🔯বঙাইগাঁৱত অসম প্ৰেমী যুৱছাত্ৰ সমাজৰ সাধাৰণ সম্পাদকক গ্ৰেপ্তাৰ🔯

🔯বঙাইগাঁৱত অসম প্ৰেমী যুৱছাত্ৰ সমাজৰ সাধাৰণ সম্পাদকক গ্ৰেপ্তাৰ🔯

📝বঙাইগাঁওঃ১১ নবেম্বৰঃ বঙাইগাঁও জিলাৰ অভয়াপুৰী থানাৰ আৰক্ষীয়ে শুকুৰবাৰে অসম প্ৰেমী যুৱছাত্ৰ সমাজৰ সাধাৰণ সম্পাদকক গ্ৰেপ্তাৰ কৰিছে ৷ আৰক্ষীয়ে গ্ৰেপ্তাৰ কৰা অসম প্ৰেমী যুৱছাত্ৰ সমাজৰ নেতাজন ৰহিবুল শ্বেখ বুলি আৰক্ষীয়ে প্ৰকাশ কৰিছে ৷ বঙাইগাঁও জিলাৰ অভয়াপুৰী থানাত পঞ্জীকৃত গোচৰ নম্বৰ ৪৫৯/২০২২ ( ইউ/এছ ৫০৭ আইপিচি আৰ /ডব্লিউ ছেকচন ৬৭/৬৭ (এ) আই টি এক্ট)ৰ অধীনত আৰক্ষীয়ে ৰহিবুল শ্বেখক গ্ৰেপ্তাৰ কৰিছে ৷ উল্লেখ্য যে ভাতীয় দণ্ডবিধি আইনৰ ৪৪৮/৩৭৬/৫১১ আৰ ডব্লিউ ছেকচনৰ পিঅচিএছঅ এক্ট ১২ৰ অধীনত অভয়াপুৰী থানাত মুমতাজ আলীৰ ভুক্তভোগী কন্যাই ৰুজু কৰা ৪৪৯/২১ নম্বৰৰ এটি আদালতত বিচাৰাধীন গোচৰৰ মীমাংসা কৰাৰ বাবে ৰহিবুল শ্বেখে ভুক্তভোগীক ক্ৰমাগতভাৱে ভাবুকি আৰু অশ্লীল ভিডিঅ প্ৰেৰণ কৰি আহিছিল ৷ পিচত শুকুৰবাৰে আৰক্ষীয়ে সংগঠনটোৰ সাধাৰণ সম্পাদক ৰহিবুল শ্বেখক গ্ৰেপ্তাৰ কৰে ৷ আৰক্ষীয়ে গ্ৰেপ্তাৰ কৰা ৰহিবুল শ্বেখক সোধপোচৰ অন্তত ন্যায়িক জিম্মালৈ প্ৰেৰণ বুলি বঙাইগাঁও জিলাৰ আৰক্ষী অধীক্ষক স্বপ্ননীল ডেকাই জানিবলৈ দিছে ৷🔯