোবাই হত্যা কৰি আত্মহত্যাৰ ৰূপ দিবলৈ ওলোমাই থৈছিল সেয়া মৰণোত্তৰ পৰীক্ষাৰ প্ৰতিবেদনত উন্মোচিত হ'ব ৷ লগতে প্ৰকৃত ঘটনাটো পোহৰলৈ আহিব আৰক্ষীৰ তদন্ততহে ৷ আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে ৷ 🔯