🔯বঙাইগাঁও জিলাতো ডেংগুৰ সংক্ৰমণঃ আক্ৰান্ত আইতাক - নাতিয়েক🔯

🔯বঙাইগাঁও জিলাতো ডেংগুৰ সংক্ৰমণঃ আক্ৰান্ত আইতাক - নাতিয়েক🔯

📝বঙাইগাঁওঃ ১১ নবেম্বঃ ৰাজ্যখনৰ কাৰ্বি আংলং জিলাত ডেংগুই মহামাৰীৰ ৰূপ ধাৰণ কৰি বিভীষিকাৰ পৰিৱেশ নমাই অনাৰ সমান্তৰালভাৱে এতিয়া দৈনিক বিভিন্ন জিলাতো বৃদ্ধি পাবলৈ ধৰিছে ইয়াৰ সংক্ৰমণ ৷ শেহতীয়াভাৱে বঙাইগাঁও জিলাতো দুজন ডেংগুত আক্ৰান্ত হোৱাতো ধৰা পৰিছে ৷ জিলা স্বাস্থ্য বিভাগৰ যুটীয়া স্বাস্থ্য সেৱা সঞ্চালক ডাঃ পৰেশ কুমাৰ ৰয়ে জানিবলৈ দিয়া মতে বঙাইগাঁও জিলাৰ ঘিলাগুৰীৰ সুখী বালা কীৰ্তনীয়া ( ৬২) নামৰ এগৰাকী বৃদ্ধা আৰু অনামিকা কীৰ্তনীয়া ( ১০) ডেংগুত আক্ৰান্ত হোৱাতো ধৰা পৰিছে ৷ সম্পৰ্কত দুয়ো আইতাক আৰু নাতিয়েক ৷ ষট্ পূজাত পশ্চিম বংগৰ কোচ বিহাৰলৈ গৈছিল আইতাক আৰু নাতিয়েকসহ পৰিয়ালটোৰ তিনিগৰাকীকৈ সদস্য ৷ তাৰ পৰাই এওঁলোকৰ শৰীৰত ডেংগুৰ সংক্ৰমণ ঘটে ৷ জিলা স্বাস্থ্য বিভাগে ইতিমধ্যে বহিঃ ৰাজ্যৰ পৰা অহা লোকসকলক নীৰিক্ষণত ৰাখিছে যাতে কোনোবা জ্বৰত আক্ৰান্ত হৈছে নেকি ৷ সেই অনুসৰি বহিঃ ৰাজ্যৰ পৰা ওভতি অহাৰ সময়তে শৰীৰত জ্বৰ লক্ষণলৈ আহিছিল ডেংগুত আক্ৰান্ত আইতাক আৰু নাতিয়েকে ৷ দুয়োকে বঙাইগাঁও অসামৰিক চিকিৎসালয়ত ভৰ্তি কৰি নীৰিক্ষণত ৰাখিছিল আৰু পিচত পৰীক্ষাত দুয়োৰে শৰীৰত ডেংগুৰ সংক্ৰমণ ধৰা পৰে বুলি কয় ৷ সম্প্ৰতি চিকিৎসালয়খনৰ ডেংগু ৱাৰ্ডত চিকিৎসাধীন হৈ থকা ৰোগী দুগৰাকীৰ অৱস্থা উন্নত বুলিও প্ৰকাশ কৰে যুটীয়া স্বাস্থ্য লেৱা সঞ্চালকগৰাকীয়ে ৷ যুটীয়া স্বাস্থ্য সেৱা সঞ্চালকগৰাকীয়ে জানিবলৈ দিয়া মতে ইতিমধ্যে জিলাখনত ডেংগু প্ৰতিৰোধ কৰিবলৈ সকলো সজাগতামূলক ব্যৱস্থা গ্ৰহণ কৰিছে ৷ জিলা স্বাস্থ্য সমিতিয়ে এই ৰোগ সম্পৰ্কত ৰাইজৰ মাজত ঘোষণা দিয়া, নগৰ এলেকাত ধোঁৱা দিয়া, গাঁও-চহৰ সকলো অঞ্চলৰে লোকৰ জ্বৰ হ'লে নিৰীক্ষণ কৰি থকাৰ লগতে চিকিৎসালয়ত পৰ্য্যাপ্ত ঔষধ মজুত ৰখা বুলিও জানিবলৈ দিয়ে🔯