🔯বঙাইগাঁও এম, ই, স্কুলৰ ভাৰপ্ৰাপ্ত প্রধান শিক্ষক নাৰায়ণ দেৱনাথৰ নিলম্বনৰ আদেশ প্রত্যাহাৰৰ দাবী🔯

🔯বঙাইগাঁও এম, ই, স্কুলৰ ভাৰপ্ৰাপ্ত প্রধান শিক্ষক নাৰায়ণ দেৱনাথৰ নিলম্বনৰ আদেশ প্রত্যাহাৰৰ দাবী🔯

🔯বঙাইগাঁও জিলা শিক্ষক ঐক্য  মঞ্চৰ বঙাইগাঁও জিলাৰ উপায়ুক্তলৈ স্মাৰক পত্র🔯

📝বঙাইগাঁওঃ ২২ নৱেম্বৰ : বঙাইগাঁও এম, ই, স্কুলৰ ভাৰপ্ৰাপ্ত প্রধান শিক্ষক নাৰায়ণ দেৱনাথৰ নিলম্বনৰ আদেশ প্রত্যাহাৰৰ দাবীত বঙাইগাঁও জিলা শিক্ষক ঐক্য  মঞ্চই মঙলবাৰে বঙাইগাঁও জিলাৰ উপায়ুক্তক এখন স্মাৰক পত্র প্ৰদান কৰে ৷ বঙাইগাঁও জিলা শিক্ষক ঐক্য মঞ্চৰ সভাপতি নন্দেশ্বৰ গোস্বামী আৰু ভাৰপ্ৰাপ্ত সাধাৰণ সম্পাদক দিলীপ কুমাৰ ৰায় স্বাক্ষৰিত স্মাৰকপত্ৰত জিলাখনৰ শৈক্ষিক পৰিৱেশ উন্নতিৰ বাবে প্ৰশাসনৰ পৰা কিছু সহযোগ বিচাৰি যোৱা  ১৪ অক্টোবৰত এখন স্মাৰক পত্ৰ প্ৰদান কৰাৰ কথা প্ৰকাশ কৰিছে। কিন্তু অতি পৰিতাপৰ কথা যে পৰৱৰ্ত্তী সময়ত জিলাখনৰ শিক্ষা বিষয়া গৰাকীয়ে ঐক্য মঞ্চৰ মুখ্য সম্পাদক নাৰায়ণ দেৱনাথক বিভিন্ন ধৰণৰ মিছা অভিযোগ দি তেওঁক যোৱা ১৯  নৱেম্বৰত চাকৰিৰ পৰা নিলম্বনৰ দৰে কঠোৰ সিদ্ধান্ত লয় ৷ শিক্ষক সমাজে জিলাৰ শিক্ষা বিষয়া গৰাকীয়ে এজন সাধাৰণ শিক্ষকৰ ওপৰত এনেধৰণৰ কঠোৰ সিদ্ধান্ত লোৱাটো কেতিয়াও কামনা কৰা নাছিল বুলি স্মাৰকপত্ৰত উল্লেখ কৰিছে। উল্লেখ্য  যে শিক্ষা বিষয়া গৰাকীয়ে যিবোৰ মিছা অভিযোগ আনি নাৰায়ণ দেৱনাথক চাকৰিৰ পৰা নিলম্বন কৰিছে,সেইবোৰ পুনৰ বিবেচনা কৰি তেখেতৰ নিলম্বনৰ নিৰ্দেশ বাতিল কৰাৰ ব্যৱস্থা গ্ৰহণ কৰিব বুলি শিক্ষক সমাজে কামনা কৰে ৷ বঙাইগাঁও জিলা শিক্ষক ঐক্য  মঞ্চই বঙাইগাঁও এম, ই, স্কুলৰ ভাৰপ্ৰাপ্ত প্রধান শিক্ষক নাৰায়ণ দেৱনাথৰ  সমৰ্থনত কেবাটাও মতামত স্মাৰকপত্ৰৰ জৰিয়তে উপায়ুক্তক অৱগত কৰে ৷ শিক্ষক ঐক্য  মঞ্চই আগবঢ়োৱা মতামত মতে, ২০২০ বৰ্ষৰ ৩১ মাৰ্চলৈ বিদ্যালয়খনৰ কেচবুকখন আপটুডেট কৰা নাই বুলি শ্ব’কজত উল্লেখ কৰিছে  যদিও তেখেতে ২০২২ বৰ্ষৰ ৩১ মাৰ্চলৈ কেচবুকখন আপটুডেট কৰিছে ৷ তদুপৰি ডিএমচি লেটাৰ এছএছএ/একাউণ্টছ/এছএনএ /২০৭/২০২১/৯৭৭ ( As per DMC letter SSA/Acctts/SNA/207/2021/977) মৰ্মে অসমৰ সকলো বিদ্যালয়ৰ এছএমচিৰ একাউণ্টত থকা আনস্পেন্ট বেলেঞ্চ( unspent Balance )সমূহ এছএছএৰ একাউণ্টত ঘূৰাই দিয়াৰ বাবে বিদ্যালয় সমূহক নিৰ্দেশ কৰিছিল। গতিকে পৰৱৰ্তী পৰ্যায়ত বিদ্যালয়খনেও যোৱা ১৪ চেপ্তেম্বৰত ১,৫৪,০৯২ টকা চেকযোগে ঘূৰাই দিছে। ইয়াৰ পিছত কৰিবলগীয়া কামখিনি সহকাৰী ব্লক একাউণ্ট গৰাকীয়ে কৰি নিদিয়াৰ বাবেহে কেচবুক আপডেট  নোহোৱাকৈ আছিল। বর্তমান সেইখিনিও আপডেট কৰিছে আৰু শিক্ষা বিষয়াগৰাকীয়ে নিজেই প্রত্যক্ষ কৰিছে। লগতে কথাখিনিৰ সত্য-সত্যতা বিদ্যালয়ৰ ভিজিটিং ৰেজিষ্টাৰত( Visiting Register)লিপিবদ্ধ আছে। দ্বিতীয়তে বিদ্যালয়ৰ একাউণ্টত চিআৰচিচিৰ বাবে বছৰি ৪০০০  হেজাৰ টকাৰ অনুদান ক্লাষ্টাৰ বিল্ডিংটোৰ আনুসংগিক খৰছৰ বাবে বিভাগে প্ৰদান কৰিছিল। বিভাগীয় নির্দেশ পোৱাৰ পিছত শিক্ষক নাৰায়ণ দেৱনাথে টকাখিনি চিআৰচিচি গৰাকীক প্ৰদান কৰা বুলি পৰিদৰ্শন কালত জনাইছিল। তদুপৰি এই  টকাখিনি যিহেতু চিআৰচিচিৰ হতুৱাই কৰা ,সেয়ে খৰছৰ নথি পত্ৰ তেওঁৰ হাতত মজুত আছে। গতিকে এইখিনিও  নাৰায়ণ দেৱনাথৰ দোষ হোৱা বুলি শিক্ষক সংগঠনটোৱে মানি ল’ব নোৱাৰোঁ বুলি উল্লেখ কৰিছে৷ তদুপৰি বিদ্যালয়খনত যথেষ্ট সংখ্যক এফটিবি (F.T.B). মজুত থকা সম্পৰ্কত সংগঠনটোৱে স্মাৰকপত্ৰত যিবোৰ এফটিবি পোৱা গৈছে, সেইখিনি পুৰণি ছিলেবাছৰ আৰু আগতে ছাত্র-ছাত্ৰী সকলে ব্যৱহাৰ কৰা কিতাপ। তেওঁ সেইখিনি বুক বেংকত  ৰাখিছে। পুৰণি ছিলেবাছৰ পাঠ্যপুথি বুক বেংকত সজাই থোৱাটো শিক্ষক এজনৰ দোষ হ'ব পাৰে বুলি মনে নধৰে বুলিও উল্লেখ কৰিছে। লক্ষ্যণীয়,শিক্ষা বিষয়া গৰাকীয়ে ২০২২ বৰ্ষৰ ২৬ অক্টোবৰত বিদ্যালয়খন পৰিদৰ্শনৰ দিনটো কালী পূজাৰ সময়ত আছিল আৰু বিষয়া গৰাকীয়ে নিজেই বিদ্যালয় চৌহদত পূজা পাতিবলৈ অনুমতি প্রদান কৰিছিল। সেয়ে স্বাভাৱিকভাৱে সেইদিনা ছাত্ৰ-ছাত্ৰীৰ উপস্থিতি কম আছিল। প্রধান শিক্ষকে এছএমচিৰ সভাপতিৰ পৰামৰ্শ অনুসৰি সেইদিনা এমডিএমৰ বাবে ছাত্র-ছাত্ৰীসকলক কল আৰু কেক খোৱাৰ ব্যৱস্থা কৰিছিল। গতিকে ছাত্র-ছাত্রীসকলক এমডিএমৰ পৰা বঞ্চিত কৰা হোৱা নাই। লগতে আনকুকড্‌ এমডিএমৰ বাবে এছএমচিৰ প্ৰস্তাৱ ল'ব নোৱাৰাটো এটি স্বাভাৱিক কথা। প্ৰস্তাৱ ল'বলগীয়া হ'লে ছাত্র-ছাত্ৰীক কল আৰু কেক দিব পৰা নগলহেঁতেন। কাৰণ সভা এখন পাতিব লাগিলে কমে তিনিদিনৰ ওপৰ সময়ৰ প্ৰয়োজন হয়। এইক্ষেত্ৰত বিদ্যালয়ৰ প্ৰধান শিক্ষকসকলে পৰিৱেশ-পৰিস্থিতি সাপেক্ষে কেতিয়াবা আনকুকড্‌ এমডিএম প্রদান কৰিব পাৰি বুলি মাজে সময়ে এছএমচিৰ প্ৰশিক্ষণ বিলাকতো আৰপি বিষয়া সকলে জনোৱাৰ কথা স্মাৰকপত্ৰত উল্লেখ কৰিছে ৷ইপিনে বিদ্যালয়খনৰ বিজ্ঞান কৰ্ণাৰটো লেতেৰা অৱস্থাত পোৱা বুলি বিষয়া গৰাকীয়ে অভিযোগৰ প্ৰত্তুত্যৰত বিজ্ঞান কৰ্ণাৰটো যিহেতু প্ৰেকটিকেল ক্লাচৰ সময়তহে ব্যৱহাৰ কৰা হয় আৰু সেই ৰুমটো ৰাস্তাৰ কাষতে হোৱাৰ বাবে কিছু ধুলি মাকতি থকাটো হয়। কিন্তু সেইখিনি দোষৰ বাবে প্রধান শিক্ষক গৰাকীক নিলম্বনৰ দৰে ব্যৱস্থা লোৱাটো উচিত হোৱা নাই বুলি বঙাইগাঁও জিলা শিক্ষক ঐক্য  মঞ্চই অভিমত ব্যক্ত কৰে৷🔯