🔯এপার্ট, কেভিকেৰ অধীনত বঙাইগাঁৱত ধান কটা কর্মসূচী ৰূপায়িত🔯

🔯এপার্ট, কেভিকেৰ অধীনত বঙাইগাঁৱত ধান কটা কর্মসূচী ৰূপায়িত🔯

📝বঙাইগাঁওঃ ৫ নৱেম্বৰঃ অসম কৃষি ব্যৱসায় আৰু গ্রামীণ ৰূপান্তৰিত প্রকল্প (এপার্ট)ৰ অধীনত কৃষি বিজ্ঞান কেন্দ্র (কেভিকে) বঙাইগাঁৱৰ দ্বাৰা নব্য পদ্ধতিৰে ' বিনা ধান-১১' প্ৰজাতিৰ ধান কটাৰ কার্যক্রম সফলভাৱে পৰিচালিত হৈছে ৷ উল্লেখ্য যে স্থানীয় জাতৰ তুলনাত বিনা ধান-১১ ৰ ফলন কার্যক্ষমতা নির্ধাৰণ তথা মূল্যায়ণৰ বাবে বঙাইগাঁও জিলাৰ ডাংতল উন্নয়ন খণ্ডৰ অধীনৰ ছিপনছিলাৰ লগতে জিলাখনৰ সৃজনগ্ৰাম উন্নয়ন খণ্ডৰ অন্তৰ্গত সোণাখুলি আৰু বামুণগাঁৱত হেড টু হেড ইন্টিগ্রেটেড ক্রপ মেনেজমেন্ট ডেমনেষ্ট্ৰেচনৰ কার্যক্রমৰ আৰম্ভণি কৰা হৈছিল ৷

এপার্টৰ এই কাৰ্যক্ৰমত নাৰী-পুৰুষ উভয় কৃষকে অংশ গ্রহণ কৰিছিল ৷কৃষক সকলে বিনা ধান-১১ জাতৰ ফলন কর্মক্ষমতা সম্পর্কে ফলপ্রসূ ফলাফল প্ৰাপ্তিৰ কথা প্ৰকাশ কৰিছে ৷ লক্ষ্যণীয় যে অতি কম দিনৰ ভিতৰত স্থানীয় প্ৰজাতিৰ ধানৰ তুলনাত বিনা ধান-১১ প্ৰজাতিৰ ধানৰ খেতি কৰি সন্তুোষ লাভ কৰিছে কৃষক সকলে ৷ তদুপৰি কৃষক সকলে এই প্ৰজাতিৰ ধানৰ ফলনৰ হাৰ বেছি, ধানত ৰোগ কম পৰিমাণে হোৱাৰ বিপৰীতে কীট-পতংগৰ আক্ৰমণ কমকৈ হৈছে বুলিও উল্লেখ কৰে ৷ ইপিনে সংশ্লিষ্ট অঞ্চলত বিনা ধান-১১' প্ৰজাতিৰ ধান কটাৰ কার্যক্রমত প্ৰৰকল্প সহায়ক অশোক কুমাৰ গগৈ, সহকাৰী প্ৰকল্প বিজ্ঞানী প্ৰশান্ত কুমাৰ দাস, আই আৰ আৰ আইৰ কনিষ্ঠ গৱেষক অক্ষয় ভৰদ্বাজ আৰু গৱেষক প্রকর্মীদ্বয় ক্ৰমে ভাস্কৰ বৰুৱা আৰু আশ্ৰাফুল আহমেদ উপস্থিত থাকে ৷🔯