🔯বঙাইগাঁও পৌৰসভা কৰ্তৃপক্ষৰ নিৰ্দেশনাক অবমাননা কৰি বঙাইগাঁও চহৰৰ মূলপথত ই-ৰিক্সা চলাচল🔯

🔯বঙাইগাঁও পৌৰসভা কৰ্তৃপক্ষৰ নিৰ্দেশনাক অবমাননা কৰি বঙাইগাঁও চহৰৰ মূলপথত ই-ৰিক্সা চলাচল🔯

🔯মূল পথত ই-ৰিক্সাৰ চলাচল বন্ধ কৰাৰ দাবী🔯

📝বঙাইগাঁওঃ ৫ নবেম্বৰঃ বঙাইগাঁও চহৰৰ মূল পথত ই-ৰিক্সাৰ চলাচল বন্ধ কৰিবলৈ দাবী জনাইছে মটৰ ট্ৰেন্সপোৰ্ট কৰ্মী ইউনিয়নে ৷ ইউনিয়নৰ তৰফৰ কৰা শনিবাৰে বঙাইগাঁও জিলা উপায়ুক্তক প্ৰদান কৰা এখন স্মাৰকপত্ৰ যোগে এই দাবী জনাইছে ইউনিয়নে ৷ উল্লেখ্য যে বঙাইগাঁও চহৰৰ মূল পথত ই-ৰিক্সাচালকে তেওঁলোকৰ ই-ৰিক্সা চলাই চহৰখনত প্ৰায়ে যান-যঁটৰ সৃষ্টি কৰাৰ পৰিপ্ৰেক্ষিতত বঙাইগাঁও জিলা পৰিবহন বিষয়াই নিৰ্দ্ধাৰিত কৰি দিয়া উপপথ সমূহতহে যাতে ই-ৰিক্সা চালকসকলে তেওঁলোকৰ ই-ৰিক্সাসমূহ চলায়,তাৰ বাবে বঙাইগাঁও পৌৰসভা কৰ্তৃপক্ষই জাৰি কৰা নিৰ্দেশনাক অবমাননা কৰি ই-ৰিক্সা চালকসকলে চহৰৰ মূলপথ আৰু উপপথ উভয়তে ই-ৰিক্সা চলাই আহিছে বুলিও স্মাৰক পত্ৰত উল্লেখ কৰিছে ৷ 

বঙাইগাঁও চহৰৰ মূল পথত ই-ৰিক্সা নচলাই চহৰৰ মূলপথ সংযোগী উপ-পথসমূহতহে যাতে তেওঁলোকে ই-ৰিক্সাসমূহ চলায় আৰু অযথা যান-যঁট সৃষ্টি কৰাৰ পৰা বিৰত থাকে, তাৰ বাবে বঙাইগাঁও জিলা পৰিবহন বিভাগে ২০১৬ চনৰ ১৮ নৱেম্বৰত এক নিৰ্দেশনা জাৰি কৰিছিল ৷ লগতে পৰিবহন বিভাগৰ উক্ত নিৰ্দেশনা উলংঘা কৰিলে আইনমতে দণ্ডনীয় হ'ব বুলিও উল্লেখ কৰিছিল ৷ গতিকে বঙাইগাঁও জিলা পৰিবহণ বিভাগ আৰু বঙাইগাঁও পৌৰসভাই জাৰি কৰা নিৰ্দেশনা কাৰ্যকৰী কৰি চহৰখনৰ মূল পথত চলাচল কৰা ই-ৰিক্সা সমূহৰ বিৰুদ্ধে শাস্তিমূলক ব্যবস্থা গ্ৰহণ কৰাৰ বাবে ইউনিয়নে স্মাৰকপত্ৰখনত দাবী জনায় ৷ এই স্মাৰকপত্ৰৰ প্ৰতিলিপি পৰিবহন বিভাগৰ ৰাজ্যিক আয়ুক্ত , বঙাইগাঁও জিলা আৰক্ষী অধীক্ষক , বঙাইগাঁও জিলা পৰিবহণ বিষয়া , বঙাইগাঁও পৌৰসভাৰ সভাপতি আৰু কাৰ্যবাহী বিষয়ালৈও প্ৰেৰণ কৰে ৷🔯