🔯১২ নবেম্বৰত বঙাইগাঁও জিলাত ৰাষ্ট্ৰীয় লোক আদালত🔯

🔯১২ নবেম্বৰত বঙাইগাঁও জিলাত ৰাষ্ট্ৰীয় লোক আদালত🔯 

📝বঙাইগাঁওঃ ৬ নবেম্বৰঃ ৰাষ্ট্ৰীয় আইন সেৱা প্ৰাধিকৰণৰ উদ্যোগত তথা অসম ৰাজ্যিক আইন সেৱা প্ৰাধিকৰণৰ নিৰ্দেশনাত বঙাইগাঁও জিলা আইন সেৱা প্ৰাধিকৰণৰ অধীনতো অহা ১২ নবেম্বৰত ৰাষ্ট্ৰীয় আদালত অনুষ্ঠিত কৰা হ'ব। কোভিড পৰিস্থিতিৰ বাবে দেশৰ বিভিন্ন আদালতত ক্ৰমে বৰ্ধিত সংখ্যক গোচৰ বিচাৰাধীন হৈ থকা হেতুকে প্ৰথাগত প্ৰক্ৰিয়া ভাঙি "প্ৰাক-লোক আদালত সমঝোতা মীমাংসা বৈঠক" ৰ ব্যৱস্থা কৰা হৈছে। এই ব্যৱস্থাৰ মাধ্যমত প্ৰতিদিন গোচৰৰ উভয় পক্ষৰ মাজত সমঝোতাকাৰী অধিবক্তাৰ মধ্যস্থতাত বৈঠক চলি আছে। কোভিড পৰিস্থিতৰ প্ৰতি লক্ষ্য ৰাখি উক্ত বৈঠক সাক্ষাৎ মাধ্যম আৰু দৃশ্য-শ্ৰব্য(Audio-visual)মাধ্যমত কৰাৰ ব্যৱস্থা কৰা হৈছে।মটৰ দুৰ্ঘটনা গোচৰ, চেক বাউঞ্চজনিত অপৰাধ গোচৰ, আইনত মীমাংসা হ'ব পৰা অপৰাধজনিত গোচৰ, গাৰ্হস্থ্য হিংসা তথা খোৰাকিজনিত গোচৰ, যান-বাহন আইনজনিত গোচৰ আদি নিষ্পত্তিৰ বাবে এই লোক আদালতত হাতত লোৱা হৈছে। ইয়াৰ বাহিৰেও ভৱিষ্যতে দাখিল হোৱাৰ সম্ভাৱনা  থকা গোচৰ যেনে বেংকৰ ঋণ আদায়জড়িত গোচৰ, এপিডিচিএল ৰ বকেয়া মাছুল আদায়জড়িত গোচৰ,বি এছ এন এল ৰ বকেয়া মাছুল আদায় জড়িত গোচৰ আদিও নিষ্পত্তিৰ বাবে হাতত লোৱা হৈছে। উক্ত গোচৰসমূহত প্ৰাক লোক আদালত সমঝোতা বৈঠকৰ ব্যৱস্থা কৰা হৈছে।বৈঠকত মধ্যস্থতাকাৰীসকলৰ হস্তক্ষেপত আলোচনাৰ মাধ্যমত মামলা নিষ্পত্তি কৰা হ'ব,যাতে ভৱিষ্যতে আদায়জনিত মামলা আদালতত দাখিল কৰিব লগা নহয়।বঙাইগাঁও জিলা আইন সেৱা প্ৰাধিকৰণৰ তৰফৰ পৰা  আহ্বান জনোৱা হৈছে যে যদি কোনোবাই ইতিমধ্যে উক্ত ধৰণৰ গোচৰৰ জাননী পাইছে নাইবা ভৱিষ্যতে পাব, তেওঁলোকে আগ্ৰহী হৈ প্ৰাক লোক আদালত সমঝোতা বৈঠকত যোগদান কৰি নিজৰ গোচৰ নিষ্পত্তিৰ সুবৰ্ণ সুযোগ গ্ৰহণ কৰি ৰাইজৰ স্বাৰ্থত লোৱা এই আইন সেৱাৰ পদক্ষেপত তেওঁলোকক যাতে সহযোগ কৰে। আগ্ৰীসকলে জিলা আইন সেৱা প্ৰাধিকৰণৰ কাৰ্যালয়, প্ৰথম মহলা, জিলা ন্যায়িক আদালত,দেউৰীপাৰা, বঙাইগাঁও,পিন:৭৮৩৩৮০ অথবা ৬৯০১২৮১৬২১ নম্বৰ মোবাইল আৰু ই-মেইল :dlsabongaigaon.gmail.com ত যোগাযোগ কৰিব পাৰিব বুলিও জনাইছে ৷🔯