🔯বঙাইগাঁৱত ২৭ নবেম্বৰত অসম জাতীয় বিদ্যালয় শিক্ষা সংসদৰ ( এজবেক) প্ৰতিনিধি সভা🔯

🔯বঙাইগাঁৱত ২৭ নবেম্বৰত অসম জাতীয় বিদ্যালয় শিক্ষা সংসদৰ ( এজবেক) প্ৰতিনিধি সভা🔯

📝বঙাইগাঁওঃ ১১ নবেম্বৰঃ অসম জাতীয় বিদ্যালয় শিক্ষা সংসদ চমুকৈ এজবেকৰ উদ্যোগত আৰু বঙাইগাঁও জিলা জাতীয় বিদ্যালয় সমন্বয়ৰক্ষী সমিতিৰ সহযোগত উত্তৰ বঙাইগাঁৱস্থিত জ্ঞানোদয় জাতীয় বিদ্যালয় প্ৰাংগণত অহা ২৭ নবেম্বৰৰ পুৱা ১০ বজাত এখন প্ৰতিনিধি সভা অনুষ্ঠিত হ’ব ৷ এজবেকৰ সভাপতি, সম্পাদক আৰু সমন্বয়কৰ উপৰিও অসম জাতীয় বিদ্যালয়ৰ অধ্যক্ষ আৰু উপাধ্যক্ষ উপস্থিত থাকিবলগীয়া প্ৰতিনিধিনি সভাখনত ধুবুৰীৰ পৰা মৰিগাঁৱলৈকে মুঠ ১৩ খন জিলাৰ প্ৰতিখন জাতীয় বিদ্যালয়ৰ পৰা এগৰাকীকৈ মুঠ ৪২৭ গৰাকী প্ৰতিনিধি উপস্থিত থাকিব৷ প্ৰতিনিধিত্বমূলক শৈক্ষিক সভাখনত বিশেষ কাৰ্যসূচী হিচাপে অন্তৰ্ভুক্ত কৰা পাঠ্যপুথি আৰু শিক্ষণ সঁজুলি, শিক্ষক প্ৰশিক্ষণ পৰীক্ষা আৰু প্ৰশ্নকাকত, বাৰ্ষিক প্ৰতিবেদন আৰু সহ পাঠ্যক্ৰম, জিলা সমিতিৰ প্ৰতিবেদন, যোৰহাটত প্ৰস্তাৱিত জাতীয় বিদ্যালয় সমাৰোহৰ প্ৰস্তুতি আদি বিষয়বস্তু আলোচনাৰ মজিয়াত অগ্ৰাধিকাৰ দিয়া হৈছে৷ উল্লেখ্য যে উক্ত সভাত অংশ গ্ৰহণকাৰীৰ (প্ৰতিখন জিলা) তালিকা অহা ২০ নবেম্বৰৰ ভিতৰত অশোক দাস, কাৰ্যকৰী সভাপতি, বঙাইগাঁও জিলা জাতীয় বিদ্যালয় সমন্বয়ৰক্ষী সমিতি, ৭০০২৬৯১৩৯৯ হোৱাটচ্এপ নম্বৰত পঠিয়াবলৈ প্ৰতিখন জিলাৰ সভাপতি আৰু সম্পাদকলৈ  আয়োজক সমিতিয়ে আহ্বান জনাইছে ৷🔯