🔯বৃহত্তৰ বঙাইগাঁও প্ৰেছ ক্লাবত সুধাকণ্ঠক শ্ৰদ্ধাঞ্জলি জ্ঞাপন🔯

🔯বৃহত্তৰ বঙাইগাঁও প্ৰেছ ক্লাবত সুধাকণ্ঠক শ্ৰদ্ধাঞ্জলি জ্ঞাপন🔯 

🔯জিলা শিল্পী সমাজৰ উদ্যোগতো মৃত্যু দিৱস উদযাপন🔯

📝বঙাইগাঁওঃ ৫ নবেম্বৰঃ ভাৰতৰত্ন সুধাকন্ঠ ডঃ ভূপেন হাজৰিকাৰ একাদশ মৃত্যু বাৰ্ষিকী উপলক্ষে আজি বৃহত্তৰ বঙাইগাঁও প্ৰেছ ক্লাবত এক শ্ৰদ্ধাঞ্জলি অনুষ্ঠানৰ আয়োজন কৰা হয় ৷ অনুষ্ঠুপীয়াকৈ আয়োজন কৰা অনুষ্ঠানত সুধাকণ্ঠৰ প্ৰতিছবিত বন্তি প্ৰজ্বলন কৰি শ্ৰদ্ধাঞ্জলি অনুষ্ঠানৰ শুভাৰম্ভ কৰে প্ৰেছ ক্লাবৰ উপদেষ্টা তথা জ্যেষ্ঠ সাংবাদিক তেজেশ ত্ৰিপাঠীয়ে ৷ প্ৰেছ ক্লাবৰ সাধাৰণ সম্পাদৰ প্ৰণৱ কুমাৰ ডেকাই আঁত ধৰা অনুষ্ঠানত ইয়াৰ পিচতে সদস্যসকলে সুধাকণ্ঠলৈ শ্ৰদ্ধাঞ্জলি জনাই ‌প্ৰয়াত শিল্পীগৰাকীৰ কালজয়ী গীত মানুহে মানুহৰ বাবে -- গীতটি পৰিৱেশন কৰে ৷ শ্ৰদ্ধাঞ্জলি অনুষ্ঠানত প্ৰেছ ক্লাবৰ কাৰ্যকৰী সভাপতি প্ৰশান্ত ৰায়ৰ লগতে আন বিষয়ববীয়াসকল উপস্থিত থাকি সুধাকণ্ঠলৈ একাঁজলি শ্ৰদ্ধাঞ্জলি জ্ঞাপন কৰে ৷ 

আনহাতে বঙাইগাঁও জিলা শিল্পী সমাজৰ উদ্যোগত বৰপাৰাস্থিত জ্যোতি সংঘৰ প্ৰাংগণত দিনজোৰা কাৰ্যসূচীৰে সুধাকণ্ঠ ডঃ ভূপেন হাজৰিকাৰ একাদশ মৃত্যু দিৱস উদযাপন কৰা হয় ৷  এই উপলক্ষে পুুৱা শিল্পী সমাজৰ পতাকা উত্তোলনেৰে কাৰ্যসূচী মুকলি কৰে বঙাইগাঁও জিলা শিল্পী সমাজৰ ভাৰপ্ৰাপ্ত সভাপতি নন্দলাল বৰ্মনে ৷ ইয়াৰ পিচতে শ্বহীদ তৰ্পন অনুষ্ঠান মুকলি কৰে বঙাইগাঁও জিলা তথ্য প্ৰযুক্তি বিষয়া বিজয় মজুমদাৰে আৰু ভাৰত ৰত্ন সুধাকন্ঠ  ডঃ ভূপেন হাজৰিকাৰ প্ৰতিছবিত  মাল্যাৰ্পণ আৰু বন্তি প্ৰজ্বলন কৰে বঙাইগাঁও প্ৰেছ ক্লাবৰ সভাতি তথা জেষ্ঠ সাংবাদিক  ৰঞ্জিত কুমাৰ শৰ্মাই ৷ ইয়াৰ লগে লগে শিল্পী সমাজৰ সদস্যসকলে সুধাকণ্ঠৰ 'মানুহে মানুহৰ বাবে -- 'শীৰ্ষক গীতটি পৰিৱেশন কৰে ৷ ইয়াৰ পিচতে দিনজোৰা কাৰ্যসূচীৰে ডঃ ভূপেন হাজৰিকালৈ শ্ৰদ্ধাঞ্জলি জনাই শিল্পীগৰাকীৰ গীতৰ অনুষ্ঠান চলি থাকে । ইপিনে সন্ধিয়া বঙাইগাঁও আঞ্চলিক ছাত্ৰ সন্থাইও মহান শিল্পীগৰাকীৰ প্ৰতি শ্ৰদ্ধাঞ্জলি জনাই জিলা আছুৰ কাৰ্যালয় ছহিদ ভৱনৰ সন্মুখত সুধাকণ্ঠৰ প্ৰতিছবিৰ সন্মুখত বন্তি প্ৰজ্বলন কৰে ৷🔯